ក្រសួងវប្បធម៌ ប្រកាសទទួលពាក្យប្រឡងនិពន្ធប្រលោមលោក និងកំណាព្យរឿង ដើម្បីលើកស្ទួយអក្សរសិល្ប៍ខ្មែរ

តាមរយៈទំព័រហ្វេសប៊ុកនាយកដ្ឋានសៀវភៅ និងការអាន បានបង្ហោះ នៅថ្ងៃទី១៨ ខែមេសា ឆ្នាំ២០២៥ ស្តីពីការទទួលពាក្យប្រឡងស្នាដៃតែងនិពន្ធពានរង្វាន់ព្រះនាងឥន្ទ្រទេវីឆ្នាំ២០២៥ ដែលរៀបចំដោយក្រសួងវប្បធម៌ និងវិចិត្រសិល្បៈ ក្នុងគោលបំណងថែរក្សា លើកតម្កើង និងជំរុញវិស័យអក្សរសិល្ប៍ អក្សរសាស្ត្រជាតិឱ្យកាន់តែប្រសើរឡើង។

ការប្រឡងស្នាដៃតែងនិពន្ធពានរង្វាន់ព្រះនាងឥន្ទ្រទេវីនេះ គឺមានប្រភេទប្រលោមលោកខ្នាតខ្លី និងកំណាព្យរឿង ដែលជាប្រធានបទ សេរី ចាប់ពី១៥ ទី៣០ទំព័រ ជាប្រភេទ A4 ហើយបេក្ខជនក្នុងម្នាក់ អាចដាក់ស្នាដៃប្រកួតបាន២ គឺប្រលោមលោកខ្នាតខ្លី១ និងកំណាព្យរឿង១ស្នាដៃ។ សម្រាប់ការដាក់ស្នាដៃប្រកួតនឹងចាប់ផ្តើមទទួលចាប់ពីថ្ងៃជូនដំណឹង ដល់ថ្ងៃទី៣០ ខែមិថុនា ឆ្នាំ២០២៥ ម៉ោង ៥ល្ងាច។

សម្រាប់ការប្រឡងតែងនិពន្ធនេះ ជាប្រធានបទ សេរី ផ្ទៃរឿងត្រូវមានលក្ខណៈសមស្រប ក្នុងនោះ អត្ថន័យ មាន៣ចំណុច គឺ សច្ចធម៌ សីលធម៌ និងគុណធម៌។ ចំណែក អត្ថរូប មាន៣ចំណុច វិធីតែង រចនាបថ និងសិល្ប៍សោភ័ណ។ រីឯ អត្ថរស មាន៣ចំណុច គឺបង្ហាញពីការអប់រំ ការអភិវឌ្ឍ និងការរក្សាតម្លៃអត្តសញ្ញាណជាតិ។

បើនិយាយលើលក្ខខណ្ឌសំណេរដែលត្រូវចូលរួមប្រកួតវិញ ត្រូវតែជាស្នាដៃថ្មី មិនធ្លាប់ទទួលបានជយលាភី ឬបោះពុម្ពផ្សាយនោះទេ។ ខ្នាតក្រដាស A4 ដែលមានចាប់ពី១៥ ទៅ៣០ទំព័រ មានទំហំអក្សរដោយកុំព្យូទ័រ Font យូនីកូត Khmer OS Siemreap, ទំហំ ១២។ ចំណែកអក្ខរាវិរុទ្ធ គឺយកតាមវចនានុក្រមរបស់សម្តេចព្រះសង្ឃរាជ ជួន ណាត និងសេចក្តីសម្រេចរបស់ក្រុមប្រឹក្សាជាតិភាសាខ្មែរ។

ចំពោះម្ចាស់ជយលាភី លេខ១ ដល់លេខ៣ សម្រាប់ប្រលោមលោកខ្នាតខ្លី និងកំណាព្យរឿង នឹងទទួលបានពាន១ អមជាមួយនឹងទឹកប្រាក់។ ចំណែក រង្វាន់កិត្តិយសលេខ ៤ និងលេខ៥ លើប្រលោមលោកខ្នាតខ្លី និងកំណាព្យរឿង នឹងទទួលបានបណ្ណសរសើរ១ រួមជាមួយទឹកប្រាក់។

សម្រាប់លក្ខខណ្ឌដាក់ពាក្យប្រកួត អាចផ្ញើតាមរយៈលេខទំនាក់ទំនង និងលក្ខខណ្ឌខាងក្រោមនេះ៖