វប្បធម៌ ជំនឿ
គម្រោងផែនការរយៈវែងរបស់ ជំនោរ-ART បានសម្រេចសកម្មភាពដំបូង
គម្រោងផែនការរយៈវែងរបស់ ជំនោរ-ART ដែលបានសហការជាមួយសាលាគំនូរកុលាបលឿង និង បណ្ណាល័យភូមិក្រសាំង បានសម្រេចជោគជ័យលើ សកម្មភាពដំបូងគេ នៅដើមឆ្នាំ២០២៤ នេះ។
![](https://www.kampucheathmey.com/wp-content/uploads/2024/02/428599906_781704794001618_7270940021538468758_n-1024x768.jpg)
លោក ប៉ោយ ឈុនលី ជាសិល្បករគំនូរជីវចល និងជាអ្នកផ្តួចផ្តើមមហោស្រពសិល្បៈជំនោរ-ART បានឱ្យ “កម្ពុជាថ្មី” ដឹងនៅព្រឹកថ្ងៃទី១៩ ខែកុម្ភៈ ឆ្នាំ២០២៤ នេះថា សកម្មភាពទី១ នៃគម្រោងផ្សព្វផ្សាយសិល្បៈដល់យុវជន និងកុមារ ក្នុងឆ្នាំ២០២៤ នៅបណ្ណាល័យភូមិក្រសាំង ដែលមានសិស្សានុសិស្ស ជាង ៣០នាក់ និងសិស្សានុសិស្សពី សាលាកុលាបលឿង ជាង ៣០ នាក់ បានបញ្ចប់ដោយជោគជ័យ។ កម្មវិធីមានដូចជា ការនិយាយអំពីសិល្បៈ ការចែកសៀវភៅសម្រាប់គូរគំនូរ ការបង្រៀនគូរគំនូរ ការញាំអាហារថ្ងៃត្រង់ជុំគ្នា និង សកម្មភាពចុងក្រោយនាំក្មេងៗចុះគូរតាមភូមិ។
![](https://www.kampucheathmey.com/wp-content/uploads/2024/02/428608985_781703450668419_4026380624497480223_n-1024x768.jpg)
លោក ប៉ោយ ឈុនលី បានឱ្យដឹងថា៖ “គម្រោងផ្សព្វផ្សាយសិល្បៈនេះ ធ្វើឡើងដើម្បីបញ្ជ្រាបការយល់ដឹងសិល្បៈ និង ជាសកម្មភាពប្រណាំងជាមួយ ស្រាបៀរ បារី ឆ្នោត និង គ្រឿងញៀន ដល់សហគមន៍ផ្ទាល់ ព្រោះនៅតាមសហគមន៍ក៏ជាកន្លែងដែលត្រូវការ ការចែករំលែកសិល្បៈផងដែរ។ ធនធានសិល្បៈសម្បូរណាស់ នេះជាអ្វី ជំនោរ-ART គួរមើលឃើញមុនគេ”។
![](https://www.kampucheathmey.com/wp-content/uploads/2024/02/428604743_781704694001628_6496686033408562446_n-1024x768.jpg)
លោក ប៉ោយ ឈុនលី បានលើកឡើងបន្ថែមថា ទាំងយុវជន និងកុមារតូចៗសុទ្ធតែគួរស្រលាញ់រាប់អាន មានវិន័យ មានចរិយាល្អសមសួន មានភាពរសរាយរាក់ទាក់ និង សកម្មណាស់។
![](https://www.kampucheathmey.com/wp-content/uploads/2024/02/428604364_781703917335039_9061721199304649064_n-1024x768.jpg)
លោក ប៉ោយ ឈុនលី មានប្រសាសន៍បន្តថា៖ “ខ្ញុំលើកទឹកចិត្តឱ្យមិត្តភក្តិបងប្អូនណាដែលមានបំណងចង់ជួយ រឺចង់រួមចំណែកសកម្មភាពអប់រំបងប្អូនៗ គួរតែទៅបណ្ណាល័យភូមិក្រសាំង អ្នកទាំងអស់គ្នានឹងពេញចិត្តដូចខ្ញុំពុំខានឡើយ ព្រោះជាកន្លែងមួយដែលយើងមើលឃើញនូវក្តីស្រលាញ់ និង ការខិតខំពិតប្រាកដ”។
![](https://www.kampucheathmey.com/wp-content/uploads/2024/02/428604039_781704087335022_846771385594845794_n-1024x768.jpg)
លោក ប៉ោយ ឈុនលី បានឱ្យដឹងថា មហោស្រពសិល្ប: ជំនោរ-ART កំពុងគិតដល់កម្រោងបន្ទាប់ដែលគ្រោងធ្វើកិច្ចការសំខាន់មួយជាមួយ បណ្ណាល័យភូមិក្រសាំង និង យុវជនទាំងអស់គ្នា ប្រសិនបើបងប្អូនមានបំណងចង់ចូលរួមគម្រោងនេះ អាចទាក់ទងពិភាក្សាបាន ឬទូរសព្ទលេខ ០៩៨ ២៩២ ៦៨៦។
![](https://www.kampucheathmey.com/wp-content/uploads/2024/02/428602030_781704417334989_4273688900114238875_n-1024x768.jpg)
លោក ប៉ោយ ឈុនលី បញ្ជាក់ថា៖ “គម្រោងនេះពាក់ព័ន្ធនឹងសិល្បៈ គឺការផ្តល់អាហារូបករណ៍រៀនគំនូរនៅសាលាកុលាបលឿង ដល់យុវជន ២ រឺ ៣ នាក់ ហើយថ្ងៃក្រោយ យុវជនប្រែទៅជាគ្រូបង្រៀនប្រចាំបណ្ណាល័យក្រសាំង រឺ ប្រចាំភូមិក្រសាំងតែម្តង”។
![](https://www.kampucheathmey.com/wp-content/uploads/2024/02/426607212_781703777335053_6522455242930471635_n-1024x768.jpg)
គួរបញ្ជាក់ថា គម្រោង ផ្សព្វផ្សាយសិល្បៈ ប្រណាំងជាមួយ ការផ្សាយស្រាបៀរ បារី ឆ្នោត និង គ្រឿងញៀន ជាផែនការណ៍រយៈពេលវែងរបស់ ជំនោរ-ART ដែលនឹងមានសកម្មភាពជាបន្តបន្ទាប់ទៀតនៅខេត្តបាត់ដំបង។ គម្រោងសកម្មភាពនេះ មិនបានទទួលឧបត្ថម្ភពីខាងណាទេ គឺគ្រួសារ លោក ប៉ោយ ឈុនលី និងភាគីសាលាចូលរួមចំណាយផ្ទាល់ខ្លួនតាមលទ្ធភាព ដោយសង្ឃឹមថា កុមារ និងយុវជន នឹងប្រើពេលបង្កើនចំណេះដឹង និងរួមគ្នាសិក្សា ច្នៃសិល្បៈ ដល់ថ្ងៃអនាគត ចាកឆ្ងាយពីអបាយមុខទាំងឡាយ៕
![](https://www.kampucheathmey.com/wp-content/uploads/2024/02/428606275_781703660668398_27376099963027748_n-1024x768.jpg)
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១៤ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ