វប្បធម៌ ជំនឿ
សិល្បករកម្ពុជា ខំបង្កើតរបាំបុរាណច្នៃ ដើម្បីសុំសុខសន្តិភាព ដល់ មីយ៉ាន់ម៉ា
របាំទម្រង់បុរាណច្នៃមួយ មានចំណងជើងថា “សហធាតុ” ត្រូវបានខិតខំបង្កើតដោយ សិល្បករកម្ពុជាមួយរូប។ របាំ សហធាតុ បង្ហាញពីលទ្ធផលនៃការបែកបាក់ និងការរួបរួម នៃធាតុធំទាំង៤ ដែលជាធាតុសំខាន់មិនអាចខ្វះគ្នាបានក្នុងទ្រទ្រង់ឱ្យមានជីវិត គឺ ធាតុភ្លើង ធាតុដី ធាតុទឹក និងធាតុខ្យល់។
![](https://www.kampucheathmey.com/wp-content/uploads/2023/08/IMG_2018-1024x771.jpg)
លោក ឃុន ចាយ ជាស្ថាបនិក នៃរបាំបុរាណច្នៃ សហធាតុ បានឱ្យ កម្ពុជាថ្មី ដឹងថា មូលហេតុដែលលោកដំឡើងស្នាដៃនេះឡើង ដោយសារ កាលពីកំឡុងខែមករា ដល់ខែមេសា ឆ្នាំ២០២៣ លោកទទួលបានឱកាសទៅចូលរៀនក្នុងកម្មវិធីមួយនៅប្រទេសថៃ រយៈពេលបីខែ។ ក្នុងរយៈពេលនោះ លោកបានមើលឃើញពីទុក្ខលំបាក ក្ដីឈឺចាប់ ក្ដីកង្វល់ជាច្រើនពីសំណាក់សិស្សៗដែលបានមកពីប្រទេសមីយ៉ាន់ម៉ា។
![](https://www.kampucheathmey.com/wp-content/uploads/2023/08/717EDD8C-67B6-4153-AD5A-2D8BE46F8100-769x1024.jpg)
លោក ឃុន ចាយ មានប្រសាសន៍បន្តថា៖ “ខណៈកម្ពុជា មានសន្តិភាព ខ្ញុំអាចមករៀនឆ្លងប្រទេសដោយចិត្តរីករាយ តែសិស្សជនជាតិមីយ៉ាន់ម៉ា បារម្ភពីគ្រួសារពួកគេក្នុងប្រទេសមីយ៉ាន់ម៉ា ក៏ដូចជាសុវត្ថិភាពផ្ទាល់ខ្លួន ហើយពួកគេបារម្ភថា ពេលរៀនចប់ពីប្រទេសថៃហើយ តើពួកគេអាចវិលចូលប្រទេស អាចជួបញាតិមិត្តវិញបាន ឬទេ ហើយចូលដោយរបៀបណា?”។
![](https://www.kampucheathmey.com/wp-content/uploads/2023/08/IMG_9746-1024x768.jpg)
សិល្បករ នៃក្រុមនារ្យរស ខាងលើនេះ បានបញ្ជាក់បន្ថែមថា លោកសូមឧទ្ទិសស្នាដៃនេះទៅដល់ប្រជាជនស្លូតត្រង់ ដែលបានបាត់បង់ជីវិត រងរបួស ជាប់ឃុំឃាំង និងបានរត់គេចខ្លួន នៅក្នងប្រទេសមីយ៉ាន់ម៉ាទាំងមូល ដោយសាររបបយោធាផ្ដាច់ការមីយ៉ាន់ម៉ា។
![](https://www.kampucheathmey.com/wp-content/uploads/2023/08/IMG_5758-768x1024.jpg)
លោក ឃុន ចាយ លើកឡើងបន្តថា៖ “ខ្ញុំសូមឱ្យស្នាដៃមួយនេះ អាចឧទ្ទិសដល់វត្ថុសក្ដិសិទ្ធិក្នុងលោក ជួយឃុំគ្រងឱ្យប្រទេសមីយ៉ាន់ម៉ាឆាប់ទទួលបានសន្ដិភាព សេរីភាព សុភមង្គល និងមកចរចា សហការ រួបរួមគ្នាឡើងវិញសារជាថ្មី ដើម្បីប្រយោជន៍រួម។
![](https://www.kampucheathmey.com/wp-content/uploads/2023/08/photo_2023-08-04_10-52-01-1024x771.jpg)
សិល្បករវ័យ ២៦ ឆ្នាំរូបនេះ បានបញ្ជាក់បន្ថែមថា លោកចង់ធ្វើជាសារមួយតាមរយៈស្នាដៃរបាំ “សហធាតុ” នេះ ទៅកាន់ប្រជាជនកម្ពជា ក៏ដូចជាទូទាំងពិភពលោកទាំងមូលបន្ដយល់ថា លើកលោកនេះគ្មានបុគ្គលណាដែលអាចរស់នៅខ្វះការគ្រាំទ្រ ក្ដីស្រលាញ់ សហការ សន្ដិភាព និងសេរីភាពបានទេ ដូច្នេះសូមបន្ដរួបរួមគ្នារក្សាសមទ្ធិផលដែលយើងកំពុងមានដូចជា សន្ដិភាព សេរីភាព ការអភិវឌ្ឍជាដើម ដើម្បីធានានិរន្ដរភាព នៃសន្ដិភាព នៃប្រជាជាតិកម្ពុជាទាំងមូល។
![](https://www.kampucheathmey.com/wp-content/uploads/2023/08/photo_2023-08-04_10-51-59-2-1024x771.jpg)
គួរបញ្ជាក់ថា របាំទម្រង់បុរាណច្នៃ សហធាតុ នេះ ត្រូវបានសម្ដែងលើកដំបូល កាលពីចុងសប្ដាហ៍នេះ លុះដល់ថ្ងៃអង្គារនេះ យោធាមីយ៉ាន់ម៉ា បានប្រកាសលើកលែងទោសចំនួន ៥ ករណីដល់អតីតមេដឹកនាំរដ្ឋាភិបាលស៊ីវិល លោកស្រី អ៊ុងសាន ស៊ូជី ដែលជាប់ចោទក្នុងចំណោមសំណុំរឿងក្ដីក្ដាំសរុប ១៩ ករណី តម្រូវឱ្យជាប់ពន្ធនាគារ ៣៣ ឆ្នាំ។ ៥ ករណីដែលយោធាមីយ៉ាន់ម៉ាប្រកាសលើកលែងទោសនោះ គឺបន្ថយការជាប់ពន្ធនាគាររបស់ លោកស្រី អ៊ុងសាន ស៊ូជី រយៈពេល ៦ ឆ្នាំ។
![](https://www.kampucheathmey.com/wp-content/uploads/2023/08/suuyi-3-3-1-1024x675.jpeg)
គួររំលឹកថា កាលពីខែមេសា ឆ្នាំ២០២៣នេះ យោធាមីយ៉ាន់ម៉ា បានទម្លាក់គ្រាប់បែក ទៅលើភូមិមួយនៅតំបន់ Sagaing ភាគកណ្តាល ដែលបានសម្លាប់មនុស្សជាង ១០០នាក់ រួមទាំងកុមារផងដែរ។ សមាគមប្រជាជាតិអាស៊ីអាគ្នេយ៍ (អាស៊ាន) បានប្រកាសថ្កោលទោស មួយថ្ងៃបន្ទាប់ពីយោធាមីយ៉ាន់ម៉ា បញ្ជាក់ពីការវាយប្រហារអាកាសលើពិធីមួយដែលរៀបចំឡើងដោយរដ្ឋាភិបាលឯកភាពជាតិ (NUG)។
![](https://www.kampucheathmey.com/wp-content/uploads/2023/08/bombing-1.jpg)
ការប្រយុទ្ធគ្នាបានផ្ទុះឡើងនៅក្នុងផ្នែកខ្លះ នៃប្រទេសមីយ៉ាន់ម៉ា ចាប់តាំងពីរដ្ឋប្រហារយោធាក្នុងឆ្នាំ ២០២១ ដោយក្រុមយោធាបានប្រយុទ្ធជាមួយក្រុមប្រដាប់អាវុធជនជាតិភាគតិច និងកងកម្លាំងការពារប្រជាជន (PDF) រាប់សិបលើកនៅទូទាំងប្រទេស។ រដ្ឋាភិបាល កម្ពុជា ធ្លាប់បានជួយសម្របសម្រួលវិវាទ ព្រមទាំងផ្ដល់ជំនួយជា ថវិកា សម្ភារ និងវ៉ាក់សាំងកូវីដ-១៩ ដល់ប្រជាជនមីយ៉ាន់ម៉ា ជាបន្តបន្ទាប់ផងដែរ៕
អត្ថបទ៖ ច័ន្ទ វីរៈ
![](https://www.kampucheathmey.com/wp-content/uploads/2023/08/128224-5-768x512-1.jpg)
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ