Connect with us

សេដ្ឋកិច្ច

វិស័យអចលនទ្រព្យកម្ពុជាអាចងើបឡើងសន្សឹមៗក្រោយចិនបើកប្រទេសតែអ្នកសេដ្ឋកិច្ចថាវិស័យនេះទុំជោរហើយ

បានផុស

នៅ

អ្នកជំនាញអចលនទ្រព្យមើលឃើញថា វិស័យអចលនទ្រព្យកម្ពុជា នឹងងើបឡើងវិញសន្សឹមៗ ក្រោយពីចិនបើកប្រទេស ដោយក្រុមអ្នកវិនិយោគចូលមកជាថ្មីម្តងទៀត។ តែអ្នកជំនាញសេដ្ឋកិច្ច លើកឡើងថា វិស័យនេះបានទុំជោរ និងឡើង​ដល់​កម្រិតកំពូលហើយ នឹងមិនធ្វើឱ្យមានកំណើនខ្លាំងប៉ុន្មានទៀតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ា សំ សុខនឿន ប្រធានសមាគមអចលនទ្រព្យសកល បានធ្វើការអត្ថាធិប្បាយថា វិស័យអចលនទ្រព្យ​កម្ពុជា រីកចម្រើនកាលពីមុនកើតមានវិបត្តិកូវីដ ដោយសារការហូរចូលនៃវិនិយោគចិន ដែលជំរុញឱ្យវិស័យនេះ​មានការ​កើនឡើងខ្លាំង។ តែមួយរយៈចុងក្រោយ វិស័យអចលនទ្រព្យនៅទ្រឹង​ និងធ្លាក់ចុះនៃការទិញលក់ ដោយសារការ​ថមថយនៃវិនិយោគជនជាតិចិន។

លោកឧកញ៉ា សុខនឿន មើលឃើញថា ក្រោយពីចិនបើកប្រទេសឡើងវិញ បង្ហាញឱ្យឃើញពីសញ្ញាល្អនៃការ​កើនឡើងផ្នែកអចលនទ្រព្យ ប្រើសិនបើចិនចូលមកច្រើន និងធ្វើការវិនិយោគលើវិស័យនេះ នឹងឆាប់ត្រឡប់ទៅ​ស្ថានភាពដូចដើមវិញ។

លោកឧកញ៉ាបន្តដូ​ច្នេះថា«ប្រសិនបើពួកគាត់បន្តមានការវិនិយោគច្រើនដូចមុន នោះសន្ទុះនៃវិស័យអលចនទ្រព្យនឹង​បន្តកើនឡើង តែបើសិនជាមានការបើកច្រកចិនមែនពិត តែចិនមិនមកវិនិយោគ ក៏មិនសង្ឃឹមថា មានប្រតិបត្តិការ​កើនឡើងដែរ»។

លោកឧកញ៉ា បានន្ថែមថា« សម្រាប់ជាមតិខ្ញុំ យើងសម្លឹងមើលថា តើរដ្ឋាភិបាលរបស់យើងមានយុទ្ធសាស្រ្ត គោលនយោបាយបែបណា ដើម្បីទាក់ទាញឱ្យជនជាតិចិនចូលមកវិនិយោគនៅកម្ពុជា»។

ចិនបើកប្រទេសឡើងវិញនេះ នឹងធ្វើឱ្យវិស័យអចលនទ្រព្យកម្ពុជាកម្រើកឡើង ជាពិសេសទៅលើផ្នែកជួល។ នេះជាការលើកឡើងរបស់លោកឧកញ៉ា  ឃាង ពុទ្ធី  ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យ។ លោកឧកញ៉ា ថ្លែងថា ទោះយ៉ាងណាក្នុងកាលៈទេសៈនេះ ទាំងទេសចរ និងវិនិយោគចិននៅមិនទាន់ចេញ​ពីប្រទេស​ខ្លាំងក្លានៅឡើយ ដោយសារកៀកនឹងចូលឆ្នាំចិន។ ប៉ុន្តែចាប់ពីចុងខែ២ ទៅ លោកមានសុទិដ្ឋិនិយមថា នឹងមានកំណើន។

ចំពោះសន្ទុះនៃការងើបឡើងរបស់វិស័យអចលនទ្រព្យ លោកឧកញ៉ា ឃាង ពុទ្ធី ព្យាករថា អាចនឹងត្រូវការពេលរហូត​ដល់ត្រីមាសទី៤ ឬចុងឆ្នាំនេះ ទើបអាចមានស្ថានភាពល្អប្រសើរច្រើន។

«បើទោះបីជាមានវិនិយោគចិនចូលមក ក៏មិនអាចជួយស្រោចស្រង់ស្ថានភាពដែលបានធ្លាក់ចុះ នៃបណ្តាឆ្នាំកន្លងមក បានលឿនដែរ ដូច្នេះត្រូវការពេលវេលា…ពួកគាត់មកជាជំហានដំបូងត្រូវដោះស្រាយ បញ្ហាចាស់ៗដែលបានជាប់គាំង កាលពីអំឡុងកូវីដ ពីរបីឆ្នាំកន្លងមកនេះ»។

បើតាមលោកឧកញ៉ា ឃាង ពុទ្ធី ប្រភេទអចលនទ្រព្យដែលមានតម្រូវការនាពេលនេះ គឺសំដៅដល់ដីឡូតិ៍ធំៗ អាចមានទំហំពី ៤០០ម៉ែត្រការ៉េឡើងទៅ ដូចជា ១៥x២៥, ២០x២០,២០x៣០ ដែលប្រជាជនអាច​ទិញយកទៅ​សាងសង់ផ្ទះរស់នៅផង ឬធ្វើជាឃ្លាំង ជាដើម។ លើសពីនេះទៀត ប្រភេទលំនៅឋានដែលមានតម្លៃក្រោម ១០ម៉ឺនដុល្លារ និងខុនដូមានតម្លៃទាបសមរម្យ ក៏ជាផ្នែកមួយនៃតម្រូវការនាពេលបច្ចុប្បន្នផងដែរ។

ពាក់ព័ន្ធនឹងវិស័យអចលនទ្រព្យនេះ លោកបណ្ឌិត គី សេរីវឌ្ឍន៍ អ្នកជំនាញ​សេដ្ឋកិច្ច​នៃ​រាជបណ្ឌិត​សភា​កម្ពុជា កត់សម្គាល់ឃើញថា ការទុំជោរ និងការឡើងដល់កម្រិតកំពូលនៃវិស័យអចលនទ្រព្យ នឹងមិនធ្វើឱ្យវិស័យនេះ​មានកំណើនខ្ពស់ប៉ុន្មានទៀតនោះទេ នៅឆ្នាំ ២០២៣នេះ។ ដោយលោកលើកឡើងថា«យើងកុំរំពឹងវិស័យនេះតទៅទៀត ដោយចាត់ទុកថា វាជាធាតុមួយថេរ»។ លោក មើលឃើញថា វិស័យនេះ មិនសូវមានឥទ្ធិពលខ្លាំងដូចកាល​ពីប៉ុន្មានឆ្នាំ​មុន ក្នុងការជួយជំរុញកំណើនសេដ្ឋកិច្ចជាតិទៀតឡើយ។

ធនាគារជាតិនៃកម្ពុជា បានព្យាករថា ក្នុងឆ្នាំ ២០២៣នេះ វិស័យសំណង់ និងអចលនទ្រព្យ នឹងបន្តងើបឡើងសន្សឹមៗ ក្នុងអត្រា ១,៧% និង ១,៤% រៀងគ្នា ដែលគាំទ្រដោយកំណើនតម្រូវការក្នុងស្រុក ផ្តោតលើទីផ្សារអចលនទ្រព្យ លំនៅដ្ឋាន​ដែលមានតម្លៃសមរម្យ ខណៈដែលសំណង់ប្រភេទប្រណីតដែលបម្រើដល់តម្រូវការ អនិវេសជន ត្រូវការពេល​វេលា ដើម្បីអាចវិលត្រឡប់ទៅរកស្ថានភាពមុនពេលមានវិបត្តិ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម