ព័ត៌មានអន្ដរជាតិ

លោក Anutin ទទួលដំបូន្មានពីអតីតនាយករដ្ឋមន្ត្រី Abhisit Vejjajiva

បានផុស

៩ ខែ មុន

នៅ

ថ្ងៃសុក្រ ១៩ កញ្ញា ២០២៥

ដោយ

នាយករដ្ឋមន្ត្រីថៃ លោក អានុទីន ឆានវីរៈគុល ( Anutin Charnvirakul) បានបង្ហាញរូបភាពនៃការស្រស់ស្រូបអាហាររួមគ្នាជាមួយអតីតនាយករដ្ឋមន្ត្រី Abhisit Vejjajiva ក្នុងថ្ងៃដែលព្រះមហាក្សត្រថៃបានយល់ព្រមលើសំណើរតែងតាំងសមាជិកគណរដ្ឋមន្ត្រីរបស់លោក។

នៅក្នុងសារបង្ហោះតាមបណ្តាញសង្គមហ្វេសប៊ុកផ្ទាល់ខ្លួន លោក អានុទីន បានសរសេរថា៖«បានទទួលនូវដំបូន្មានមានប្រយោជន៍និងមានតម្លៃជាច្រើន ពីអតីតនាយករដ្ឋមន្ត្រី Abhisit Vejjajiva ដើម្បីលើកទឹកចិត្តពួកយើង និងពិសារអាហារថ្ងៃត្រង់រួមគ្នានៅថ្ងៃនេះ។ សូមអរគុណច្រើន»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាក្សត្រថៃ មហា វ៉ាជីរ៉ាឡុងកន (Maha Vajiralongkorn) រាមាទី១០ បានចេញរាជក្រឹត្យតែងតាំងសមាជិកគណបក្សរដ្ឋមន្ត្រីថ្មីរបស់ថៃ ដឹកនាំដោយ នាយករដ្ឋមន្ត្រី អានុទីន ឆានវីរៈគុល អមដោយឧបនាយករដ្ឋមន្តី្រចំនួន ៦ រូប មាន ឧបនាយករដ្ឋមន្ត្រី Phipat Ratchakitprakarn និងជារដ្ឋមន្ត្រីដឹកជញ្ជូន, ឧបនាយករដ្ឋមន្ត្រី Sophon Sarum, ឧបនាយករដ្ឋមន្ត្រី Bowornsak Uwanno, ឧបនាយករដ្ឋមន្ត្រី Ekniti Nitithanprapas និងជារដ្ឋមន្ត្រីហិរញ្ញវត្ថុ, ឧបនាយករដ្ឋមន្ត្រី Capt Thamanat Prompow និងជារដ្ឋមន្ត្រីកសិកម្មនិងសហករណ៍, និង ឧបនាយករដ្ឋមន្ត្រី Suchart Chomklin និងជារដ្ឋមន្ត្រីធនធានធម្មជាតិនិងបរិស្ថាន។

លោក អានុទីន ជាកូនប្រុសរបស់ Chavarat Charnvirakul ដែលជាអតីតរដ្ឋមន្ត្រីក្រសួងមហាផ្ទៃក្នុងរដ្ឋបាលរបស់អតីតនាយករដ្ឋមន្ត្រី Abhisit Vejjajiva ដែលកាន់អំណាចពីឆ្នាំ២០០៨ រហូតដល់ឆ្នាំ២០១១។ ឪពុករបស់ លោក អានុទីន ក៏ធ្លាប់ក៏ធ្លាប់កាន់តួនាទីជានាយករដ្ឋមន្ត្រីស្តីទីរបស់ប្រទេសថៃ ពេលដែលតុលាការធម្មនុញថៃរំលាយគណបក្ស អំណាចប្រជាជន (People’s Power Party) ដែលជាបក្សកាន់អំណាចរបស់លោក Somchai Wongsawat ដែលជាប្អូនថ្លៃរបស់ អតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រកាលថ្ងៃទី២ខែធ្នូឆ្នាំ២០០៨។

Chavarat Charnvirakul បានដឹកនាំដឹកនាំគណបក្ស ភូមិចៃថៃ (ឬគណបក្សមោទនភាពថៃ) ចាប់តាំងពីខែកុម្ភៈឆ្នាំ២០០៩ រហូតដល់ខែកញ្ញាឆ្នាំ២០១២ ដែលលោកបានប្រគល់ឲ្យកូនប្រុសរបស់លោក គឺ លោក អានុទីន ឆានវីរៈគុល ដែលបានក្លាយជានាយករដ្ឋមន្ត្រីទី៣២របស់ប្រទេសថៃនាពេលនេះ។

អតីតនាយករដ្ឋមន្ត្រី Abhisit Vejjajiva ជាអ្នកនយោបាយប្រឆាំងនឹងអតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រ និងបានដឹកនាំប្រឆាំងយ៉ាងខ្លាំងក្នុងពេលលោក ដឹកនាំគណបក្សប្រជាធិបតេយ្យអំឡុងពេលដឹកនាំដឹកនាំ គណបក្សអំណាចប្រជាជន របស់លោក Somchai Wongsawat ដែលជាប្អូនថ្លៃរបស់លោក ថាក់ស៊ីន ស៊ីណាវ៉ាត្រ៕

រ៉ាន់ រើយ