ព័ត៌មានអន្ដរជាតិ
ពន្ធរបស់ ត្រាំ អាចប៉ះពាល់ដល់ការនាំចេញរបស់ថៃទៅអាមេរិក រហូតដល់ ២៥ ភាគរយ
ការនាំចេញរបស់ថៃទៅកាន់សហរដ្ឋអាមេរិក រំពឹងថានឹងរងផលប៉ះពាល់ធ្ងន់ធ្ងរជាងគេបំផុតនៅតំបន់អាស៊ីអាគ្នេយ៍ ដោយសារតែគោលនយោបាយពន្ធរបស់ប្រធានាធិបតីជាប់ឆ្នោត លោក ដូណាល់ ត្រាំ ព្រោះថៃមានចំណែកដ៏សំខាន់លើពាណិជ្ជកម្មជាមួយអាមេរិក។ នេះបើតាមការចុះផ្សាយរបស់កាសែតបាងកកប៉ុស្តិ៍ ដែលស្រង់របាយការណ៍ស្រាវជ្រាវថ្មីមួយ។
ទីភ្នាក់ងារស្រាវជ្រាវរបស់ធនាគារ TMBThanachart (ttb) បានលើកឡើងថា នៅពេលលោក ត្រាំ ស្បថចូលកាន់តំណែងជាប្រធានាធិបតី គេរំពឹងថាអាមេរិកនឹងដាក់ចេញនូវគោលនយោបាយតឹងរ៉ឹងជាច្រើន រួមទាំងការដំឡើងពន្ធនាំចូលផងដែរ។ ក្រោមសេណារីយ៉ូនេះ វាអាចនឹងប៉ះពាល់រហូតដល់ ២៥ ភាគរយ នៃការនាំចេញសរុបរបស់ថៃទៅកាន់សហរដ្ឋអាមេរិក។
ការវិភាគរបស់ ttb បានបង្ហាញថា ក្រោមអាណត្តិថ្មីរបស់លោក ត្រាំ អាមេរិកអាចនឹងបង្កើនពន្ធនាំចូលពីប្រទេសផ្សេងៗជុំវិញពិភពលោក ដល់ប្រហែល ២០ ភាគរយ ដោយកើនឡើងពីជាអត្រា៣ ភាគរយ មុនវិបត្តិកូវីដ។ ពន្ធលើទំនិញចិនអាចកើនឡើងខ្លាំងជាងនេះ ដោយឈានដល់ ៦០ ភាករយ ធៀបនឹងអត្រា ២១ ភាគរយ កាលពីលើកមុន។
សហរដ្ឋអាមេរិក គឺជាដៃគូពាណិជ្ជកម្មកំពូលរបស់ថៃ ដោយនៅឆ្នាំ ២០២៣ ការនាំចេញរបស់ថៃទៅកាន់សហរដ្ឋអាមេរិកមានចំនួន ៤៧,៩ ប៊ីលានដុល្លារ ឬស្មើនឹង ១៧,១ ភាគរយ នៃការនាំចេញសរុបរបស់ថៃ។
របាយការណ៍វិភាគដដែលបានលើកឡើងថា៖ «ឧបករណ៍អេឡិចត្រូនិក និងឧបករណ៍ទំនាក់ទំនង ដែលផ្សាភ្ជាប់យ៉ាងជិតស្និទ្ធទៅនឹងខ្សែសង្វាក់ផ្គត់ផ្គង់របស់ចិន រំពឹងថានឹងទទួលរងផលប៉ះពាល់យ៉ាងខ្លាំង។ ទំនិញទាំងនេះ រួមចំណែកប្រហែល ២៥ ភាគរយ នៃការនាំចេញរបស់ថៃទៅកាន់សហរដ្ឋអាមេរិក ឬ ៤,៣ ភាគរយ នៃការនាំចេញសរុបរបស់ថៃ»។ ផលិតផលសំខាន់ៗដូចជាបន្ទះស្រូបពន្លឺព្រះអាទិត្យ ដែលថៃជាអ្នកផ្គត់ផ្គង់ធំជាងគេទី២សម្រាប់សហរដ្ឋអាមេរិក មានភាពងាយរងគ្រោះជាងគេ។
លើសពីនេះ បញ្ហាប្រឈមផ្នែកសេដ្ឋកិច្ច និងគោលនយោបាយពាណិជ្ជកម្មរបស់ថៃ ទំនងជាធ្វើឱ្យដំណើរការនាំចេញរបស់ខ្លួនធ្លាក់ចុះ ចំពេលកំណើនហានិភ័យភូមិសាស្ត្រនយោបាយ និងភាពតានតឹងពាណិជ្ជកម្មរវាងសហរដ្ឋអាមេរិក និងចិន។ ទំនិញចិន ដែលរងពន្ធរបស់អាមេរិក ក៏រំពឹងថា នឹងជន់លិចទីផ្សារថៃ ដោយធ្វើឱ្យរំខានដល់ផលិតកម្មក្នុងស្រុក និងការនាំចេញ។
ដើម្បីដោះស្រាយបញ្ហាប្រឈមសម្រាប់វិស័យនាំចេញ អ្នកស្រាវជ្រាវរបស់ ttb បានណែនាំរដ្ឋាភិបាលថៃឱ្យចរចាជាបន្ទាន់ជាមួយរដ្ឋបាល ត្រាំ ដើម្បីកាត់បន្ថយផលប៉ះពាល់អវិជ្ជមាន និងពន្លឿនការចរចាកិច្ចព្រមព្រៀងពាណិជ្ជកម្ម (FTA) ផ្សេងៗ ដើម្បីឱ្យបានដូចវៀតណាម ដែលមាន FTA ជាមួយប្រទេសជាច្រើន ដើម្បីជាគោលដៅទីផ្សារជំនួស ។ គោលនយោបាយដែលមានគោលបំណងជួយដល់វិស័យឯកជន មានសារៈសំខាន់ក្នុងការលើកកម្ពស់ការប្រកួតប្រជែង និងទាក់ទាញការវិនិយោគផ្ទាល់ពីបរទេស៕
រយៈពេល១០ឆ្នាំ សម្តេចតេជោ និងភរិយា សង់ផ្ទះជិត១០០០ខ្នង ជូនអតីតយុទ្ធជនក្នុងខេត្តពោធិ៍សាត់
ក្រសួងការងារពង្រឹងវិធានការអធិការកិច្ចការងារលើ សហគ្រាស គ្រឹះស្ថាន ដើម្បីធានាបាននូវអនុវត្តការបើកផ្តល់ប្រាក់ឈ្នួល និងអត្ថប្រយោជន៍សម្រាប់កម្មករនិយោជិត
សន្ទស្សន៍ទំនុកចិត្តឧស្សាហកម្មថៃ ធ្លាក់ចុះក្នុងខែធ្នូ ដោយកម្សោយតម្រូវការក្នុងស្រុក
ស្នងការរាជធានី៖ កំណាត់ផ្លូវ៦០ម៉ែត្រនឹងត្រូវចាប់ល្បឿនកំណត់ពីពេលនេះតទៅ
តើរាជរដ្ឋាភិបាលកម្ពុជាបានគិតគូ និងដាក់ចេញវិធានការអ្វីខ្លះលើបញ្ហាកសិផល ពិសេសតម្លៃស្រូវ?
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
មិនដល់មួយខែផង ភ្នំភ្លើង Ibu នៅឥណ្ឌូណេស៊ី ផ្ទុះជាង ១ ០០០ដងហើយ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៣ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម៥ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ចរាចរណ៍១០ ម៉ោង agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
កីឡា៤ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤