Connect with us

វប្បធម៌ ជំនឿ

ឱកាសថ្មី ក្លាយជាម្ចាស់ ពានរង្វាន់ព្រះនាងឥន្ទ្រទេវី ឆ្នាំ២០២៣

បានផុស

នៅ

ក្រសួងវប្បធម៌ និង វិចិត្រសិល្បៈ បានប្រកាសជូនដំណឹងស្ដីពី ការប្រឡងស្នាដៃតែងនិពន្ធប្រលោមលោកខ្នាតខ្លី និងកំណាព្យរឿង “ពានរង្វាន់ព្រះនាងឥន្ទ្រទេវី” ដែលនេះជាឱកាសមហាជនបញ្ចេញស្នាដៃ និងក្លាយជាម្ចាស់ពានប្រចាំឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កុក រស់​ ប្រធាននាយកដ្ឋានសៀវភៅ​ និងការអាន អគ្គនាយកដ្ឋានបច្ចេកទេសវប្បធម៌ នៃក្រសួងវប្បធម៌ និងវិចិត្រសិល្បៈ មានប្រសាសន៍ប្រាប់ “កម្ពុជាថ្មី” នៅរសៀលថ្ងៃទី២២ ខែឧសភា ឆ្នាំ២០២៣នេះថា ការប្រឡងមិនមានកំណត់ចំនួនបេក្ខជនដែលត្រូវចូលរួមប្រឡងនោះទេ ​ដោយលក្ខខណ្ឌទទួលទាំងអស់មិនគិត​វ័យ មិនគិតកម្រិតវប្បធម៌ ប៉ុន្តែពេលវេលាទទួលមានកំណត់។

លោក កុក រស់ មានប្រសាសន៍បន្ថែមថា៖ “ប៉ុន្តែយើងកំណត់រយៈពេល នៃការទទួលស្នាដៃ។ ចំពោះការដាក់ពាក្យទៀត​សោត មិនប្រាកដថាទទួលទាំងអស់ឡើយ លុះត្រាតែបេក្ខភាពគោរពតាមលក្ខខណ្ឌ នៃសេចក្ដីជូនដំណឹងលេខ៣៣។ ការទទួលស្នាដៃនិពន្ធ​​ គិតចាប់ពីថ្ងៃជូនដំណឹងរហូតដល់ ថ្ងៃទី៣០ ខែមិថុនា ឆ្នាំ​២០២៣ វេលាម៉ោង ១៧:០០ នាទី នៅនាយកដ្ឋានសៀវភៅ និងការអាន អគារលេខ៤៤ សង្កាត់បឹងរាំង ខណ្ឌដូនពេញ រាជធានីភ្នំពេញ”។

សម្រាប់ជ័យលាភី និងពានរង្វាន់ ជ័យលាភីលេខ១ ទទួលបាន ពានមាសចំនួន១ ប្រកាសនីយបត្រ១ និងថវិកា, ជ័យលាភីលេខ២៖ ពានប្រាក់ ចំនួន១ ប្រកាសនីយបត្រ១ និងថវិកា, ជ័យលាភីលេខ៣៖ ពានសំរិទ្ធ ចំនួន១ ប្រកាសនីយបត្រ១ និងថវិកា។

លោក កុក រស់ មានប្រសាសន៍បន្តថា ចំនួនថវិកាប្រគល់ជូនម្ចាស់ពានទាំងបី នៅមិនទាន់ដឹងទិន្ន័យនៅឡើយ ដោយខាងក្រសួងវប្បធម៌កំពុងបន្តនីតិវិធីក្នុងការស្នើសុំថវិកាទៅកាន់រដ្ឋាភិបាល និងក្រសួងសេដ្ឋកិច្ច និងហិរញ្ញវត្ថុ។ ដូច្នេះទិន្នន័យជាក់ស្ដែង​គឺប្រកាសនៅថ្ងៃប្រគល់ពានរង្វាន់តែម្ដង។

លោក កុក រស់ មានប្រសាសន៍បន្ថែមថា៖ “សម្រាប់ការប្រឡងពានរង្វាន់ព្រះនាងឥន្ទ្រទេវីនេះ បើផ្ដោតទៅលើថវិកា គឺមិនមានចំនួនច្រើនទេបើធៀបនឹងវិស័យឯកជន ​ប៉ុន្តែអ្វីដែលសំខាន់ គឺចង់ជំរុញឱ្យមានការចូលរួម ហើយផលប្រយោជន៍ដែលទទួលបាននោះគឺ ក្រសួងវប្បធម៌ និងវិចិត្រសិល្បៈ នឹងយកស្នាដៃទាំងនោះទៅចុះក្នុងទស្សនាវដ្ដី និងបង្ហោះក្នុងផេកផ្លូវការរបស់ក្រសួង ក៏ដូចជានាយកដ្ឋានសៀវភៅ និងការអាន ព្រមទាំងបោះពុម្ពផ្សាយស្នាដៃ​ដល់គ្រប់ស្ថាប័ន អង្គភាពដែលពាក់ព័ន្ធ”។

សូមរម្លឹកថា កាលប្រឡងតែងនិពន្ធពានរង្វាន់ “ព្រះនាងឥន្ទ្រទេវី” ឆ្នាំ២០២២ មានបេក្ខជនដាក់ស្នាដៃប្រឡងសរុបចំនួន ១០៤ ស្នាដៃ មានស្នាដៃរបស់បេក្ខនារីចំនួន ៤២ស្នាដៃ។ ក្នុងនោះមានផ្នែករឿងប្រលោមលោកខ្នាតខ្លីចំនួន ៧៦ ស្នាដៃ និងផ្នែកកំណាព្យរឿង មានចំនួន ២៨ ស្នាដៃ។

ម្ចាស់ពានរង្វាន់ ព្រះនាងឥន្ទ្រទេវី ឆ្នាំ២០២២

ក្នុងការប្រកួតប្រជែងពានរង្វាន់ព្រះនាងឥន្ទ្រទេវី ឆ្នាំ២០២២ ជ័យលាភីផ្នែកកំណាព្យលេខ១ បានទៅ លោក ភិរម្យ ដារ៉ា មកពីខេត្តស្ទឹងត្រែង ចំណងជើង “រឿងគុណការងារ”, ជ័យលាភីលេខ២ កវីនិពន្ធ មឿន សំណាង ខេត្តឧត្តរមានជ័យ ចំណងជើង “រឿងអ្នកគ្រូជាយដែន” និងលេខ៣ លោក ជួន ខ្មៅ ខេត្តព្រះសីហនុ ចំណងជើង “រឿងមេស្រុក”។ ឯពានរង្វាន់លួងចិត្ត លេខ៤ លោក ចំរើន សុភ័ក្រ ខេត្តកំពត ចំណងជើង “រឿងព្យុះជីវិតនាងរស្មី” និងជ័យលាភីលេខ៥ បានទៅលើ លោក សាម សុនិត មកពីខេត្តកំពង់ចាម ចំណងជើង “រឿងសន្សើមសន្តិភាព”។

ចំណែកជ័យលាភីសម្រាប់ប្រលោមលោកខ្នាតខ្លី លេខ១ បានទៅលើ លោក ហ៊ុយ សារ៉ាត់ មកពីខេត្តពោធិសាត់ រឿង “បណ្តឹងសហគមន៍”, លេខ២ លោក សុវណ្ណ សិរីវុឌ្ឍ រាជធានីភ្នំពេញ រឿង “សំនៀងប៊ិឡានី” និងលេខ៣ លោក ពៅ មករា រាជធានីភ្នំពេញ រឿង “ថ្ងៃរះហើយពុក”។ ឯពានរង្វាន់លួងចិត្ត លេខ៤ លោក តុន ច័ន្ទរិទ្ធ ខេត្តបាត់ដំបង រឿង “បាសាក់” និងលេខ៥ បានទៅ លោក សៀង ឈុនលី មកពីខេត្តកំពង់ស្ពឺ រឿង “ក្រាំងតាត្រាវ”៕

អត្ថបទ៖ ច័ន្ទ វីរៈ, ហ៊ិន ស៊ីថា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍២ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៤ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៥ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៦ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម