ព័ត៌មានអន្ដរជាតិ

រដ្ឋមន្ត្រីដឹកជញ្ជួនរុស្ស៊ីដែលពូទីន ទើបបណ្តេញចេញពីតំណែង បាញ់សម្លាប់ខ្លួនឯង

បានផុស

១ year មុន

នៅ

ថ្ងៃចន្ទ ៧ កក្កដា ២០២៥

ដោយ

កាសែត Izvestia ដែលគាំទ្ររដ្ឋាភិបាលរុស្ស៊ី ត្រូវបានរាយការណ៍ដោយដកស្រង់ប្រភពមិនបញ្ចេញឈ្មោះថា អតីតរដ្ឋមន្ត្រីដឹកជញ្ជូនរបស់រុស្ស៊ី លោក Roman Starovoit ដែលប្រធានាធិបតី វ៉្លាឌីមៀរ ពូទីន ទើបចេញក្រឹត្យបណ្តេញចេញពីដំណែងមិនដល់១ថ្ងៃផង បានបាញ់សម្លាប់ខ្លួនឯងនៅក្នុងទីក្រុង Odintsovo។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីរុស្ស៊ី លោក វ៉ា្លឌីមៀរ ពូទីន បានបណ្តេញចេញកាលថ្ងៃទី៦ខែកក្កដា និងត្រូវបានផ្សព្វផ្សាយពីការបណ្តេញរដ្ឋមន្ត្រីដឹកជញ្ជូននៅថ្ងៃទី ៧ខែកក្កដា ហើយ ក៏ជាថ្ងៃដែលដំណឹងនៃការធ្វើអត្តឃាតនៃថ្នាក់ដឹនាំកំពូលរបស់រុស្ស៊ី ក្នុងពេលដែលលោក វ្ល៉ាឌីមៀរ ពូទីន មានរឿងអាស្រូវក្នុងការលើកទ័ពចូលឈ្លានពានអ៊ុយក្រែនអស់រយៈពេលជាង៣ឆ្នាំកន្លងទៅ។

ការផ្សាយរបស់កាសែត Izvestia ដែលត្រូវបានដកស្រង់ផ្សាយបន្តដោយសារព័ត៌មានអ៊ុយក្រែន The Kyiv Independent នៅល្ងាចនេះ ឲ្យដឹងថា ការបណ្តេញរដ្ឋមន្ត្រីដឹកជញ្ជួន លោក Starovoit បានកើតឡើងបន្ទាប់ពីជើងហោះហើរជិត ៥០០ត្រូវបានផ្អាកនៅអាកាសយានដ្ឋានរុស្ស៊ីសំខាន់ៗកាលពីថ្ងៃទី ៥-៦ខែកក្កដា ដោយសារតែការគំរាមកំហែងផ្នែកសន្តិសុខពីការវាយប្រហារដោយយន្តហោះគ្មានមនុស្សបើករបស់អ៊ុយក្រែន។

នៅថ្ងៃបន្ទាប់ ការផ្ទុះនៅលើកប៉ាល់ Eco Wizard នៅឯកំពង់ផែ Ust-Luga ក្នុងតំបន់ Leningrad បានបង្កឱ្យមានការលេចធ្លាយអាម៉ូញាក់ ដែលបន្ថែមដល់វិបត្តិដែលគ្របដណ្តប់លើវិស័យដឹកជញ្ជូនរបស់រុស្ស៊ី។

ប្រធានាធិបតីរុស្ស៊ីលោក វ៉្លាឌីមៀរ ពូទីន នៅថ្ងៃចន្ទទី៦ខែកក្កដានេះ បានចេញក្រឹត្យបណ្តេញរដ្ឋមន្ត្រីដឹកជញ្ជូន Roman Starovoit ដោយបញ្ចប់អាណត្តិរបស់គាត់ដែលទើបចាប់ផ្តើមកាលពីខែខែឧសភាឆ្នាំ២០២៤ ប៉ុន្តែក្នុងក្រឹត្យដែលត្រូវបានផ្សព្វផ្សាយបឋម បានបរាជ័យក្នុងការបញ្ជាក់ហេតុផលផ្លូវការណាមួយទេ សម្រាប់ការបញ្ចប់តំណែងនេះ។

This image has an empty alt attribute; its file name is 3kua2DjpYYAyaDp5Ax7nAx3VuZNjAcD8-1024x632.jpg — លោក Roman Starovoit (រូបថត៖ ការិយាល័យប្រធានាធិបតីរុស្ស៊ី)

លោក Starovoit ធ្លាប់បម្រើការជាប្រធានទីភ្នាក់ងារផ្លូវរដ្ឋរបស់រុស្ស៊ីអស់រយៈពេល៦ឆ្នាំ ហើយមុននោះក៏ជាអភិបាលតំបន់ Kursk អស់រយៈពេល៥ឆ្នាំផងដែរ។ ប៉ុន្មានខែបន្ទាប់ទៅកាន់តួនាទីជាប្រមុខក្រសួងដឹកជញ្ជូន កងទ័ពអ៊ុយក្រែនបានវាយសម្រុកចូលដល់ទីក្រុង Kursk ដែលនេះជាការវាយលុកដ៏គួរឲ្យភ្ញាក់ផ្អើល និងធំបំផុតរបស់ក្រុងកៀវចូលទៅក្នុងទឹកដីរុស្ស៊ី ចាប់តាំងពីសង្គ្រាមផ្ទុះឡើងនៅឆ្នាំ២០២២។

លោក Vitaly Savelyev ដែលធ្លាប់ជារដ្ឋមន្ត្រីដឹកជញ្ជូនមុនលោក Starovoit ត្រូវបានប្ដូរឲ្យទៅកាន់តំណែងជាឧបនាយករដ្ឋមន្ត្រី។ យ៉ាងណាមិញ មុខតំណែងថ្មី ឬចំណាត់
ការបែបណាចំពោះលោក Starovoit នៅមិនទាន់ដឹងច្បាស់នៅឡើយទេ។

យោងតាមកាសែតរុស្ស៊ី Vedomosti អ្នកជំនួសតំណែងរបស់លោក Starovoit អាចជាអនុរដ្ឋមន្ត្រីដឹកជញ្ជូន Andrei Nikitin ដែលធ្លាប់ជាអភិបាលនៃតំបន់ Novgorod៕

រ៉ាន់ រើយ