Connect with us

វប្បធម៌ ជំនឿ

ឆ្មាខ្មៅ ក្នុងជំនឿលោកខាងលិច ជានិមិត្តរូបនៃសំណាងបរិបូរណ៌

បានផុស

នៅ

មនុស្សជាច្រើនរមែងយល់ថា ការចិញ្ចឹមឆ្មាខ្មៅ​ ឬមានឆ្មាខ្មៅចូលមកនៅក្នុងផ្ទះ ជាប្រផ្នូលឧបទ្រពចង្រៃ អាច​ធ្វើ​ឲ្យ​ម្ចាស់ផ្ទះ និង​គ្រួសារ​ឈឺថ្កាត់មិនស្រាកស្រាន្ត។ គេជឿទៀតថា ឆ្មាខ្មៅជាឆ្មាខ្មោច ចិញ្ចឹមកាលណា មានតែរឿងស៊យកាលណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ទុយទៅវិញ ប្រជាជាតិអាស៊ីមួយចំនួន ក៏ដូចជានៅលោកខាងលិចបែរជាមានជំនឿខុសពីនេះ ហើយខាងក្រោមជាការបកស្រាយ។

នៅប្រទេសខ្លះគេជឿថា ឆ្មាខ្មៅ គឺជានិមិត្តសញ្ញាសំណាងល្អ ដូចជាប្រទេសជប៉ុនជាដើម។ គេមានជំនឿថា ស្ត្រីនៅលីវដែលចិញ្ចឹមឆ្មាខ្មៅនឹងធ្វើឱ្យនាងកាន់តែទាក់ទាញសម្រាប់បុរស។ ចំណែកនៅអង់គ្លេស គេជឿថា ការជូនឆ្មាខ្មៅជាអំណោយនៅថ្ងៃអាពាហ៍ពិពាហ៍នឹងនាំមកនូវសំណាងល្អ និងសុភមង្គលដល់កូនក្រមុំ។

បន្ថែមពីលើការនាំសំណាងនៅក្នុងរឿងស្នេហា កាលពីមុននាវិកអង់គ្លេសជឿថា ការរក្សាឆ្មាខ្មៅនៅលើកប៉ាល់មិនត្រឹមតែអាចជួយប្រមាញ់សត្វកណ្តុរប៉ុណ្ណោះទេ វាថែមទាំងផ្ដល់នូវសំណាងល្អ ដែលអាចនាំពួកគេទៅដល់ផ្ទះដោយសុវត្ថិភាពផងដែរ។ ដោយឡែកចោរសមុទ្រមានជំនឿផ្ទុយពីនេះ ពួក​គេ​ជឿ​ថា បើ​ឆ្មា​ខ្មៅ​ដើរ​ចូលទូកឬកប៉ាល់ វា​នឹង​នាំ​សំណាង​អាក្រក់ ហើយបើឆ្មាខ្មៅឡើងលើទូក រួចលោតចេញវិញ វានឹងនាំឱ្យលិចកប៉ាល់។

ចំពោះជនជាតិស្កុតឡេនជឿថា ប្រសិនបើឆ្មាខ្មៅអង្គុយចាំនៅមុខទ្វារឬរបងផ្ទះ គឺជាសញ្ញានៃភាពរុងរឿង ខណៈដែលប្រជាជនអៀរឡង់ និងអង់គ្លេសជឿថា ដើរឆ្លងផ្លូវជាមួយឆ្មាខ្មៅជាសញ្ញានៃសំណាងល្អដល់ខ្លួនឯង ចៀសបានពួកខ្មៅងងឹត៕

អត្ថបទ៖ សន្យា

ចុចអាន៖ តាមជំនឿ បើចង់ចិញ្ចឹមឆ្មា ត្រូវរើសសម្បុរ ទើបអាចចៀសរឿងចង្រៃបាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម