សេដ្ឋកិច្ច
កម្ពុជា ប្រើប្រេងឥន្ធនៈអស់ប្រមាណជិត ៥ម៉ឺនបារ៉ែលក្នុងមួយថ្ងៃ
កម្ពុជា ប្រើប្រាស់ប្រេងឥន្ធនៈអស់ប្រមាណ ៤៨,០០០បារ៉ែល ក្នុងមួយថ្ងៃ ពោលគឺជាប់ចំណាត់ថ្នាក់លេខរៀងទី ១០៧ ក្នុងចំណោមប្រទេសជាង ២០០ នៅទូទាំងពិភពលោក។ នេះបើតាមការបញ្ជាក់របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា។
ថ្លែងក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យជាតិគ្រប់គ្រង នាព្រឹកថ្ងៃទី ១៧ ខែ តុលា សម្តេចតេជោ មានប្រសាសន៍ថា ប្រទេសដែលប្រើប្រាស់ប្រេងឥន្ធនៈអស់ច្រើនជាងគេ គឺសហរដ្ឋអាមេរិក មានតម្រូវការប្រើប្រាស់ប្រមាណ ១៩លាន ៦សែន បារ៉ែល ក្នុងមួយថ្ងៃ, ចិនប្រើអស់ ១២លានបារ៉ែល, ឥណ្ឌា ៤លានបារ៉ែល, សិង្ហបុរី ប្រមាណជាង ១លាន ៣សែន បារ៉ែល។
អ្នកនាំពាក្យក្រសួងពាណិជ្ជកម្ម បានថ្លែងប្រាប់កម្ពុជាថ្មី នាពេលកន្លងមកថា ប្រេងឥន្ធនៈដែលកម្ពុជាប្រើប្រាស់ គឺនាំចូលពីប្រទេសសិង្ហបុរី ថៃ និងវៀតណាម។
ក្រុមហ៊ុនលក់រាយនៅកម្ពុជា ដែលនាំចូលប្រេងឥន្ធនៈ មានដូចជា ក្រុមហ៊ុនតេលា សូគីម៉ិច ប៉ាប៉ា សាវីម៉ិច លឹមឡុង និងក្រុមហ៊ុនមួយចំនួនទៀត។ ចំណែកក្រុមហ៊ុនបរទេស ដែលនាំចូលប្រេងឥន្ធនៈមកស្រុកខ្មែរ រួមមាន ក្រុមហ៊ុនតូតាល់ កាល់តិច និងក្រុមហ៊ុនភីធីធី។ នេះបើតាមការបញ្ជាក់របស់លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្ម។
លោកបានបន្ថែមថា ក្រសួងពាណិជ្ជកម្ម ចេញតម្លៃលក់រាយរៀងរាល់ ១០ថ្ងៃម្តង ដើម្បីឆ្លើយតបឱ្យទាន់និន្នាការនៃការប្រែប្រួលថ្លៃប្រេងឥន្ធនៈនៅលើសកលលោក។
យោងតាមក្រសួងពាណិជ្ជកកម្មចេញប្រកាសកាលពីដើមសប្តាហ៍កន្លងទៅ បានឱ្យដឹងថា តម្លៃប្រេងសាំងធម្មតា នៅកម្ពុជា លក់ក្នុងមួយលីត្រ ៤,២៥០រៀល និងប្រេងម៉ាស៊ូតតម្លៃ ៥,១៥០រៀល។ ដោយតម្លៃនេះ អនុវត្តចាប់ពីថ្ងៃទី ១១ ដល់ថ្ងទី ២០ ខែ តុលា ឆ្នាំ ២០២២៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)