សេដ្ឋកិច្ច

CDC គ្រោងអនុម័តលើគម្រោងវិនិយោគធំៗ៧ មានទុនសរុបប្រមាណ ២៤៨ លានដុល្លារ

បានផុស

១ year មុន

នៅ

ថ្ងៃពុធ ១២ មីនា ២០២៥

ដោយ

ក្រុមប្រឹក្សាអភិវឌ្ឍន៍កម្ពុជា (CDC) គ្រោងចុះបញ្ជីគម្រោងវិនិយោគធំៗចំនួន ៧ គម្រោង មានទុនវិនិយោគសរុបប្រមាណ ២៤៨ លានដុល្លារអាមេរិកនាពេលខាងមុខនេះ ដែលអាចបង្កើតឱកាសការងារបានចំនួន ២,៦ ពាន់ កន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា វុទ្ធី អគ្គលេខាធិការគណៈ កម្មាធិការវិនិយោគកម្ពុជា បានឱ្យដឹងនៅថ្ងៃទី១២ ខែមីនា នេះ ក្នុង“កិច្ចប្រជុំច្រកចេញ-ចូលតែមួយ” លើកទី៤ ថា គម្រោងវិនិយោគទាំង ៧ ដែលមានតម្លៃសរុបប្រមាណ ២៤៨ លានដុល្លារនេះនិងមានមុខសញ្ញាវិនិយោគក្នុងវិស័យឧស្សាហកម្មចំនួន ៤ គម្រោង គឺ ផលិតថ្មម៉ាប, ផលិតពិល, កែច្នៃស្បែក, និងផលិតប្រដាប់ប្រដារ និងគ្រឿងសង្ហារិមក្មេង។

បន្ថែមពីនេះ ក៏នៅមានក្នុងវិស័យហេដ្ឋារចនាសម្ព័ន្ធចំនួន ៣ គម្រោង គឺគម្រោងអភិវឌ្ឍន៍ស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព ២០ មេហ្គាវ៉ាត់ ជាមួយប្រព័ន្ធផ្ទុកថាមពលអគ្គិសនីខេត្តពោធិ៍សាត់, គម្រោងអភិវឌ្ឍន៍ស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព ៣០០ មេហ្គាវ៉ាត់ និងគម្រោងបង្កើតផែស្ងួតផងដែរ។