ព័ត៌មានអន្ដរជាតិ

តៃវ៉ាន់គ្រោងបិទការនាំចូលរថយន្តចិនពីប្រទេសទី៣

បានផុស

១០ ខែ មុន

នៅ

ថ្ងៃសុក្រ ៨ សីហា ២០២៥

ដោយ

ក្រសួងកិច្ចការសេដ្ឋកិច្ចរបស់តៃវ៉ាន់បានឱ្យដឹងថា ខ្លួនកំពុងពិនិត្យមើលបទប្បញ្ញត្តិ ដើម្បីបិទការនាំចូលរថយន្តចិនមកទីផ្សារក្នុងស្រុកដោយប្រយោល តាមរយៈពេលប្រទេសទី៣។ នេះបើតាមការចុះផ្សាយរបស់សារព័ត៌មាន CNA កាលពីដើមសប្ដាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឱ្យដឹងនេះ ធ្វើឡើងក្រោយមានរបាយការណ៍ថា ក្រុមហ៊ុនផលិតរថយន្តចិន BYD មានបំណងនាំរថយន្តដំឡើងនៅថៃ ទៅលក់នៅតៃវ៉ាន់ តាមរយៈក្រុមហ៊ុនចែកចាយតៃវ៉ាន់ Taikoo Motors Group ដែលនេះជាយុទ្ធសាស្រ្តរំលងច្បាប់របស់តៃវ៉ាន់ ដែលហាមឃាត់ការនាំចូលរថយន្តពីចិន។

ក្រសួងបាននិយាយថា ខ្លួនកំពុងធ្វើសេចក្តីព្រាងវិធានការត្រួតពិនិត្យដែលនឹងអនុវត្តចំពោះម៉ាករថយន្តចិនដែលចូលតៃវ៉ាន់តាមរយៈប្រទេសទី៣។ ច្បាប់នេះ នឹងគ្របដណ្តប់លើការនាំចូល ការត្រួតពិនិត្យ និងការលក់ ហើយរំពឹងថានឹងបញ្ចប់នៅចុងឆ្នាំនេះ។

ក្រុមមន្ត្រីតៃវ៉ាន់បាននិយាយថា រថយន្តដែលដំឡើងនៅតៃវ៉ាន់ដោយប្រើប្រាស់គ្រឿងបន្លាស់ចិន ត្រូវតែគោរពតាមបទប្បញ្ញត្តិរបស់រដ្ឋាភិបាលដែលមានស្រាប់ ទើបអាចលក់បាន។ ច្បាប់ទាំងនេះ បង្កើតឡើងដើម្បីបង្ការការលក់បង្ខូចតម្លៃលើទីផ្សារ ហើយតម្រូវឱ្យយានជំនិះដែលដំឡើងក្នុងស្រុក បង្កើនការប្រើប្រាស់គ្រឿងបន្លាស់តៃវ៉ាន់ជាបណ្តើរៗ ឱ្យបានយ៉ាងហោចណាស់ ៣៥ ភាគរយ ក្នុងរយៈពេល ៣ ឆ្នាំ។

គួរគូសបញ្ជាក់ថា កន្លងមក អ្នកជំនាញបាននិយាយថា ក្រុមហ៊ុនផលិតរថយន្តចិនបានប្រើប្រាស់ប្រទេសថៃដើម្បីជាមជ្ឈមណ្ឌលនាំចេញរថយន្តយុទ្ធសាស្រ្តរបស់ខ្លួន ជាពិសេសសម្រាប់ទីផ្សារទីផ្សារនៅអាស៊ីអាគ្នេយ៍ផ្ទាល់៕