កីឡាករបាល់ទាត់កំពូលទាំង ១០ មាន​លុយច្រើនបំផុតក្នុងលោក ខណៈ Messi ឈរលេខ ៣

កីឡាករ និងអតីតកីឡាករបាល់ទាត់លំដាប់កំពូល ១០ នាក់ត្រូវបានទទួលស្គាល់មានលុយច្រើនបំផុតនៅក្នុងពិភពលោកបច្ចុប្បន្ន ខណៈ Lionel Messi និង Cristiano Ronaldo ជាកីឡាករកំពុងលេង ស្ថិតនៅចំណាត់ថ្នាក់លើគេបំផុត។

នៅក្នុងពិភពបាល់ទាត់បច្ចុប្បន្ន មានតែ Ronaldo និង Messi ប៉ុណ្ណោះ ដែលត្រូវបានគេទទួលស្គាល់ផ្លូវការ ជាមហាសេដ្ឋីបាល់ទាត់ បន្ទាប់ពីអ្នកទាំង ២ មានទ្រព្យសម្បត្តិរហូតលើស ១ ប៊ីលាន ដុល្លារអាមេរិក។ ដោយឡែក អតីតខ្សែបម្រើប្រយុទ្ធ Manchester United លោក David Beckham វិញ ក៏មានលុយលើស ១ ប៊ីលានដុល្លារផងដែរ ប៉ុន្តែបច្ចុប្បន្នលោកមិនមែនជាកីឡាករទៀតទេ ដោយកំពុងឈរជាប្រធានក្លិបរបស់ក្រុម Inter Miami។

គិតត្រឹមឆ្នាំ ២០២៦ Ronaldo គឺជាកីឡាករបាល់ទាត់ ដែលមានលុយច្រើនជាងគេ ពោលគឺចំនួន ១.៤ ប៊ីលានដុល្លារអាមេរិក។ លោក Beckham ឈរលេខ ២ មានលុយ ១.២ ប៊ីលានដុល្លារអាមេរិក។ ចំណែក Leo Messi ឈរលេខ ៣ មានលុយ ១ ប៊ីលានដុល្លារអាមេរិក។ Neymar ឈរលេខ ៤ មានលុយ ៤៥០ លានដុល្លារអាមេរិក។ Kylian Mbappe ឈរលេខ ៥ មាន ២៥០ លានដុល្លារអាមេរិក។

បន្តបន្ទាប់ទៀត គឺ Karim Benzema ឈរលេខ ៦ មាន ២២០ លានដុល្លារអាមេរិក។ Zlatan Ibrahimovic ឈរលេខ ៧ មានលុយ ១៩០ លានដុល្លារអាមេរិក។ Wayne Rooney ឈរលេខ ៨ មានលុយ ១៧០ លានដុល្លារអាមេរិក។ Erling Haaland ឈរលេខ ៩ មានលុយ ១០០ លានដុល្លារអាមេរិក និងចុងក្រោយ Mo Salah មានលុយ ៩០ លានដុល្លារអាមេរិក៕

ចំណាត់ថ្នាក់កីឡាករ និងអតីតកីឡាករបាល់ទាត់ទាំង ១០ នាក់មានលុយច្រើនបំផុត៖

១. Cristiano Ronaldo មាន ១.៤ ប៊ីលានដុល្លារ
២. David Beckham មាន ១.២ ប៊ីលានដុល្លារ
៣. Leo Messi មាន ១ ប៊ីលានដុល្លារ
៤. Neymar មាន ៤៥០ លានដុល្លារ
៥. Kylian Mbappé មាន ២៥០ លានដុល្លារ
៦. Karim Benzema មាន ២២០ លានដុល្លារ
៧. Zlatan Ibrahimović មាន ១៩០ លានដុល្លារ
៨. Wayne Rooney មាន ១៧០ លានដុល្លារ
៩. Erling Haaland មាន ១០០ លានដុល្លារ
១០. Mo Salah មាន ៩០ លានដុល្លារ៕

ប្រែសម្រួល៖ សេម កុសល
ប្រភព៖ Fabrizio Romano