វប្បធម៌ ជំនឿ

អ្នកជំនាញហុងស៊ុយ ហាមផ្ដាច់ធ្វើរឿងផ្ដេសផ្ដាស នៅក្នុងខែសីហា ដែលជាខែខ្មោច

បានផុស

១១ ខែ មុន

នៅ

ថ្ងៃចន្ទ ២៥ សីហា ២០២៥

ដោយ

យោងតាមអ្នកជំនាញហុងស៊ុយដ៏ល្បីមួយរូប បាននិយាយថា មានរឿងដែលមនុស្សជាច្រើនមិនគួរធ្វើក្នុងខែ៧ តាមក្បួននៃខែរបស់ជនជាតិចិនតាមច័ន្ទគតិ ដើម្បីចៀសវាងសំណាងអាក្រក់និងនាំវិញ្ញាណអនាថាដើរតាមខ្លួន។

តាមជំនឿរបស់ប្រជាជនខែ៧តាមច័ន្ទគតិ ក៏ត្រូវបានគេស្គាល់ថាជាខែខ្មោចដែរ។ ឆ្នាំនេះបើតាមប្រតិទិនសុរិយគតិ ខែខ្មោចមានរយៈពេលចាប់ពីថ្ងៃទី ២៣ ខែសីហា ដល់ថ្ងៃទី ២១ ខែកញ្ញា។

ក្នុងកំឡុងខែនេះ បន្ថែមពីលើការរៀបចំដង្វាយផ្សេងៗ អ្នកជំនាញហុងស៊ុយ ក៏បានចង្អុលបង្ហាញអំពីអ្វីដែលត្រូវចៀសវាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រការគួរចៀសវាងក្នុងខែខ្មោច ៖

១ មិនត្រូវចេញក្រៅពេលយប់ ជាពិសេសសម្រាប់អ្នកខ្សោយបេះដូង និងកុមារតូចៗ។

២ កុំកក់សក់ក្រោយម៉ោង ១១ យប់។

៣ កុំហែលទឹកនៅពេលយប់ ដើម្បីចៀសវាងស្ថានភាពដែលគំរាមកំហែងដល់អាយុជីវិត។

៤ កុំនៅយឺតពេកឬនៅទីណាមួយយប់ងងឹតពេក ព្រោះវិញ្ញាណរបស់អ្នកនឹងចុះខ្សោយ ហើយអ្នកនឹងងាយនឹងទទួលវិញ្ញាណអាក្រក់។

៥ ដើមចេក ឬដើមឈើធំៗនៅមុខផ្ទះ ជាកន្លែងដែលថាមពលអវិជ្ជមានប្រមូលផ្តុំ ដូច្នេះហាមឈរ អង្គុយ ដេក លាក់ខ្លួននៅទីកន្លែងទាំងនោះ។

៦ ហាមថតរូបតាមគេហដ្ឋាន វត្តអារាម និងវត្តនានាក្នុងថ្ងៃ៧រោជ។

៧ ពេលទៅកន្លែងស្ងាត់ ឬឆ្លងកាត់ទីបញ្ចុះសព កុំងាកមកមើលក្រោយឲ្យសោះ! កុំនិយាយលា ទោះបីជាអ្នកមានអារម្មណ៍ថាមាននរណាម្នាក់កំពុងតាមអ្នក ឬហៅឈ្មោះអ្នកក៏ដោយ។

៨ ចៀសវាងការមានគភ៌នៅចន្លោះថ្ងៃទី ១២ ខែកក្កដាដល់ថ្ងៃទី ១៨ ខែកក្កដា នៃប្រតិទិនតាមច័ន្ទគតិ។

៩ ហាមចាប់ផ្តើមសាងសង់ បាក់ដី លើកដំបូល ផ្លាស់ទៅផ្ទះថ្មី ឬបើកក្រុមហ៊ុន ឬហាង។

១០ កុំទិញ ឬលក់ផ្ទះ ឬដីសម្រាប់រស់នៅចន្លោះថ្ងៃទី ១២ ខែកក្កដា ដល់ថ្ងៃទី ១៨ ខែកក្កដា តាមច័ន្ទគតិ។

១១ មិនត្រូវព្យួរសម្លៀកបំពាក់ដើម្បីសម្ងួតនៅពេលយប់។

១២ កុំព្យួរកណ្ដឹងខ្យល់នៅក្បាលគ្រែ ឬក្នុងបន្ទប់គេង ព្រោះសំឡេងជួងនឹងប៉ះពាល់ដល់ដំណេករបស់មនុស្សគ្រប់រូប។

ទោះជាយ៉ាងណាក៏ដោយ ប្រសិនបើលោកអ្នកមិនអាចធ្វើបាននូវចំនុចទាំងប៉ុន្មានខាងលើនេះក៏មិនជាបញ្ហាដែរ។ វាក៏អាស្រ័យលើលក្ខខណ្ឌការងារ និងម៉ោងរស់នៅ មនុស្សម្នាក់ៗគួរចៀសវាងសកម្មភាពខាងលើ ដើម្បីរក្សាចិត្តឲ្យស្ងប់ ស្វាគមន៍ទ្រព្យសម្បត្តិ និងសំណាងសម្រាប់គ្រួសារ៕