កង្កែប ក្នុងសុបិន អាចមានជម្លោះជាមួយអ្នកជុំវិញ តោងចេះប្រយ័ត្នខ្លួន និងការនិយាយស្ដី

យោងទៅ តាមអប្បិយជំនឿពីដើមមក​ ការបើយល់សុបិនឃើញសត្វកង្កែប គឺសុទ្ធតែជាប្រផ្នូលប្រាប់ពីហេតុភេទ ដែលកើតឡើងក្នុងជីវិតសព្វថ្ងៃនេះ។

គ្រូ​ ណុប​ នឹងបកស្រាយលើសុបិនរបស់​ប្រិយមិត្តអ្នកអាន ឲ្យបានជ្រាបច្បាស់ពីសត្វកង្កែប។

ឃើញ​សត្វ​កង្កែប​ក្នុង​សុបិន​បានន័យថា ​ក្នុងអំឡុង​ពេលនេះ​ អ្នក​នឹង​ជួប​ប្រទះ​ការ​លំបាក ឬ​ជួប​រឿង​ដែល​ត្រូវ​សម្រេច​ចិត្ត ជាពិសេស​គួរ​ប្រយ័ត្ន​ពាក្យ​សម្ដី​ កុំ​និយាយ​អី​ឲ្យ​លើសលស់ ​ប្រយ័ត្ន​បាន​ជម្លោះ​មក​វិញ ជាពិសេស​អាច​បង្ក​ជម្លោះ​ជាមួយ​សមាជិក​គ្រួសារ ឬ​មនុស្ស​ណា​ម្នាក់​នៅ​ជុំវិញ​ខ្លួន។

សុបិន​ឃើញ​ខ្លួនឯង​កំពុង​ចាប់​កង្កែប ​បញ្ជាក់​បាន​ថា ​ក្នុង​អំឡុង​ពេលនេះ អ្នក​អាច​ជួប​រឿង​លំបាក​ខ្លាំង​សម្រាប់​ខ្លួនឯង ឬ​មាន​អារម្មណ៍​មិន​ល្អ​ណាមួយ ​កើតឡើង​ដោយ​យថាហេតុ។

ឃើញ​សត្វកង្កែបជាច្រើនជុំវិញខ្លួន បានន័យថា​ ការងាររបស់អ្នកនឹង​ប្រព្រឹត្ត​ទៅ ដោយរលូន គ្មាន​ឧបសគ្គ​។ ប៉ុន្តែ​ក៏​ត្រូវ​ចេះ​ប្រយ័ត្ន​ និង​មាន​ស្មារតី​ទទួល​ខុស​ត្រូវ​ដែរ៕

គ្រូ ណុប

ចុចអាន៖យល់សប្ដិឃើញតុកកែ អត្ថន័យល្អនិងអាក្រក់បកស្រាយរួមគ្នាខាងក្រោមនេះទាំងអស់

ចុចអាន៖សុបិនឃើញដំរី អត្ថន័យមានល្អនិងអាក្រក់មករួមគ្នា ជាពិសេសគឺលេខសំណាងប្រចាំជីវិត