លោកយាយ Baba Vanga ទស្សន៍ទាយអំពីអ្នកឈ្នះសង្គ្រាមរុស្ស៊ី-អ៊ុយក្រែន ហើយម្នាក់នេះនឹងគ្រប់គ្រងពិភពលោក

សង្គ្រាម​ដែល​កំពុង​បន្ត​រវាង​រុស្ស៊ី និង​អ៊ុយក្រែន​បាន​ធ្វើ​ឲ្យ​ពិភពលោក​ទាំងមូល​ យកចិត្តទុកដាក់យ៉ាងខ្លាំង។

បណ្តាប្រទេសលោកខាងលិច មានការព្រួយបារម្ភកាន់តែខ្លាំងឡើង​ ចំពោះការវាយលុករបស់រុស្ស៊ី បើទោះបីជាមានការដាក់ទណ្ឌកម្មក៏ដោយ។

ងាកមកមើលមួយជ្រុងទៀត ពេលនេះ មានមនុស្សជាច្រើនកំពុងចាប់អារម្មណ៍លើទំនាយរបស់លោកយាយពិការភ្នែក Baba Vanga ដែលបានបន្សល់ទុកនូវការទស្សន៍ទាយជាច្រើន មុនពេលលោកយាយទទួលមរណភាពនៅឆ្នាំ១៩៩៦ ក្នុងអាយុ៨៥ឆ្នាំ។

លោកយាយ ត្រូវបានគេដឹងថា អត្រានៃភាពត្រឹមត្រូវក្នុងទំនាយរបស់គាត់ គឺមានរហូតដល់ទៅ ៨៥% ឯណោះ។

ចង់ដឹងទេថា តើលោកយាយធ្វើការទស្សន៍ទាយបែបណា ពាក់ព័ន្ធសង្គ្រាម រុស្ស៊ី-អ៊ុយក្រែន?

លោកយាយ Baba Vanga ទាយថា គ្មាននរណាម្នាក់នឹងអាចបញ្ឈប់ រុស្ស៊ីបានទេ។

យោងតាមការទស្សន៍ទាយរបស់លោកយាយ Baba Vanga, ប្រធានាធិបតីរុស្ស៊ី លោក Vladimir Putin នឹងក្លាយទៅជាបុគ្គលដែលមានអំណាចបំផុតក្នុងពិភពលោក បន្ទាប់ពីសង្រ្គាមអ៊ុយក្រែន ហើយរុស្ស៊ីនឹងគ្រប់គ្រងពិភពលោក។

លោកយាយ Baba Vanga ធ្លាប់បាននិយាយថា រុស្ស៊ីនឹងក្លាយជាស្តេចនៃពិភពលោក នាពេលអនាគត ហើយអឺរ៉ុបនឹងប្រែក្លាយទៅជាទឹកដីដែលគេបោះបង់ចោល។ លោកយាយលើកឡើងថា “អ្វីៗនឹងត្រូវរលាយដូចព្រិល មានតែរឿងមួយគត់គឺភាពរុងរឿងរបស់ Vladimir Putin, ភាពរុងរឿងរបស់ប្រទេសរុស្ស៊ី”។

លោកយាយ ក៏បាននិយាយផងដែរថា រុស្ស៊ីនឹងកម្ចាត់មនុស្សគ្រប់គ្នាចេញពីផ្លូវរបស់ខ្លួន ហើយគ្រប់គ្រងពិភពលោក។

តើលោកអ្នកជឿឬមិនជឿ?

ប្រែសម្រួល៖ Vann Vann

ប្រភព៖ India TV News

ចុចអាន៖ អ្នកជំនួញរុស្ស៊ី ប្រកាសផ្តល់ប្រាក់រង្វាន់ ១លានដុល្លារ ដល់អ្នកណាចាប់ខ្លួនលោក Putin បាន