សុបិនឃើញលោកតាដែលចែកឋានហើយ ជាប្រផ្នូលនៃពរជ័យ

សុបិនឃើញញាតិការដែលចែកឋានទៅ ជាទូទៅជាប្រផ្នូលនៃពរជ័យ ដែលនាំនូវសេចក្ដីសុខពេញប្រៀបមកដល់ខ្លួនឯង និងគ្រួសារ។ តួយ៉ាងសុបិនឃើញលោកតារបស់អ្នកដែលមរណកាលទៅហើយ ក៏ជាប្រផ្នូលល្អនៃលាភសំណាងផងដែរ។

តាមជំនឿគេជឿថា លោកតាបង្ហាញខ្លួនក្នុងសុបិន មានន័យថា រឿងមិនល្អពាក់ព័ន្ធនឹងការងារចាប់ផ្ដើមធូរស្រាល ចំណែកបំណុលអាចរកច្រកចេញបាន ក្នុងកំលុងពេលនេះ។ បើអ្នកកំពុងវិនិយោគ មានន័យថា ទុនដែលចំណាយនឹងទទួលផលត្រឡប់វិញយ៉ាងគាប់ចិត្ត។

ជំនឿតំបន់ខ្លះ បើជាអ្នករៀបការរួចថ្មីថ្មោង ហើយបានឃើញមនុស្សលោកតា ឬលោកយាយ ដែលលាចាកលោក អាចជាប្រផ្នូលនៃការទទួលបានសមាជិកថ្មីក្នុងគ្រួសារ។ ទោះយ៉ាងណា សុបិនខ្លះអាចជាប្រផ្នូលប្រាប់ពីហេតុការណ៍បម្រុងនឹងកើត អាស្រ័យលើម្ចាស់ខ្លួនម្នាក់ៗ។

ប្រសិនសុបិនឃើញលោកតា មកជួបក្នុងសម្លៀកបំពាក់ពណ៌ស មានន័យថា អ្វីដែលរំពឹងទុក ​នឹង​បានសម្រេចដូបំណងប្រាថ្នា។ ​ក្នុងទំនាក់​ទំនង​ជាមួយ​មនុស្ស​ជុំវិញ​ខ្លួន ​នឹង​ចាប់​ផ្ដើម​មាន​មិត្ត​ភក្តិ​ថ្មី ឬស្គាល់មនុស្សថ្មីដែលមានសក្តានុពល៕

អត្ថបទ៖ សន្យា

ចុចអាន៖ សុបិនឃើញព្រះមហាក្សត្រ ឬមហាក្សត្រី ជីវិតពិតជួបតែសំណាងបរិបូរ