ជំនឿផ្លូវងងឹតទាំង ៤ ដែលគួរចៀសវាងឱ្យបាន ព្រោះអាចនាំគ្រោះដល់ខ្លួន

ទាំងនេះជាអបិយជំនឿចំនួន ៤ ធំៗនៅជុំវិញពិភពលោកដែលមនុស្សជឿតាមច្រើនបំផុត!

១. កញ្ចក់ប្រេះបែក៖ ជាអបិយជំនឿដែលជាតិសាសន៍ស្ទើរពាសពេញពិភពលោកជឿតាមមកជាយូរ។ កញ្ចក់ប្រេះបែក អាចនាំឱ្យប្រេះឆាសុភមង្គលគ្រួសារ និងមានសំណាងអាក្រក់រហូតដល់ប្រាំពីរឆ្នាំឯណោះ។ ជាពិសេស ក្រោយពីកញ្ចក់បែក បើមិនយកទៅចោលទេ គេជឿថា មានព្រលឹងចងអាឃាតឬវិញ្ញាណអាក្រក់សណ្ឋិតនៅ បង្កក្ដីអន្តរាយដល់អ្នកផ្ទះ។

២. ថ្ងៃសុក្រទី១៣៖ ជាថ្ងៃដែលគេមានជំនឿតាំងពីសតវត្សរ៍ទី១៩មកម្លេះ ពីព្រោះជាថ្ងៃដែលក្ដៅក្រហាយ និងបង្កឱ្យអ្នកមានជំងឺច្រើនបំផុតក្នុងប្រវត្តិសាស្ត្រ។ ឱ្យតែថ្ងៃនោះមកដល់ មនុស្សម្នានឹងផ្អាកការជួបជុំធំៗ ជប់លៀង អាពាហ៍ពិពាហ៍ ការណាត់ជួប ជាពិសេសគេចៀសវាងចេញក្រៅផ្ទះ។ ប្រសិនត្រណមមិនបាន វាអាចបណ្ដាលឱ្យជួបគ្រោះថ្នាក់ ហើយសំណាងមិនល្អនឹងតោងជាប់ពេញមួយឆ្នាំ។

៣. ឆ្មារសម្បុខ្មៅ៖ ឆ្មារសម្បុរខ្មៅ ជាប្រផ្នូលនាំមកនូវសំណាងអាក្រក់ចូលក្នុងផ្ទះ។ តាមជំនឿអាស៊ី ឆ្មារខ្មៅរត់ចូលផ្ទះ មានន័យថា សមាជិកមានគ្រោះស្លាប់។ ចំណែកក្នុងផ្ទះណាមានចិញ្ចឹមសត្វឆ្មារខ្មៅ ហើយម្ចាស់ផ្ទះជាស្រ្តី គេជឿថា នាងអាចក្លាយជាធ្មប់ឬអ្នកស្នងអំពើអាគម។ គេហាមមិនឱ្យចិញ្ចឹមឆ្មារខ្មៅនោះទេ ព្រោះវានាំតែគ្រោះប៉ុណ្ណោះ។

៤. កាត់ក្រចកពេលយប់៖ នៅទួរគី ឥណ្ឌា កូរ៉េខាងត្បូង ក៏ដូចជាកម្ពុជាដែរ ​កាត់ក្រចកពេលមេឃងងឹត មានន័យថា អ្នកនោះនឹងជួបភាពចង្រៃតាមជាប់ជានិច្ច។ បើតាមជំនឿជប៉ុនវិញ គេជឿថា អ្នកអាចស្លាប់មុនអាយុ។ មិនតែប៉ុណ្ណោះ សត្រូវនឹងតាមយារយី រុកគួនមិនឱ្យបានសុខឡើយ៕

ប្រែសម្រួល៖ សន្យា

ប្រភព៖ U.S.News

ចុចអាន៖ ជួបហេតុភេទ ៥ នេះ ចាស់ៗថា ជាប្រផ្នូលនាំសុខសប្បាយពេញទាំងគ្រួសារ

ចុចអាន៖ ចាស់ៗហាមមិនឱ្យគេងបន្ទប់ ៣ ប្រភេទ​ ពេល​​ស្នាក់​នៅផ្ទះសំណាក់ឬ​សណ្ឋាគារ