សេដ្ឋកិច្ច

ម៉ាឡេស៊ី និងអ៊ូហ្សបេគីស្ថាន ព្រមព្រៀងគ្នាស្វែងរកឱកាសលើកិច្ចសហប្រតិបត្តិការក្នុងវិស័យគីមីឥន្ធនៈ

បានផុស

២ years មុន

នៅ

ថ្ងៃសៅរ៍ ១៨ ឧសភា ២០២៤

ដោយ

នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម (Anwar Ibrahim)និងប្រធានាធិបតីអ៊ូហ្សបេគីស្ថាន លោកស្ហាវកាត់ មឺរហ្ស៊ីយុយេវ(ShavkatMirziyoyev) បានឱ្យដឹងថា ម៉ាឡេស៊ី និងអ៊ូហ្សបេគីស្ថាន បានព្រមព្រៀងគ្នាស្វែងរកឱកាសសម្រាប់កិច្ចសហប្រតិបត្តិការក្នុងវិស័យគីមីឥន្ធនៈ និងដំណោះស្រាយថាមពលបៃតងស្អាត។ នេះបើតាមការចុះផ្សាយរបស់ទីភ្នាក់ងារសារព័ត៌មាន Bernama។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំទាំង២ បានថ្លែងក្នុងសេចក្ដីថ្លែងការណ៍រួមកាលពីថ្ងៃសុក្រថា ភាគីអ៊ូហ្សបេគីស្ថាន បានបង្ហាញចំណាប់អារម្មណ៍យ៉ាងខ្លាំង ក្នុងការសហការជាមួយក្រុមហ៊ុនប្រេងកាតម៉ាឡេស៊ីPETRONAS ជាពិសេសតាមរយៈគម្រោងប្រែមេតាណុលទៅជាអាល់សែន(MTO) និងឧបករណ៍និស្សន្ទវត្ថុ ក៏ដូចជានៅក្នុងការផលិតអ៊ីដ្រូសែនបៃតង និងផលិតផលពាក់ព័ន្ធ រួមទាំងអាម៉ូញាក់បៃតងផងដែរ។

សេចក្តីថ្លែងការណ៍បន្តថា៖ «ភាគីទាំង២ ស្វាគមន៍ការរួមចំណែកដ៏មានសក្តានុពលរបស់ក្រុមហ៊ុនPETRONAS ក្នុងការបណ្តុះបណ្តាលបុគ្គលិកអ៊ូហ្សបេគីស្ថានក្នុងវិស័យប្រេង និងឧស្ម័ន»។

ភាគីអ៊ូហ្សបេគីស្ថាន ក៏បានកត់សម្គាល់ផងដែរថា ម៉ាឡេស៊ីគឺជាមជ្ឈមណ្ឌលហិរញ្ញវត្ថុអ៊ិស្លាមដ៏ធំបំផុតមួយក្នុងពិភពលោក ហើយបានបង្ហាញពីការត្រៀមខ្លួនក្នុងការផ្តល់ជំនួយចាំបាច់ដល់ធនាគារពាណិជ្ជម៉ាឡេស៊ី ក្នុងការចូលរួមយ៉ាងសកម្ម នៅក្នុងទីផ្សារហិរញ្ញវត្ថុរបស់អ៊ូហ្សបេគីស្ថាន ដើម្បីបង្កើតកិច្ចសហប្រតិបត្តិការទៅវិញទៅមក ក្នុងវិស័យហិរញ្ញវត្ថុអ៊ិស្លាមនិយម។

គួរគូសបញ្ជាក់ថា អ៊ូហ្សបេគីស្ថាន គឺជាប្រទេសចុងក្រោយដែលលោក អាន់វ៉ា ឈប់ចូលក្នុងដំណើរទស្សនកិច្ចផ្លូវការរបស់លោកទៅកាន់បណ្ដាប្រទេសអាស៊ីកណ្តាល។ មុននោះ លោកបានធ្វើទស្សនកចិច្ចទៅសាធារណរដ្ឋកៀហ្ស៊ីស៊ីស្ថាន និងកាហ្សាក់ស្ថាន៕

Related Topics:ប្រទេសម៉ាឡេស៊ី ប្រេងឥន្ធនៈ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា