សេដ្ឋកិច្ច
អង្ករវៀតណាម លែងមានតម្លៃថ្លៃជាងគេលើលោកទៀតហើយ
ធ្លាប់តែជាអង្ករមានតម្លៃខ្ពស់បំផុតក្នុងទីផ្សារពិភពលោក ពេលនេះ តម្លៃអង្ករវៀតណាមបានធ្លាក់ចុះមកនៅលេខរៀងទី៦ វិញហើយ។ នេះបើតាមការចុះផ្សាយរបស់សារព័ត៌មាន VN Express កាលពីថ្ងៃសៅរ៍ទី១ខែមិថុនា។
យោងតាមសមាគមស្បៀងអាហារវៀតណាម, អង្ករ៣កំណាត់៥% របស់វៀតណាម មានតម្លៃ៥៧៤ដុល្លារអាមេរិកក្នុងមួយតោន គិតត្រឹមថ្ងៃទី៣០ខែឧសភា។
តម្លៃនេះគឺទាបជាងសហរដ្ឋអាមេរិក ថៃ ប៉ាគីស្ថាន មីយ៉ាន់ម៉ា និងឥណ្ឌា ហើយវាបានធ្លាក់ចុះ ១៣.៥% ពីកម្រិតខ្ពស់ជាប្រវត្តិសាស្ត្រក្នុងខែធ្នូឆ្នាំ២០២៣។
ពាក់ព័ន្ធបញ្ហានេះ ក្រុមហ៊ុននាំចេញអង្ករវៀតណាមនាំគ្នានិយាយថា តម្លៃអង្ករក៏កំពុងធ្លាក់ចុះនៅក្នុងប្រទេសជាច្រើនផងដែរ ហើយនឹងធ្លាក់ចុះទៀតប្រសិនបើឥណ្ឌាបន្តការនាំចេញ។
លើសពីនេះ នាពេលថ្មីៗ ក្រសួងឧស្សាហកម្មនិងពាណិជ្ជកម្ម បានបញ្ជាឲ្យសមាគមស្បៀងអាហារវៀតណាម ពិនិត្យមើលការនាំចេញទៅកាន់ប្រទេសឥណ្ឌូណេស៊ី ដោយព្រមានថា តម្លៃទាបពេកអាចនឹងបំពានលើច្បាប់ប្រកួតប្រជែង។
សូមបញ្ជាក់ ការនាំចេញអង្កររបស់វៀតណាមបានកើនឡើង ៣៤.៨% ស្មើនឹងទឹកប្រាក់ ២.៣ ពាន់លានដុល្លារ ក្នុងរយៈពេល៥ខែដំបូងនៃឆ្នាំ២០២៤ បើធៀបនឹងរយៈពេលដូចគ្នាកាលពីឆ្នាំ២០២៣៕
អត្ថបទ៖ សុខ សុវណ្ណ
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៣ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សេដ្ឋកិច្ច៦ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៤ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច៣ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ
-
ព័ត៌មានអន្ដរជាតិ២ ថ្ងៃ agoណេតាន់យ៉ាហ៊ូ ប្រកាសថា គ្រប់គ្រងដីហ្គាហ្សាបាន ៦០% ហើយត្រៀមលេបយកថែមទៀត