ព័ត៌មានអន្ដរជាតិ

លោក ត្រាំថា តៃវ៉ាន់មិនគំរាមកំហែងចិន ដូចវ៉េណេស៊ុយអេឡាធ្វើចំពោះអាមេរិកទេ

បានផុស

៦ ខែ មុន

នៅ

ថ្ងៃសុក្រ ៩ មករា ២០២៦

ដោយ

ប្រធានាធិបតីសហរដ្ឋអាមេរិក លោក ដូណាល់ ត្រាំ បានថ្លែងក្នុងបទសម្ភាសន៍មួយថា ការអនុវត្តផែនការណ៍អីមួយលើតៃវ៉ាន់ វាអាស្រ័យលើប្រធានាធិបតីចិន លោក ស៊ី ជីនពីង ទេ ។ តែយ៉ាងណា លោកក៏សម្តែងអាម្មណ៍មិនសប្បាយចិត្តជាមួយស្ថានភាពបច្ចុប្បន្ននេះប៉ុន្មានដែរ។ នេះបើយោងតាមកាសែត New York Times ដែលបានចេញផ្សាយកាលពីថ្ងៃព្រហស្បតិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរ៉យទ័រ ត្រាំបានប្រាប់អ្នកកាសែតកាលពីថ្ងៃពុធថា៖ «លោកស៊ីចាត់ទុកតៃរ៉ាន់ថាជាផ្នែកមួយនៃប្រទេសចិន ហើយនោះអាស្រ័យលើអ្វីដែលលោកស៊ីនឹងអនុវត្ត»។

លោកត្រាំបានបន្ថែមថា៖«ប៉ុន្តែខ្ញុំបានបង្ហាញទៅកាន់លោកស៊ីថា ខ្ញុំនឹងមិនសប្បាយចិត្តនោះទេ ប្រសិនបើលោកស៊ី នៅតែធ្វើបែបនោះ (គ្រប់គ្រងតៃវ៉ាន់) ហើយខ្ញុំមិនគិតថា គាត់នឹងធ្វើបែបនោះទេ។ ខ្ញុំសង្ឃឹមថាគាត់នឹងមិនធ្វើអ៊ីចឹងទៅចុះ»។

ប្រធានាធិបតីសហរដ្ឋអាមេរិក បានបន្ថែមទៀតថា ប្រធានាធិបតិចិន លោក ស៊ី ជីនពីង អាចយកខ្លួនជាមេរៀនបាន ពីអ្វីដែលលោកបានប្រតិបត្តិការយោធាយ៉ាងខ្លាំងក្លាដើម្បីចាប់ខ្លួនប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ។

ប្រធានាធិបតីមកពីគណបក្សសាធារណរដ្ឋរូបនេះ បានបន្តទៀតថា លោកមិនបានចាត់ទុកស្ថានការណ៍ទាំងពីរនេះដូចគ្នាទេ ព្រោះតៃវ៉ាន់មិនបានគំរាមចិនដូចដែលរដ្ឋាភិបាលរបស់ លោក ម៉ាឌូរ៉ូ បានបង្កបញ្ហាចំពោះសហរដ្ឋអាមេរិកឡើយ។

លោកត្រាំថ្លែងដោយជឿជាក់ថា លោក ស៊ី នឹងមិនធ្វើចលនាប្រឆាំងណាមួយចំពោះកោះតៃវ៉ាន់ អំឡុងពេលខ្លួនធ្វើជាប្រធានាធិបតីនោះទេ ដែលតួនាទីជាប្រធានាធិបតីរបស់លោកស៊ី នឹងបញ្ចប់នៅឆ្នាំ២០២៩។

ត្រាំបន្តថា៖ «លោក ស៊ី ប្រហែលជាអនុវត្តន៍ផែនការអ្វីមួយលើតៃវ៉ាន់ ជាមួយប្រធានាធិបតីផ្សេង ប៉ុន្តែខ្ញុំមិនគិតថាគាត់នឹងធ្វើវា អំឡុងពេលខ្ញុំនៅជាប្រធានាធិបតីនោះទេ»៕

គួរឱ្យដឹងផងដែរថា សហរដ្ឋអាមេរិកមិនមានទំនាក់ទំនងការទូតជាផ្លូវការជាមួយតៃវ៉ាន់ទេ ប៉ុន្តែទីក្រុងវ៉ាស៊ីនតោនគឺជាអ្នកគាំទ្រជាអន្តរជាតិដ៏សំខាន់បំផុតរបស់កោះតៃវ៉ាន់នេះ ហើយត្រូវបានទាមទារដោយច្បាប់ដើម្បីផ្តល់មធ្យោបាយការពារខ្លួនដល់តៃវ៉ាន់។

បញ្ហាដ៏រសើបនៅកោះតៃវ៉ាន់់នេះ បានបង្កឱ្យមានការខឹងសម្បារយ៉ាងខ្លាំងក្នុងទំនាក់ទំនងអាមេរិក-ចិន អស់ជាច្រើនឆ្នាំមកហើយ៕

ប្រែសម្រួល៖ ណឺ មិនា