Isak ស្ថិតក្នុងកីឡាករ ១០ រូប​ មានប្រាក់ឈ្នួលខ្ពស់បំផុតប្រចាំលីគ អង់គ្លេស ឆ្នាំ ២០២៥

លីគកំពូល អង់គ្លេស Premier League ត្រូវបានគេចាត់ទុក ជាលីគដ៏ធំជាងគេបំផុតនៅក្នុងពិភពលោក ខណៈកីឡាករវិញ គឺប្រជុំទៅដោយកីឡាករល្បីៗលំដាប់ពិភពលោកជាច្រើន ហើយបើនិយាយអំពីប្រាក់ឈ្នួលវិញ កីឡាករនៅទីនោះក៏ទទួលបានច្រើនផងដែរ។

ខ្សែប្រយុទ្ធរបស់ Manchester City កីឡាករ Erling Haaland កំពុងកាន់កាប់តំណែងលើគេ ជាកីឡាករមានប្រាក់ឈ្នួលខ្ពស់ជាងគេបំផុត ពោលចំនួន ៦៧.៥ ម៉ឺនដុល្លារអាមេរិក ក្នុងមួយសប្តាហ៍។ ដោយឡែក Mohamed Salah ខ្សែប្រយុទ្ធរបស់ Liverpool ឈរនៅលេខ ២ មានប្រាក់ឈ្នួលចំនួន ៥៤ ម៉ឺនដុល្លារអាមេរិក ក្នុងមួយសប្តាហ៍។

ចំណែក Virgil Van Dijk របស់ Liverpool និងខ្សែបម្រើ Casemiro របស់ Manchester United ឈរនៅចំណាត់ថ្នាក់ទី ៣ មានប្រាក់ឈ្នួលស្មើគ្នាចំនួន ៤៧.២៨ ម៉ឺនដុល្លារអាមេរិកក្នុងមួយសប្តាហ៍។ Raheem Sterling ខ្សែប្រយុទ្ធស្លាបរបស់ Chelsea ឈរនៅលេខរៀងទី ៥ មានប្រាក់ឈ្នួលចំនួន ៤៣.៩០ ម៉ឺនដុល្លារអាមេរិក ក្នុងមួយសប្តាហ៍។ រីឯកីឡាករ Alexander Isak ដែលទើបចាកចេញពី Newcastle United មកចូលរួមជាមួយ Liverpool ក៏ស្ថិតនៅក្នុងលំដាប់ចំណាត់ថ្នាក់កំពូលទាំង ១០ ផងដែរ ដោយរូបគេឈរនៅលេខរៀងទី ១០ ទទួលបានប្រាក់ឈ្នួលចំនួន ៣៧.៨២ ម៉ឺនដុល្លារអាមេរិក ក្នុងមួយសប្តាហ៍។

ខាងក្រោមនេះ ជាកីឡាករលំដាប់កំពូលទាំង ១០ មានប្រាក់ឈ្នួលខ្ពស់បំផុតនៅក្របខណ្ឌលីគកំពូល អង់គ្លេស Premier League៖

ប្រែសម្រួល៖ សេម កុសល
ប្រភព៖ Givemesport