សេដ្ឋកិច្ច

ARDB បន្តគាំទ្រវិស័យស្រូវអង្ករកម្ពុជា រហូតសម្រេចបានការនាំចេញ ១ លានតោនក្នុងមួយឆ្នាំ

បានផុស

៩ ខែ មុន

នៅ

ថ្ងៃអង្គារ ២ កញ្ញា ២០២៥

ដោយ

លោក កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម (ARDB) បានអះអាងថា ធនាគារអភិវឌ្ឍន៍ជនបទ និងកសិកម្ម នឹងនៅតែបន្តគាំទ្រទៅដល់វិស័យស្រូវអង្ករកម្ពុជា រហូតសម្រេចបានគោលដៅក្នុងការនាំចេញឱ្យបាន ១ លានតោនក្នុងមួយឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកម្មវិធី “មហាសន្និបាត សហព័ន្ធស្រូវអង្ករកម្ពុជា និងការបោះឆ្នោតជ្រើសរើស ប្រធានសហព័ន្ធ ប្រធាន និងសមាជិកក្រុមប្រឹក្សាភិបាលអាណត្តិទី៥” កាលពីពេលថ្មីៗកន្លងទៅនេះ លោក កៅ ថាច បានមានប្រសាសន៍ថា បើទោះបីស្ថិតក្នុងបរិបទនៃភាពតានតឹងផ្នែកភូមិសាស្រ្តនយោបាយ និងភាពមិនប្រាកដប្រជាខ្ពស់នៃស្ថានភាពពាណិជ្ជកម្មតំបន់ និងសកលក្តី ប៉ុន្តែវិស័យស្រូវអង្ករ នៅតែបានដើរតួនាទីយ៉ាងសំខាន់មិនអាចខ្វះបានសម្រាប់ទ្រទ្រង់ដល់សន្តិសុខស្បៀង ចូលរួមរក្សានូវកម្រិតជីវភាពសមរម្យរបស់ប្រជាកសិករ និងចូលរួមចំណែកជំរុញកំណើនសេដ្ឋកិច្ច។

ជាក់ស្តែង តម្រូវការអង្ករសកលសម្រាប់បរិភោគ និងសម្រាប់កែច្នៃ នៅតែបន្តមាននិន្នាការកើនឡើងពោលគឺ កើនឡើងប្រមាណពី ៥២៩ លានតោន ក្នុងឆ្នាំ២០២៣/២០២៤ ដល់ ៥៤០ លានតោន ក្នុងឆ្នាំ ២០២៤/២០២៥ និងរំពឹងថានឹងកើនឡើងដល់ ៥៤៩ លានតោន ក្នុងឆ្នាំ២០២៥/២០២៦។

ពាក់ព័ន្ធនិងវិស័យស្រូវអង្ករកម្ពុជានេះដែរ លោក កៅ ថាច បានគូសបញ្ជាក់ថា ធនាគារអភិវឌ្ឍន៍ជនបទ និងកសិកម្ម បានចូលរួមគាំទ្រដល់វិស័យស្រូវអង្ករតាំងពី ឆ្នាំ១៩៩៨ មកម្ល៉េះ តាមរយៈការផ្តល់ហិរញ្ញប្បទានដល់គ្រប់តួអង្គក្នុងខ្សែច្រវាក់តម្លៃផលិតកម្ម កសិកម្មជាទុនបង្វិល និងទុនវិនិយោគជាដើម។

ជាក់ស្តែង គិតត្រឹមថ្ងៃទី៣១ ខែកក្កដា ឆ្នាំ២០២៥ នេះ ធនាគារអភិវឌ្ឍន៍ជនបទ និងកសិកម្ម មានសំពៀតឥណទានទៅលើវិស័យស្រូវអង្ករ ប្រមាណជា ២០០ លានដុល្លារអាម៉េរិក ដែលស្មើនឹងប្រមាណជា ៤១% នៃសំពៀត ឥណទានសរុប។

លោក កៅ ថាច បានអះអាងថា «ធនាគារអភិវឌ្ឍន៍ជនបទ និងកសិកម្ម នឹងនៅតែបន្តគាំទ្រដល់វិស័យមួយ នេះរហូតដល់គោលដៅកំណត់របស់រាជរដ្ឋាភិបាល និងសម្រេចបាននូវចក្ខុវិស័យច្បាស់ លាស់ក្នុងការនាំចេញអង្ករឱ្យបាន ១ លានតោនក្នុងមួយឆ្នាំ។

សូមជម្រាបថា ប្រធានសហព័ន្ធស្រូវអង្ករកម្ពុជាថ្មី លោក ឧកញ៉ា ឡាយ ឈុនហួរ បានប្ដេជ្ញាក្នុងការនាំចេញអង្ករកម្ពុជាទៅកាន់ទីផ្សារឱ្យបាន ១ លានតោន ក្នុងអាណត្តិទី៥ ២០២៥-២០២៨ នេះ ជាមួយនឹងការបង្កើនការនាំចេញ និងពង្រីកទីផ្សារថ្មី។

លោក ឧកញ៉ា បានបញ្ជាក់ថា «បច្ចុប្បន្នសហព័ន្ធស្រូវអង្ករកម្ពុជា បាននឹងកំពុងសិក្សានូវទីផ្សារថ្មីៗបន្ថែមទៀតក្នុងការនាំចេញអង្ករ ក៏ដូចជាការពង្រឹងនូវសមត្ថភាពបន្ថែមនៅក្នុងការនាំចេញ»៕

ដោយ៖ ឌិន ថារី

ព័ត៌មានអន្ដរជាតិ១៥ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា