ជោគជតារាសីឆ្នាំទាំង១២ ជួបគ្រោះឬលាភបែបណា ក្រោយចូលឆ្នាំថ្មី?

យោងតាមប្រតិទិនចន្ទគិតតាមក្បួនហោរាសាស្ត្រចិន ក្រោយចូលឆ្នាំថ្មី (អំឡុងពេល ២០ មេសា​-១៨ ឧសភា) ឆ្នាំថោះ បញ្ចស័ក ពុទ្ធសករាជ ២៥៦៦ ជោគជតារាសីឆ្នាំទាំង ១២ មានទំនាយយ៉ាងដូច្នេះ៖

ឆ្នាំជូត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រាសី​កណ្ដុរមិនសូវល្អប៉ុន្មានឡើយ ​សេដ្ឋកិច្ចផ្ទាល់ខ្លួននឹងបន្ត​ធ្លាក់​ចុះ ពិសេស​គឺ​ទ្រព្យសម្បត្តិ។ ក្នុងអំឡុងពេលនេះ អ្នកប្រថុយនឹងក្ស័យធនខ្លាំង។ ដូច្នេះចូរមានការប្រុងប្រយ័ត្នបន្ថែមនៅពេលជ្រើសរើសផលិតផលហិរញ្ញវត្ថុ ហើយកុំធ្វើតាមនិន្នាការសង្គមដោយងងឹតងងល់។

លើសពីនេះត្រូវយកចិត្តទុកដាក់លើសុវត្ថិភាពផ្ទាល់ខ្លួននៅពេលចេញទៅក្រៅ និងមិនត្រូវលេងទូរសព្ទដៃពេលដើរ ដើម្បីបញ្ចៀសគ្រោះថ្នាក់ចរាចរណ៍ ដែលនាំឲ្យមានរបួស និងខាតបង់ថវិកា។ អ្នក​ក៏​ត្រូវ​ចេះ​ថែរក្សា​ទ្រព្យ​សម្បត្តិ​របស់​អ្នក​ផង​ដែរ ដើម្បី​ចៀសវាង​​ចោរ​លួច។

ឆ្នាំឆ្លូវ

តាមប្រតិទិនចន្ទគតិ រាសីគោ នឹងធ្លាក់ចុះ ប៉ុន្តែមិនប៉ះពាល់ដល់ទ្រព្យសម្បត្តិអ្វីទាំងអស់។ ចូរយកចិត្តទុកដាក់លើមនុស្សជុំវិញខ្លួនឲ្យបានច្រើន អ្នកមិនគួរបញ្ចេញទិន្នន័យក្នុងគម្រោងទៅអ្នកដទៃ សូម្បីតែមិត្តល្អក៏ដោយ ដើម្បីកុំឲ្យចាញ់បោកមនុស្សអាក្រក់។

នៅពេលប្រាស្រ័យទាក់ទងជាមួយអ្នកដទៃ គួរតែយកចិត្តទុកដាក់លើពាក្យសម្ដីដែលត្រូវប្រើប្រាស់ ចៀសវាងកំហុស​អចេតនានាំ​ឱ្យ​ភាគី​ម្ខាង​ទៀត​យល់​ខុស និង​ប្រព្រឹត្ត​ខុស។

ចំពោះស្នេហា វាជាពេលវេលាមិនអំណោយផលសម្រាប់បង្កើតទំនាក់ទំនងនោះទេ។

ឆ្នាំខាល

ខ្លា ត្រូវយកចិត្តទុកដាក់ចំពោះសុខភាពរបស់អ្នកឲ្យបានច្រើន ទោះបីអាកាសធាតុឡើងកម្ដៅខ្លាំងក៏ដោយ វាអាចនៅតែត្រជាក់ខ្លាំងនៅពេលព្រឹក និងពេលល្ងាច។ កុំ​ដោះ​សម្លៀក​បំពាក់ការពារខ្លួនចោលផ្ដេសផ្ដាស ​ព្រោះអាច​​បង្ក​ឱ្យ​មាន​ជំងឺ​បាន។ ​ ជាពិសេសចាស់ៗដែលមានជំងឺរ៉ាំរ៉ៃ បើមានបញ្ហាតិចតួចដូចជាផ្តាសាយ និងគ្រុនក្ដៅ វានឹងកាន់តែពិបាកក្នុងការព្យាបាល ហើយវាក៏នឹងនាំមកនូវភាពតានតឹងយ៉ាងខ្លាំងដល់រាងកាយផងដែរ។

ឆ្នាំថោះ

ជោគ​ជ័យ​ក្នុង​ការងារ​សម្រាប់​​ទន្សាយ​បន្ត​ឡើង​វិញ​ក្នុង​ខែនេះ។ បន្ទាប់ពីថ្នាក់ដឹកនាំទទួលស្គាល់សក្ដានុពល អ្នកនឹងទទួលបានឱកាសតំឡើងឋានៈ និងប្រាក់បៀវត្សរ៍។ ទំនាក់ទំនងការងារ ជាពិសេសជាមួយអ្នកក្រោមបង្គាប់ គួរតែមានសតិសម្បជញ្ញៈ និងមានទំនួលខុសត្រូវ អភិវឌ្ឍពួកគេឱ្យទទួលយកគម្រោងកាន់តែច្រើន និងធំជាងនេះ។

ចំពោះទ្រព្យសម្បត្តិ ប្រសិនបើខិតខំធ្វើការ ប្រាក់ចំណូលនឹងកើនខ្ពស់ទ្វេជាពីរ ឬជាបី។

ឆ្នាំរោង

រាសី នាគ​ ពុំ​ទទួលបាន​លាភ​សំណាង​នោះទេ ជាពិសេស​បុគ្គលិក​ការិយាល័យ នឹង​មាន​អារម្មណ៍​ពិបាក និង​អស់សង្ឃឹម​ចំពោះ​អនាគត​ការងារ​​។ នាគងាយនឹងរងគំនិតអវិជ្ជមាន ក្នុងផ្លាស់ប្តូរការងារ ឬផ្លាស់ប្តូរឧស្សាហកម្ម។ ចូរគិតដោយប្រុងប្រយ័ត្នអំពីអ្វីដែលអ្នកធ្វើ។ ប្រសិនបើវាពិតជាពិបាកក្នុងការសម្រេចចិត្ត អ្នកគួរតែសុំយោបល់ពីចាស់ទុំ ហើយសុំជំនួយពីអ្នកដទៃ។

ចូរកុំរួញថយពេលជួបការលំបាក ហើយខិតខំកុំឈប់ ទើបសំណាងត្រឡប់មករកអ្នកវិញ។

ឆ្នាំម្សាញ់

លាភសំណាងរបស់ពស់ ឡើងខ្ពស់ក្នុងខែនេះ។ ការងារនឹងដើរទៅមុខ ហើយអ្នកនឹងជួបប្រទះនូវភាពរីកចម្រើនក្នុងរឿងស្នេហា។

ដោយ​សារ​តែ​ការ​រីក​ចម្រើន​នៃ​អាជីព​ការងារ​ ពស់​ ​ទាក់ទាញ​ចំណាប់​អារម្មណ៍​ពី​សមាជិក​ភេទ​ផ្ទុយ​ជា​ច្រើន។ ពេល​វេលា​មក​ដល់ មាន​ភេទ​ផ្ទុយ​​ជា​ច្រើន​នាក់នឹង​ចាប់​អារម្មណ៍លើ​អ្នក។ ពស់នៅលីវ អាចគេចចេញពីភាពនៅលីវ ហើយពស់ដែលរៀបការ ចូរចំណាយពេលជាមួយគ្រួសារឱ្យបានច្រើន កុំគិតតែពីការងារពេក។

ឆ្នាំមមី

សេះ បន្តជួបសំណាងល្អក្នុងកំលុងពេលនេះ ដែលអ្នកសម្រេចបានជោគជ័យយ៉ាងត្រចះត្រចង់ក្នុងការងារ។ ដោយសារលទ្ធផលការងារវិជ្ជមាន អ្នកនឹងទទួលបានការកោតសរសើរ និងការតំឡើងប្រាក់ខែ។

យ៉ាងណាមិញ ចូររៀបចំផែនការហិរញ្ញវត្ថុដោយប្រុងប្រយ័ត្ន កុំផ្ដោតតែរ៉ាប់រងការចំណាយ ដោយភ្លេចសន្សំពីប្រាក់ចំណូលឱ្យសោះ។ អ្នកអាចប្រមូលទ្រព្យសម្បត្តិច្រើនកាលណា លើកលែងចេះទុកដាក់ត្រឹមត្រូវ។

សេះ​រៀបការ​រួច ​ប្រទះតែសុភមង្គល​ជាមួយ​ដៃ​គូ។ សេះនៅលីវ ដរាបណាអ្នកបានចំណាយពេលច្រើនជាមួយគ្នា អ្នកនឹងចាកចេញពីជីវិតនៅលីវជាមួយគ្នា។

ឆ្នាំមមែ

រាសីរបស់អ្នកនឹងមានភាពច្របូកច្របល់គួរសម ជាពិសេសមនោសញ្ចេតនា ជោគជតារាសី ហាក់វិលវល់ណាស់។ ដូច្នេះហើយត្រូវអត់ធ្មត់បន្ថែមទៀត បើអាចជួបនរណាម្នាក់ដែលណែនាំដោយមិត្តភក្តិ ឬសមាជិកគ្រួសារ ចូរហ៊ានសាកល្បង។

​ទ្រព្យសម្បត្តិរបស់ពពែ ​មិន​ស្ថិតស្ថេរ​ខ្លាំង​ទេ ហើយ​មាន​ហានិភ័យ​នៃ​ការ​ក្ស័យធន ​ខាតបង់​ហិរញ្ញវត្ថុ​យ៉ាង​ធំ​។ ​គួរ​កុំ​វិនិយោគ​ក្នុងពេលនេះអី បើ​មិន​ដូច្នេះ​ទេ​នឹង​ខាតបង់​​ជាមិនខាន។

ឆ្នាំវក

ស្វា រាសីធ្លាក់ចុះបន្តិច ហើយសំណាងក្នុងការងារក៏មិនល្អដែរ បើធៀបនឹងខែមុន។ ក្នុង​ខែ​នេះ ​នឹងជួប​ការ​លំបាក​ខ្លាំង​ក្នុង​ការងារ ហើយ​ថែមទាំង​មាន​គំនិត​ចង់​លាលែង​ពី​ការងារ​ទៀត​ផង។ នៅពេលនេះ អ្នកគួរតែស្វែងរកដំបូន្មានពីមនុស្សចាស់ដែលមានបទពិសោធន៍ ដោយព្រមទទួលយកការពិតជាជាងការរត់ចេញ។ ជឿថាអ្នកនឹងអាចជម្នះការលំបាកតាមរយៈការខិតខំប្រឹងប្រែងផ្ទាល់ខ្លួន។ មិន​ថា​លទ្ធផល​យ៉ាងណា​ទេ វា​នឹង​មាន​តម្លៃ ​ឲ្យ​តែ​អ្នក​ព្យាយាម​អស់ពី​សមត្ថភាព។

ដោយសាររាសី​ធ្លាក់ចុះ​ក្នុង​ការងារ វា​នឹង​នាំ​ឲ្យ​ទ្រព្យ​ធ្លាក់ចុះផង​ដែរ។ ប្រាក់ចំណូលនឹងធ្លាក់ចុះយ៉ាងខ្លាំង ប៉ុន្តែកុំទាន់បាក់ទឹកចិត្ត ឲ្យ​តែ​​តស៊ូ​អំណត់ ​អ្នក​នឹង​ទទួល​បាន​រង្វាន់​នៅ​ទី​បញ្ចប់។

ឆ្នាំរកា

​រាសីមាន់ឡើង​ខ្ពស់ត្រដែត​។ ទន្ទឹមនឹងនេះ សំណាងក្នុងអាជីពនឹងប្រសើរឡើង។ ទោះជាយ៉ាងណាក៏ដោយ នៅតែត្រូវបន្តការខិតខំប្រឹងប្រែង និងដោះស្រាយទំនាក់ទំនងជាមួយមិត្តរួមការងារនិងនៅជុំវិញឱ្យបានល្អ ដើម្បីឱ្យអាជីពរបស់អ្នកអាចអភិវឌ្ឍកាន់តែប្រសើរថែមទៀត។

ទំនាក់ទំនងស្នេហា ​អាច​នឹង​ទទួលបាន​ដំណឹង​អាក្រក់​ពី​ការ​បែកបាក់​គ្នា​។ មាន់នៅលីវ នឹងត្រូវលះបង់ថាមពលទ្វេដងដើម្បីធ្វើការ និងបង្កើនប្រសិទ្ធភាពការងារ ដើម្បីទាក់ទាញចំណាប់អារម្មណ៍ពីភេទផ្ទុយ។

ឆ្នាំច

មនុស្សកើតឆ្នាំច នឹងជួបប្រទះការផ្លាស់ប្តូរខ្លះៗ បើធៀបនឹងខែមុនៗ។ បើនិយាយពីអាជីព នឹងត្រូវបានកោតសរសើរដោយថ្នាក់ដឹកនាំ ដោយសារការខិតខំយ៉ាងសកម្ម អ្នកអាចត្រូវបានចាត់តាំងឱ្យចូលរួមក្នុងគម្រោងធំៗថ្មីៗ។

ដោយឡែកចំពោះសំណាងទ្រព្យសម្បត្តិ ក៏កើនឡើងដែរ។ អ្នករកស៊ី ចូររៀនចាប់យកឱកាស ហើយរៀនសម្របខ្លួន ព្រោះវានឹងមានភាពងាយស្រួលក្នុងការជំរុញទីផ្សារ ជាមួយនឹងបញ្ជាទិញដែលនាំអ្នកទទួលបានប្រាក់ចំណេញដ៏ច្រើន។

យ៉ាងណាក្ដី ឆ្កែ ដែលជាសិស្ស-និស្សិត ជោគវាសនាក្នុងខែនេះមិនអំណោយផលទេ ខ្លឹមសារសៀវភៅសិក្សាហាក់ពិបាកយល់ ដែលនឹងធ្វើឱ្យពិបាកក្របយកចំណេះដឹង។ នៅពេលនេះ លោកគ្រូ អ្នកគ្រូ និងមាតាបិតា គួរនឹងផ្តល់ឱ្យឆ្កែ (ក្មេងអាយុក្រោម ១៧ឆ្នាំ) យកចិត្តទុកដាក់ និងជួយពួកគេបន្ថែមទៀត។

ឆ្នាំកុរ

ជ្រូក បន្តទៅមុខយ៉ាងសប្បាយរីករាយដូចខែមុន។ ក្រុមហ៊ុនរបស់អ្នកទំនងជាស្វាគមន៍មិត្តរួមការងារថ្មី។ ជាមួយនឹងភាពជឿជាក់ និងការអះអាងពីថ្នាក់ដឹកនាំ មេកោយអាចទុកឱកាសឱ្យអ្នកបណ្តុះបណ្តាលសមាជិកថ្មី ដូច្នេះត្រូវតែចាប់យកឱកាសឱ្យបានល្អ មិនត្រូវធ្វើឱ្យចៅហ្វាយមានខកបំណងឡើយ។

លើសពីនេះទៀតជ្រូកទំនាក់ទំនងស្នេហារបស់ជ្រូកនឹងពោរពេញទៅដោយការភ្ញាក់ផ្អើលជាពិសេស ប្រសិនបើជាអ្នកនៅលីវ។ ជ្រូកនៅលីវ អាចនឹងជួបស្នេហាដំបូងក្នុងខែនេះ ហើយឱកាសនៃការផ្គូផ្គងល្អក៏មានច្រើនដែរ ដូច្នេះអ្នកគួរតែយកចិត្តទុកដាក់លើបុគ្គលនោះឲ្យបានខ្លាំង៕

អត្ថបទ៖ ​សន្យា

ចុចអាន៖ ជោគជតារាសីប្រចាំឆ្នំាថោះ សម្រាប់មនុស្សកើតក្នុងឆ្នាំជូត

ចុចអាន៖ បុរាណជឿថា សុបិនឃើញផ្លែចេក បង្ហាញពីលាភសំណាង