សេដ្ឋកិច្ច
ក្រសួងពាណិជ្ជកម្ម ដាក់ឱ្យប្រើច្បាប់ ការប្រកួតប្រជែង ដើម្បីលើកកម្ពស់ទីផ្សារតំបន់ និងពិភពលោក
ក្រសួងពាណិជ្ជកម្ម បានកាសដាក់ឱ្យប្រើច្បាប់ស្ដីពី ការប្រកួតប្រជែង ជាផ្លូវការហើយ ដើម្បីជាប្រយោជន៍ដល់ការទប់ស្កាត់សកម្មភាពដែលរារាំងដល់ការប្រកួតប្រជែង និងលើកកម្ពស់ទីផ្សារប្រកួតប្រជែងទាំងក្នុងតំបន់ និងពិភពលោក។
យោងតាមសេចក្តីប្រកាសព័ត៌មានរបស់ក្រសួងពាណិជ្ជកម្ម ដែលទើបទទួលបាននៅថ្ងៃទី២០ ខែតុលានេះ ឱ្យដឹងថាច្បាប់នេះមិនត្រឹមតែជាការបំពេញកាតព្វកិច្ចមួយរបស់កម្ពុជាសម្រាប់អាស៊ានប៉ុណ្ណោះទេ គឺរួមទាំងអង្គការពាណិជ្ជកម្មពិភពលោកផងដែរ។ ច្បាប់នេះបានបង្កើតនូវទីលានប្រកួតប្រជែងស្មើភាពគ្នាក្នុងការធ្វើធុរកិច្ចនៅក្នុងប្រទេសកម្ពុជា ដើម្បីប្រកួតប្រជែងគ្នាតាមរយៈមធ្យោបាយផ្សេងៗរួមមាននវានុវត្តន៍ គុណភាពខ្ពស់ និងតម្លៃទាបនៃផលិតផល និងសេវា ហើយកត្តាទាំងនេះនឹងជំរុញឱ្យមានការប្រកួតប្រជែង ដែលផ្តល់អត្ថប្រយោជន៍សម្រាប់អ្នកប្រើប្រាស់ និងធ្វើឱ្យមានកំណើនសេដ្ឋកិច្ចជាតិ។
សេចក្តីប្រកាសព័ត៌មានដដែលបានបញ្ជាក់ថា ច្បាប់ស្ដីពីការប្រកួតប្រជែងនេះ មាន ៧ជំពូក និង ៤១មាត្រា ដោយគ្របដណ្តប់លើ “សសរស្ដម្ភបី” រួមមាន៖ ១. ការព្រមព្រៀងដែលរារាំងដល់ការប្រកួតប្រជែង ២. ការបំពានដោយប្រើជំហរឧត្តមភាពលើទីផ្សារ និង ៣. ការរួមបញ្ចូលគ្នានៃធុរកិច្ចដែលរារាំងដល់ការប្រកួតប្រជែងដែលសកម្មភាពទាំងនោះមានផលប៉ះពាល់ដល់ ទីផ្សារកម្ពុជា។ ច្បាប់នេះមានវិសាលភាពអនុវត្តចំពោះបុគ្គលធ្វើសកម្មភាពធុរកិច្ច ឬធ្វើសកម្មភាពគាំទ្រដល់ធុរកិច្ចពាក់ព័ន្ធនឹងការរារាំង រឹតត្បិត ឬបង្អួចដល់ការប្រកួតប្រជែងក្នុងទីផ្សារនៃព្រះរាជាណាចក្រកម្ពុជា ទោះបីសកម្មភាពនោះមានប្រភពនៅក្នុង ឬក្រៅប្រទេសក៏ដោយ។ ច្បាប់នេះក៏មានចែងអំពីការដាក់ទណ្ឌកម្មផ្នែកស៊ីវិល ការពិន័យជាប្រាក់ពី ៥ លានរៀល ទៅ ១០០ លានរៀល និងផ្តន្ទាទោសដាក់ពន្ធនាគារ ពី ១ខែ ទៅ ២ឆ្នាំ។
គួរបញ្ជាក់ថា ច្បាប់ស្ដីពី ការប្រកួតប្រជែងកម្ពុជា ត្រូវបានព្រះមហាក្សត្រកម្ពុជា ឡាយព្រះហស្តលេខា កាលពីថ្ងៃទី៥ ខែតុលា ឆ្នាំ២០២១ កន្លងទៅថ្មីៗនេះ៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ