វប្បធម៌ ជំនឿ
ព្រឹទ្ធាចារ្យមរតកមនុស្សរស់ ទទួលបានការថ្លែងអំណរគុណ ពីរដ្ឋមន្ត្រីក្រសួងវប្បធម៌
មរតកមនុស្សរស់ចាស់-ថ្មី ព្រឹទ្ធាចារ្យគ្រូគុនល្បុក្កតោ និងសមាគមហ្វារពន្លឺសិល្បៈ ទទួលបានការថ្លែងអំណរគុណ ពីលោកស្រី បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ក្នុងឱកាស លោកស្រី អញ្ជើញជួបសំណេះសំណាល នៅសាលអង្គរវត្តរបស់ក្រសួងវប្បធម៌ និងវិចិត្រសិល្បៈ នៅរសៀលថ្ងៃទី០១ ខែមីនា ឆ្នាំ២០២៣។
![](https://www.kampucheathmey.com/wp-content/uploads/2023/03/334751006_218894910670264_211974811681779262_n-1024x683.jpg)
លោកស្រី បណ្ឌិតសភាចារ្យ បានបង្ហាញនូវសេចក្តីសោមនស្សចំពោះវត្តមានរបស់ព្រឹទ្ធាចារ្យ លោកគ្រូ អ្នកគ្រូ មរតកមនុស្សរស់ទាំងចាស់-ថ្មី និងបានថ្លែងអំណរគុណចំពោះព្រឹទ្ធាចារ្យដែលជាមរតកមនុស្សរស់ក្នុងការខិតខំប្រឹងប្រែងលើកស្ទួយ ថែរក្សា ការពារមរតកវប្បធម៌របស់កម្ពុជា ជាពិសេសការចូលរួមជាមួយនឹងយន្តការបន្តវេន ដើម្បីចែករំលែកចំណេះដឹងក្នុងវិស័យមរតកវប្បធម៌ប្រពៃណីដូនតាដល់អ្នកជំនាន់ក្រោយ។
![](https://www.kampucheathmey.com/wp-content/uploads/2023/03/334547504_1420923808651028_7108620033462757764_n-1024x682.jpg)
បន្ថែមជាងនេះទៅទៀត លោកស្រីក៏បានថ្លែងអំណរគុណចំពោះគ្រូគុនល្បុក្កតោទាំងអស់ដែលបានចូលរួមចំណែកយ៉ាងសកម្មក្នុងការរៀបចំឯកសារដាក់គុនល្បុក្កតោចូលក្នុងបញ្ជីមរតកវប្បធម៌អរូបីរបស់មនុស្សជាតិនៃអង្គការយូណេស្កូ។
![](https://www.kampucheathmey.com/wp-content/uploads/2023/03/334447073_1160447597950780_7367650792961234366_n-1024x682.jpg)
ឆ្លៀតក្នុងឱកាសដដែលនោះ លោកស្រី បណ្ឌិតសភាចារ្យ បានប្រគល់ព្រះរាជក្រឹត្យតែងតាំងជូនចំពោះព្រឹទ្ធាចារ្យមរតកមនុស្សរស់ថ្មីផងដែរ។
![](https://www.kampucheathmey.com/wp-content/uploads/2023/03/334434421_143273815314845_1927492888787560380_n-1024x682.jpg)
គួររំលឹកថា នៅថ្ងៃទី៤ ខែកុម្ភៈ ឆ្នាំ២០២៣នេះ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ប្រោសប្រទានគោរមងារ មត៌កមនុស្សរស់ ដល់ព្រឹទ្ធាចារ្យចំនួន ៩រូប។ ព្រឹទ្ធាចារ្យទាំង៩រូបនោះរួមមាន៖
១. ព្រឹទ្ធាចារ្យសិល្បៈ គិន យិន ជា គរុនាថការ គិន យិន
២. ព្រឹទ្ធាចារ្យ ជា យុទ្ធា ជា ទេពហត្ថកោសល្យ ជា យុទ្ធា
៣. ព្រឹទ្ធាចារ្យសិល្បៈ ជៀន សុផាន ជា ចម្មការភិរក្ស ជៀន សុផាន
៤. ព្រឹទ្ធាចារ្យសិល្បៈ ញុច ហឿន ជា ពិភត្តិតន្តី ញុច ហឿន
៥. ព្រឹទ្ធាចារ្យសិល្បៈ ណាន សាម័យ ជា នាដកីនិម្មិត ណាន សាម័យ
៦. ព្រឹទ្ធាចារ្យ ប៊ិន វិន ជា បោរាណាចារ្យ ប៊ិន វិន
៧. ព្រឹទ្ធាចារ្យ ម៉ក់ ជាង ជា ទេពសោភ័ណ ម៉ក់ ជាង
៨. ព្រឹទ្ធាចារ្យសិល្បៈ ឯល ពេជ ជា ទេពវោហារ ឯល ពេជ
៩. ព្រឹទ្ធាចារ្យ អ៉ឹម ស្រួន ជា មហានាដកគរុវិជ្ជា អ៉ឹម ស្រួន៕
![](https://www.kampucheathmey.com/wp-content/uploads/2023/03/334265599_537773038338861_5135360387837123525_n-1024x682.jpg)
![](https://www.kampucheathmey.com/wp-content/uploads/2023/03/334490226_1193153121369683_510517819846185168_n-1024x682.jpg)
![](https://www.kampucheathmey.com/wp-content/uploads/2023/03/334526482_1362191037954557_4756361729371922720_n-1024x682.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី