ព័ត៌មានជាតិ

រដ្ឋមន្ត្រីក្រសួងវប្បធម៌ បានទទួលការចូលរួមឧបត្ថម្ភជំនួយសប្បុរសធម៌ពី អ្នកឧកញ៉ា សំអាង វឌ្ឍនៈ ក្នុងកម្មវិធីសិល្បៈសប្បុរសធម៌ ដើម្បីវីរកងទ័ព

បានផុស

១១ ខែ មុន

នៅ

ថ្ងៃចន្ទ ២៥ សីហា ២០២៥

ដោយ

លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានទទួលនូវការចូលរួមឧបត្ថម្ភពី អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុនវឌ្ឍនៈ ប្រ៊ូវេរី ជាជំនួយសប្បុរសធម៌ជាមួយសាលាមធ្យមវិចិត្រសិល្បៈ នូវភេសជ្ជៈ វី-អាកទីវ ចំនួន ៥០០ កេស ទឹកពិសាប្រណិត វី-អាកទីវ ចំនួន ៥០០ កេស និងថវិកាចំនួន ១០ លានរៀល ក្នុងកម្មវិធីសិល្បៈសប្បុរសធម៌ ដើម្បីវីរកងទ័ព កាលពីល្ងាចថ្ងៃទី ២៣ ខែសីហា ឆ្នាំ ២០២៥ និងឧបត្ថម្ភដល់ក្រុមសិល្បៈដែលបានសំដែងក្នុងកម្មវិធីចំនួន ១០ លានរៀល ក្រុមថតរូប ១,២០០,០០០ រៀល ឧបត្ថម្ភអ្នកចូលរួមទស្សនាពិសាទឹកភេសជ្ជៈដោយសេរី និងសម្របសម្រួលសម្រាប់រថយន្តដឹកសម្ភារៈដល់ទីកន្លែងចំនួន ១ គ្រឿង នាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា សិស្សសាលាមធ្យមវិចិត្រសិល្បៈ បានរួមគ្នាសម្ដែងទស្សនីយភាពសិល្បៈ ស្នាដៃសិស្ស ឆ្នាំសិក្សា ២០២៤-២០២៥ រួមមាន របាំបុរាណ របាំប្រពៃណី សៀក និងល្ខោនខោលជាដើម ដើម្បីប្រមូលថវិកាជួយឧបត្ថម្ភកងទ័ពជួរមុខ និងជនភៀសសឹកនៅតំបន់ជម្លោះព្រំដែនកម្ពុជា-ថៃ៕