តាមជំនឿ បើចង់ចិញ្ចឹមឆ្មា ត្រូវរើសសម្បុរ ទើបអាចចៀសរឿងចង្រៃបាន

ការពិតទៅ ការចិញ្ចឹមសត្វឆ្មា ក៏មានទាក់ទិននឹងជំនឿងងឹតយ៉ាងមុតជ្រៅដែរ។ គេជឿថា បើចិញ្ចឹមឆ្មាត្រូវសម្បុរ នឹងនាំមកនូវភាពចម្រុងចម្រើន តែបើខុសវិញអ្នកច្បាស់ជាអន្តរាយមិនខាន។ តើរឿងនេះពិតឬមិនពិត? សូមពិចារណាទាំងអស់គ្នា!

១. ឆ្មាសម្បុរខ្លា

ចិញ្ចឹមឆ្មាប្រភេទនេះ នឹងជួយកម្ចាត់សត្វស្លាប កណ្តុរ ពស់ នៅក្នុងផ្ទះ បានយ៉ាងល្អ។

២. ឆ្មាសម្បុរខ្មៅ

ពពួកឆ្មាសម្បុរខ្មៅ មិនគួរចិញ្ចឹមនៅក្នុងផ្ទះទេ ព្រោះគេជឿថា វាជាឆ្មា​ខ្មោច ​អាច​ធ្វើ​ឲ្យ​ម្ចាស់ និង​គ្រួសារ​ឈឺថ្កាត់។

៣. ឆ្មាសម្បុរមាស

វាជាឆ្មាដ៏ឈ្លាសវៃ ចិញ្ចឹម​ក្នុង​ផ្ទះ​នឹង​មាន​មន្ត​ស្នេហ៍ តែ​ខ្វះ​លាភ​សំណាង ព្រោះវាតំណាងឱ្យភាព​ខ្ជិលច្រអូស។

៤. ឆ្មាសម្បុរស្ពាន់

មិនគួរទុកសត្វនេះលើសពី ២ក្បាលនៅក្នុងផ្ទះតែមួយទេ ព្រោះ​វា​នឹងនាំឱ្យសំណាងចៀសឆ្ងាយ​ ​ហើយឡុងចុងជាមួយនឹង​លេង​ល្បែង​ស៊ីសង។

៥. ឆ្មាសម្បុរប្រផេះ

ឆ្មាឥសី! ចូររក្សាទុកនៅក្នុងផ្ទះ នឹងធ្វើឱ្យកុមាររីកចម្រើនក្នុងការសិក្សា។

៦. ឆ្មាសម្បុរបី

​ជា​ឆ្មា​មិន​ចូល​ចិត្ត​ធ្វើ​ការ មិន​ចូល​ចិត្ត​ចាប់​កណ្ដុរ​ ប៉ុន្តែបើចិញ្ចឹម វានឹងនាំលាភសំណាងឱ្យម្ចាស់ផ្ទះ។

៧. ឆ្មា​សម្បុរខ្មៅ-ស

ឆ្មាចោរ! មិនគួរទុកនៅក្នុងផ្ទះឡើយ ព្រោះ​​នឹង​ធ្វើ​ឱ្យ​បាត់​បង់​ទ្រព្យ​សម្បត្តិ និងបែកបាក់ស្នេហា។

៨. ឆ្មាសម្បុរ ស

គេជឿថា វាជាឆ្មារបស់ព្រះ។ ដូចនេះគួរតែចិញ្ចឹមវានៅក្នុងផ្ទះ នោះសំណាងនឹងរត់មកនៅជាមួយអ្នក។

៩. ឆ្មាសម្បុរត្រសក់

ឆ្មានេះជានិមិត្តរូបនៃភាពសម្បូរបែប។ ចូររក្សាទុក វានឹងនាំមកនូវសំណាងល្អដល់ការធ្វើពាណិជ្ជកម្ម ឬធ្វើឱ្យអាជីវកម្មរីកចម្រើន។

១០. ឆ្មាខ្លាឃ្លោក

ជាពពួកឆ្មាដែលគេជឿថា វាមានជីវិតប្រាំបួន។ ចិញ្ចឹមវានឹងនាំមកនូវសុភមង្គល និងភាពរុងរឿងដល់ម្ចាស់។

១១. ឆ្មាខ្លួនកោង និងកន្ទុយខ្លី

វាជា​ប្រភេទឆ្មា ដែលនឹង​ធ្វើឱ្យ​ម្ចាស់ ​គ្មាន​សំណាងទាល់តែសោះ។​

១២. ឆ្មាកន្ទុយកោង និងវែង

ក្នុងជំនឿ ឆ្មានេះអាចផ្ដល់​ថាមពលអរូបិយ នាំឱ្យម្ចាស់​​ក្លាយ​ជា​អ្នក​ធំ មាន​លាភ មាន​ជ័យ មាន​គ្រួសារ​ដ៏ល្អ។

១៣. ឆ្មាសម្បុរប្រផេះ និងមានភ្នែកតូច

ពពួកឆ្មានេះ ជាឆ្មាកម្រ ដែលវាអាចនាំលាភឱ្យម្ចាស់ក្លាយជាសេដ្ឋី។

តើប្រិយមិត្តយល់យ៉ាងណា ចំពោះជំនឿទាំងនេះ?

អត្ថបទ៖ សន្យា

ចុចអាន៖ ឆ្មាក្នុងសុបិន បានន័យថា អ្នកជិតដល់គូព្រេង និងមានលាភសំណាងខាងហិរញ្ញវត្ថុ