រឿងពិត ៣យ៉ាង អំពីឆ្មាខ្មៅ អ្នកប្រហែលមិនធ្លាប់ដឹង

រឿង ៣ យ៉ាងខាងក្រោម ប្រិយមិត្តទំនងមិនធ្លាប់ដឹងឡើយអំពីឆ្មាខ្មៅ ហើយក៏ប្រហែលជាយល់ខុសលើសត្វមួយនេះមកជាយូរទៀតផង។ តើជារឿងអ្វីខ្លះ?

១. រោមឆ្មាខ្មៅអាចជួយទប់ស្កាត់ជំងឺ

នៅក្នុងវិទ្យាសាស្ត្រ អះអាងថា ហ្សែនដែលមាននៅក្នុងរោមខ្មៅរបស់ឆ្មាគឺជាហ្សែនដូចគ្នានៅក្នុងមនុស្សដែលអាចទប់ទល់នឹងជំងឺផ្សេងៗបាន។ អ្នកវិទ្យាសាស្ត្រអះអាងទៀតថា រោមឆ្មាខ្មៅអាចជួយការឱ្យរាងកាយមានសុខភាពល្អ និងមានភាពធន់នឹងជំងឺជាងឆ្មាពណ៌ផ្សេង។

២. ឆ្មាខ្មៅអាចប្តូរពណ៌ស្រាលដោយសារព្រះអាទិត្យ

ប្រសិនបើយកទារកទៅដាក់ក្រោមពន្លឺព្រះអាទិត្យញឹកញាប់ ក្នុងរយៈពេលយូរ សក់របស់ពួកគេនឹងកាន់តែស្រាល រហូតដល់វាប្រែជាពណ៌ត្នោតងងឹត។ នេះគឺដោយសារកម្ដៅព្រះអាទិត្យបំផ្លាញសារធាតុពណ៌ខ្មៅនៅក្នុងសក់របស់ទារក។ រឿងនេះកើតឡើងដូចគ្នាទៅនឹងឆ្មាខ្មៅដែលមានពណ៌ពព្លាក់។ នៅពេលណាឆ្មានៅក្រោមកម្ដៅព្រះអាទិត្យយូរ រោមរបស់វានឹងឡើងពណ៌ស្រាលជាងមុន គ្រាន់តែយើងមិនអាចមើលឃើញភ្លាមៗទេ លុះត្រាតែសង្កេតឱ្យយូរ។

៣. ឆ្មាខ្មៅបណ្ដាលមកពីហ្សែន មិនមែនមកពីពូជទេ

មនុស្សជាច្រើនប្រហែលជាគិតថាឆ្មាខ្មៅគឺមកពីពូជឆ្មា។ ប៉ុន្តែតាមពិតវាបណ្តាលមកពីហ្សែនដែលធ្វើឱ្យរោមខ្មៅទេ។ សមាគម Cat Fanciers’ Association (CFA) បង្ហាញថា គ្រប់ពណ៌សម្បុររបស់ឆ្មា មិនមែនដោយសារពូជវាខ្មៅ ឬលឿងនោះទេ តែវាមកពីហ្សែនដែលឆ្មាទទួលបាន។ ​ដូច្នេះហើយ ទើបបានជាពេលខ្លះ មេឆ្មាមួយកើតកូនមកមានសម្បុរផ្សេងៗគ្នាជាច្រើន៕

អត្ថបទ៖ សន្យា

ចុចអាន៖ ឆ្មាខ្មៅ ក្នុងជំនឿលោកខាងលិច ជានិមិត្តរូបនៃសំណាងបរិបូរណ៌

ចុចអាន៖ ពូជសុនខមួយប្រភេទ ល្បីកាចខ្លាំង ដោយសារតែមូលហេតុទាំង ៥ នេះ