ព័ត៌មានអន្ដរជាតិ

តម្លៃប្រេងអន្តរជាតិប្រចាំសប្ដាហ៍ធ្លាក់ចុះ ដោយសារកង្វល់ពន្ធ និងកំណើនផ្គត់ផ្គង់

បានផុស

១ year មុន

នៅ

ថ្ងៃសៅរ៍ ២៦ មេសា ២០២៥

ដោយ

តម្លៃប្រេងបានកើនឡើងតិចតួចនៅពេលបញ្ចប់ការជួញដូរកាលពីថ្ងៃសុក្រ ហើយបានធ្លាក់ចុះក្នុងអត្រាតម្លៃប្រចាំសប្ដាហ៍ ដោយសារតែកង្វល់លើពន្ធគយ និងកំណើននៃការផ្គត់ផ្គង់។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃប្រេងឆៅនាពេលអនាគត ម៉ាក Brent បានកើនឡើង ៣២ សេន ដោយបញ្ចប់ការជួញដូរនៅ ៦៦,៨៧ ដុល្លារ/បារ៉ែល ប៉ុន្តែធ្លាក់ចុះ ១,៦ ភាគរយ ក្នុងអត្រាប្រចាំសប្ដាហ៍។ ប្រេងឆៅរបស់អាមេរិក ម៉ាក West Texas Intermediate (WTI) បានកើនឡើង ២៣ សេន ដល់ ៦៣,០២ ដុល្លារ/បារ៉ែល ប៉ុន្តែធ្លាក់ចុះ ២,៦ ភាគរយ ក្នុងអត្រាប្រចាំសប្ដាហ៍។

កាលពីថ្ងៃសុក្រ មានសេចក្ដីរាយការណ៍ថា ចិនលើកលែងការដំឡើងពន្ធលើមុខទំនិញរបស់អាមេរិកមួយចំនួន ដែលជាសញ្ញាបង្ហាញថា សង្រ្គាមពាណិជ្ជកម្មនឹងថយចុះកម្ដៅ។ ប៉ុន្តែចិនបានច្រានចោលការអះអាងពីវឌ្ឍនភាពនៃកិច្ចចរចារវាងប្រទេសទាំង២ ដែលធ្វើឱ្យស្ថានភាពទីផ្សារបន្តក្នុងភាពស្រពិចស្រពិល ពោលគឺកង្វល់លើបញ្ហាសេដ្ឋកិច្ចនៅតែមាន។

ការធ្លាក់ចុះតម្លៃប្រេងប្រចាំសប្ដាហ៍ ក៏រួមចំណែកផងដែរពីការបង្កើនផលិតកម្មប្រេងរបស់អង្គការនៃប្រទេសនាំចេញប្រេងកាត (OPEC) ចាប់ពីខែមិថុនា តទៅ៕