តំបន់សេដ្ឋកិច្ចពិសេសខេត្តស្វាយរៀងមាន១២កន្លែង កំពុងដំណើរការ ៩កន្លែង

ស្វាយរៀង គឺជាខេត្តដែលស្ថិតនៅភាគខាងកើតនៃប្រទេសកម្ពុជា មានព្រំប្រទល់ជាប់ប្រទេសវៀតណាម។ បច្ចុប្បន្នខេត្តស្វាយ​រៀង មានតំបន់សេដ្ឋកិច្ចពិសេសទាំងអស់ចំនួន ១២កន្លែង ប៉ុន្តែដំណើរការតែ ៩កន្លែងប៉ុណ្ណោះ។ តំបន់សេដ្ឋកិច្ចទាំង ៩កន្លែងនោះរួមមាន៖

– តំបន់សេដ្ឋកិច្ចពិសេស មេន ហាត ធេន ស្វាយរៀង

– តំបន់សេដ្ឋកិច្ចពិសេស តាយ សេង បាវិត

– តំបន់សេដ្ឋកិច្ចពិសេស ដ្រេហ្គន ឃីង (នាគរាជ)

– តំបន់សេដ្ឋកិច្ចពិសេស សានដុង សាន់សែល

– តំបន់សេដ្ឋកិច្ចពិសេស ហាយ ផាក

– តំបន់សេដ្ឋកិច្ចពិសេស ឈីលូ ជាន ពុ ចាយ

– តំបន់សេដ្ឋកិច្ចពិសេស ស្វាយរៀង ហ្គីហ្គា រីសស៍

– តំបន់សេដ្ឋកិច្ចពិសេស អ៊ិនធើវៀ អូតូម៉ូបាល អ៊ិនដាសស្រ្ទៀល ខមផ្លេកស៍

– តំបន់សេដ្ឋកិច្ចពិសេស ស៊ីន បាវិត។

ក្រៅពីតំបន់សេដ្ឋកិច្ចពិសេស ខេត្តស្វាយរៀងក៏មានរោងចក្រសហគ្រាស ដែលបានចុះបញ្ជីជាមួយក្រសួងការងារ និងបណ្តុះបណ្តាលវិជ្ជាជីវៈចំនួន ២៥២កន្លែងផងដែរ។

ជាមួយគ្នានេះ នៅក្នុងខេត្តក៏មានគ្រឹះស្ថានមីក្រូហិរញ្ញវត្ថុចំនួន ៦៩ សហគ្រាស ដែលវិស័យទាំងអស់នេះ​ បានបង្កើតការ​ងារជូនចប្រជាពលរដ្ឋបានចំនួន ១០១,០៨៧ នាក់ និងជួយដល់កំណើនសេដ្ឋកិច្ច ព្រមទាំងជួយកាត់បន្ថយ​ភាពក្រី​ក្របានច្រើន តាមរយៈការទទួលផលដោយប្រយោល។ នេះបើតាមមន្ទីរការងារ និងបណ្តុះបណ្តាលវិជ្ជាជីវៈ​ខេត្តស្វាយរៀង៕ ភក្តី