វប្បធម៌ ជំនឿ
ព្យាករណ៍រាសីមនុស្សឆ្នាំ «ខាល» ២០២២ លាភឬគ្រោះអ្វីខ្លះ?
យោងតាមហោរាសាស្ត្រចិន ខ្លា ជាទូទៅមានរាសីខ្ពស់ពេញមួយឆ្នាំ ចាប់ពីថ្ងៃទី១ មករា ២០២២ រហូតដល់ខែមករា ២០២៣។
សត្វខ្លាឆ្នាំ ២០២២ នឹងមានពេលវេលាដ៏មមាញឹក ខិតខំស្វាហាប់ជាងមុន និងពោរពេញដោយថាមពលវិជ្ជមាន។ ពួកគេមានការប្តេជ្ញាចិត្តខ្ពស់ ទោះធ្វើអ្វីតែឯកឯង ក៏ទទួលបានផ្លែផ្កា និងការរីកចម្រើនខ្ពស់។ ២០២២ សម្រាប់ឆ្នាំខាល នឹងមានការផ្លាស់ប្តូរដែលមិនបានរំពឹងទុកជាមុន និងការវិវត្តនានាគួរឱ្យភ្ញាក់ផ្អើល។ អ្វីៗដែលមិនសូវសមប្រកបពីអតីតកាល នឹងត្រឡប់ជាមានរស្មីឡើងវិញ។ រាល់ជម្លោះ អាចផ្សះផ្សា ការដាក់ទុនរកស៊ី នឹងងើបលូតលាស់ ទទួលបានផលផ្លែប្រសើរឡើង។
ឆ្នាំ ២០២២ រាល់សកម្មភាពការងារនឹងមានភាពរហ័សរហួន សកម្ម ប្រាជ្ញាឈ្លាសវៃ សមត្ថភាពចេះតែបង្កើនខ្លាំងថែម ហើយពួកគេមិនងាយចុះចាញ់នោះទេ។
បើសេពគប់ជាមួយ កណ្តុរ ខ្លា នាគ សេះ ស្វា ឆ្កែ រឹតតែជំរុញថាមពលរបស់ខ្លា ឱ្យមានកម្លាំងចិត្ត ការតស៊ូ ហើយសម្រេចបាននូវគោលបំណងដោយជោគជ័យបំផុត។ ចំណែកមនុស្សឆ្នាំ គោ ទន្សាយ ពស់ ពពែ មាន់ ជ្រូក សមប្រកបជាមួយនឹងការរស់នៅ ការទំនាក់ទំនង ឬស្នេហាយល់ចិត្ត។
ពណ៌នាំសំណាង
ពណ៌នាំសំណាងចំពោះឆ្នាំខ្លាគឺ ខៀវ បៃតង ក្រហម និងលឿង។ ពណ៌ខៀវប្រើសម្រាប់ការចរចា ការសម្ភាសន៍ការងារ និងការប្រាស្រ័យទាក់ទង។ ពណ៌បៃតងប្រើសម្របខ្លួនទៅនឹងការងារថ្មី កន្លែងរស់នៅថ្មី ឬការចាប់ផ្តើមថ្មី។ ក្រហមសម្រាប់ការណាត់ជួបគូស្នេហ៍ ឬរនាំលាភកូនចៅប្រុសស្រី។ ពណ៌លឿងសម្រាប់ការទិញអចលនទ្រព្យ ឬការផ្ទេរទ្រព្យសម្បត្តិ។ ក្រៅពីនោះគួរមានសម្លៀកបមពាក់ កាបូប និងកន្សែង ពណ៌ស ឬមាស ដើម្បីការពារសំណាងអាក្រក់។
សុខភាព
គួរតាមដានសុខភាពតម្រងនោម ជាពិសេសការពារហានិភ័យនៃជំងឺរលាកផ្លូវបង្ហួរនោម។ ទម្លាប់ផឹកភេសជ្ជៈស្រស់ជាជាងភេសជ្ជៈកំប៉ុង ឱ្យបានច្រើន និងទៀងទាត់។ ចៀសវាងហែលទឹកលេងនៅឆ្នេរសមុទ្រ ព្រោះសុខភាពឆ្នាំ ២០២២ អ្នកឆុងជាមួយទឹកប្រៃ។
អាជីព
សម្រាប់ការងារ និងអាជីព ឆ្នាំខ្លា ដាក់ចុះដុះឡើងនូវគម្រោងដីឡូតិ៍ ឬការវិនិយោគថ្មីៗនឹងសម្រេចបានដោយជោគជ័យ។ ចំណែកគម្រោងហិរញ្ញវត្ថុនានា នឹងកាក់កបគួរជាទីពេញចិត្ត។
ខ្លា គួរសហការជាមួយ សេះ ឆ្កែ ជ្រូក ក្នុងវិស័យបោះពុម្ព ការសរសេរ និងផ្នែកចិត្តវិទ្យា។ រីឯការវិនិយោគថ្មីផ្សេងទៀតអាចនឹងអភិវឌ្ឍនៅក្នុងសកម្មភាពសមុទ្រ និងកំពង់ផែ។ ពាណិជ្ជកម្មតាមដងទន្លេ និងសមុទ្រ ក៏ដូចជាការចិញ្ចឹមត្រីអាចពង្រីកទៅកាន់ទីផ្សារថ្មី កាន់តែមាននិរន្តរភាព និងទទួលបានផលចំណេញក្នុងរយៈពេលវែង។
លុយ
លុយ និងហិរញ្ញវត្ថុ គួរតែប្រុងប្រយ័ត្ន ព្រោះវាប្រែប្រួលលឿន មិនទៀងទេ ជាពិសេសអំឡុងឆ្នាំខ្លា ២០២២។ អ្នកក្រអាចមានលាភ មានជ័យ ប៉ុន្តែអ្នកមានរួចហើយ អាចធ្លាក់ផ្ពោកត្រឹមតែមួយរំពេច។
ស្នេហា និង គ្រួសារ
នៅក្នុងគ្រួសារខ្លា នាឆ្នាំ ២០២២ ទទួលបានដោយភាពត្រជាក់ត្រជុំ និងសុខដុមរម្យនា។ អ្នកមានបំណងយកកូន ក៏រឹតល្អប្រសើរ ព្រោះបុត្រធីតារបស់អ្នកនឹងនាំលាភចូលពេញគ្រួសារ។
ស្នេហាដែលកើតឡើងក្នុងអំឡុងឆ្នាំខ្លា តែងតែមានភាពផុយស្រួយ ហើយកម្រនឹងនាំឱ្យទំនាក់ទំនងយូរអង្វែង។ យ៉ាងណាចំពោះអ្នកបែកបាក់ស្នេហា ឆ្នាំចិន ២០២២ ជាឆ្នាំអំណោយផលសម្រាប់ទំនាក់ទំនងថ្មី អាចនិយាយបានថា នឹងជួបគូគាប់ពិតប្រាកដ។ ចំណែកអ្នកនៅលីវមិនធ្លាប់មានគូសោះ គួរមានការប្រុងប្រយ័ត្នច្រើនជាងធម្មតា ចំពោះការណាត់ជួបថ្មី៕
អត្ថបទ៖ សន្យា
ចុចអាន៖ «ខាល» ២០២២ ជាឆ្នាំល្អ អាចរៀបអាពាហ៍ពិពាហ៍បាន តែត្រូវរើសថ្ងៃខែ ទើបមានសុភមង្គលយូរអង្វែង
ចុចអាន៖ មនុស្សឆ្នាំ «ម្សាញ់» នឹងសំណាងធំចាប់ពីខែវិច្ឆិកានេះ ដល់ខែមករា ឆ្នាំក្រោយ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល