សេដ្ឋកិច្ច

ARDB ប្តេជ្ញាបន្តជំរុញការនាំចេញអង្ករកម្ពុជា ទៅកាន់ទីផ្សារចិន

បានផុស

៤ ខែ មុន

នៅ

ថ្ងៃអង្គារ ១០ មីនា ២០២៦

ដោយ

លោកបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ប្តេជ្ញាបន្តគាំទ្រ និងជំរុញការនាំចេញអង្ករកម្ពុជា ទៅកាន់ទីផ្សារប្រទេសចិនឱ្យបានកាន់តែច្រើនបន្ថែមទៀត។

ការប្ដេជ្ញារបស់អគ្គនាយក ARDB ធ្វើឡើង នៅក្នុងជំនួបជាមួយក្រុមហ៊ុន COFCO Grains ដែលជាក្រុមហ៊ុនរដ្ឋមួយរបស់ចិន ផ្នែកចំណីអាហារ នៅថ្ងៃទី ០៩ ខែមីនា ឆ្នាំ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក កៅ ថាច ជំនួបជាមួយក្រុមហ៊ុន COFCO Grains ពេលនេះគឺដើម្បីពង្រឹងកិច្ចសហប្រតិបត្តិការ និងសុំឱ្យក្រុមហ៊ុនជួយបង្កើនការនាំចូលអង្ករពីកម្ពុជា ពិភាក្សារកវិធីណាដើម្បីធ្វើឱ្យការទូទាត់បានរហ័ស និងតាមវិធីដែលងាយស្រួលជាមួយធនាគារ។

ក្នុងនោះ លោកក៏បានបន្តថា ស្ថានភាពនៅមជ្ឈិមបូព៌ានាពេលបច្ចុប្បន្ននេះនឹងបង្កើនថ្លៃដឹកជញ្ជូនតាមសមុទ្រ ក្នុងតាមកប៉ាល់នានាក៏នឹងឡើងថ្លៃ ហើយទំនិញផ្សេងៗទៀតក៏នឹងឡើងថ្លៃដូចគ្នាដោយសារតែបញ្ហាប្រេងនាពេលបច្ចុប្បន្ននេះ។

លោក កៅ ថាច បន្ថែមថា ក្នុងនោះភាគច្រើនអង្កររបស់កម្ពុជា ក៏បានឆ្លងកាត់តាមរយៈក្រុមហ៊ុន COFCO ដូចគ្នាដែរ ដោយកាលពីឆ្នាំ២០២៥ កម្ពុជាបាននាំចេញអង្ករទៅកាន់ទីផ្សារចិនតាមរយៈ COFCO ប្រហែលមានជាង ២០ ម៉ឺនតោន។

សូមជម្រាបថា កិច្ចពិភាក្សាបានផ្តោតសំខាន់លេីការពង្រឹងសមត្ថភាពផលិត និងគុណភាពស្រូវអង្ករកម្ពុជាសម្រាប់នាំចេញ ដោយក្នុងនោះធនាគារ ARDB និងសហព័ន្ធស្រូវអង្ករកម្ពុជា នឹងធ្វើជាតួអង្គរួមគ្នាក្នុងការសហប្រតិបត្តិការជាមួយដៃគូពាក់ព័ន្ធផ្សេងទៀតលេីកិច្ចការនេះ។

ធនាគារ ARDB នឹងសម្របសម្រួលក្នុងការទូទាត់ជាអន្តរជាតិ (Cross Border Settlement) ដើម្បីសម្រួលលំហូរសាច់ប្រាក់ក្នុងការធ្វើពាណិជ្ជកម្មនាំចេញអង្ករកម្ពុជាទៅកាន់ប្រទេសចិន។