ព័ត៌មានអន្ដរជាតិ
អ្នកជំនួញរុស្ស៊ី ប្រកាសផ្តល់ប្រាក់រង្វាន់ ១លានដុល្លារ ដល់អ្នកណាចាប់ខ្លួនលោក Putin បាន
វិនិយោគិនរុស្សីម្នាក់ បានប្រកាសផ្តល់ប្រាក់ចំនួន ១លានដុល្លារអាមេរិកឲ្យអ្នកណាដែលចាប់ប្រធានាធិបតីរុស្ស៊ីលោក Vladimir Putin បាន ហើយស្នើឲ្យមន្ត្រីយោធារុស្ស៊ី ចាប់ខ្លួនលោក Putin ជាឧក្រិដ្ឋជនសង្គ្រាម។
លោក Alex Konanykhin វិនិយោគិនគ្រីបតូ និងជាពាណិជ្ជករដែលមានមូលដ្ឋាននៅរដ្ឋកាលីហ្វ័រញ៉ា បានបង្ហោះ Facebook កាលពីថ្ងៃពុធទី០២ខែមីនាថា “ខ្ញុំសន្យាផ្តល់ប្រាក់ចំនួន ១ដុល្លារអាមេរិក ដល់មន្ត្រីរូបណា ដែលគោរពតាមកាតព្វកិច្ចរដ្ឋធម្មនុញ្ញរបស់ពួកគេ ហើយចាប់ខ្លួនលោក Putin ជាឧក្រិដ្ឋជនសង្គ្រាម ក្រោមច្បាប់រុស្ស៊ី និងច្បាប់អន្តរជាតិ”។
លោក Konanykhin អះអាងថា លោក Putin បានបំពានរដ្ឋធម្មនុញ្ញរុស្ស៊ី ដោយលុបបំបាត់ការបោះឆ្នោតដោយសេរី និង សម្លាប់គូប្រជែងរបស់គាត់។
លោក Konanykhin និយាយថា “ក្នុងនាមជាជនជាតិរុស្សី និងជាពលរដ្ឋរុស្ស៊ី ខ្ញុំយល់ឃើញថា វាជាកាតព្វកិច្ចរបស់ខ្ញុំ ដើម្បីជួយស្តារកេរ្តិ៍ឈ្មោះរបស់រុស្ស៊ី។ ខ្ញុំនឹងបន្តជំនួយរបស់ខ្ញុំដល់អ៊ុយក្រែន ក្នុងកិច្ចខិតខំប្រឹងប្រែងជាវីរភាពរបស់ខ្លួន ដើម្បីទប់ទល់នឹងការវាយលុករបស់លោក Putin”។
លោក Konanykhin បានប្រាប់ Insider ថា គាត់បានដាក់ប្រាក់រង្វាន់ដែលយកមកពីមូលនិធិផ្ទាល់ខ្លួនរបស់គាត់ ដើម្បីបង្ហាញថាការវាយលុករបស់យោធាលើអ៊ុយក្រែន មិនត្រូវបានធ្វើឡើងក្នុងនាមគាត់ទេ។
គួរបញ្ជាក់ថា លោក Konanykhin មានទ្រព្យសម្បត្តិ៣០០លានដុល្លារ ត្រូវបានផ្តល់សិទ្ធិជ្រកកោននយោបាយនៅសហរដ្ឋអាមេរិកក្នុងឆ្នាំ១៩៩៩ ប៉ុន្តែបានប្រឈមនឹងហានិភ័យនៃការនិរទេស នៅពេលដែលឋានៈរបស់គាត់ត្រូវបានដកហូតវិញនៅ ៤ឆ្នាំក្រោយ។ ទោះបីជាយ៉ាងណាក៏ដោយ ឋានៈសិទ្ធិជ្រកកោនរបស់គាត់ត្រូវបានគេផ្តល់ឲ្យវិញក្នុងឆ្នាំ២០០៧៕
ប្រែសម្រួល៖ Vann Vann
ប្រភព៖ Business Insider
ចុចអាន៖ រោងចក្រ នុយក្លេអ៊ែរ ធំជាងគេនៅ អឺរ៉ុប រងការវាយប្រហារហើយ ពេលនេះកំពុងឆាបឆេះ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)