ព័ត៌មានជាតិ

រដ្ឋ និងឯកជន សហការរួមគ្នា ដើម្បីធ្វើឱ្យប្រសើរឡើងវិស័យភស្តុភារកម្ម

បានផុស

១០ ខែ មុន

នៅ

ថ្ងៃអង្គារ ២៩ កក្កដា ២០២៥

ដោយ

អគ្គនាយកដ្ឋានគយ និងរដ្ឋាករកម្ពុជា និងសមាគមភស្តុភារកម្មកម្ពុជា បានចុះអនុស្សរណៈ(MOU) រួមគ្នាមួយ ស្តីពីកិច្ចសហការលើការផ្លាស់ប្តូរព័ត៌មានលើទំនិញនាំចេញ-នាំចូល, ឆ្លងកាត់ និងផ្ទេរមធ្យោបាយដឹកជញ្ជូន សំដៅធ្វើឱ្យប្រសើរឡើងនូវវិស័យភស្តុភារកម្ម ស្របតាមស្ថានភាពនៃសមាហរណកម្មសេដ្ឋកិច្ចទាំងក្នុងតំបន់ និងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចបាននៃការចុះ MoU នេះធ្វើឡើងកាលពីសប្តាហ៍មុននេះ ដែលនៅក្នុងឱកាសនោះ លោក ហាក់ លាងហ៊ ប្រធានសមាគមភស្តុភារកម្មកម្ពុជាអរគុណចំពោះអគ្គនាយកដ្ឋានគយ និងរដ្ឋាករកម្ពុជា ដែលបានផ្ដល់ការគាំទ្រដល់វិស័យឯកជន ក៏ដូចជាដែលបានធ្វើទំនើបកម្ម និងសាមញ្ញកម្មនីតិវិធីគយជាបន្តបន្ទាប់ និងបានប្ដេជ្ញាចូលរួមជាមួយរាជរដ្ឋាភិបាល ជាពិសេសអគ្គនាយកដ្ឋានគយ ក្នុងការធ្វើឱ្យប្រសើរឡើងវិស័យឡូជីស្ទិកនៅកម្ពុជាតាមរយៈការលើកកម្ពស់ស្តង់ដារវិជ្ជាជីវៈ សុចរិតភាព និងគុណភាពសេវា។

លោកបានអះអាងថា «ការចុះហត្ថលេខាលើអនុស្សរណៈនៃការយោគយល់គ្នា រវាងអគ្គនាយកដ្ឋានគយ និងសមាគមភស្ដុភារកម្មកម្ពុជានេះ ឆ្លុះបញ្ចាំងពីការប្តេជ្ញាចិត្តរួមក្នុងការធ្វើកំណែទម្រង់ ភាពជាដៃគូ និងការកសាងប្រព័ន្ធអេកូឡូជីស្ទីកឱ្យកាន់តែមានភាពប្រកួតប្រជែង ស្របតាមស្ថានភាពនៃសមាហរណកម្មសេដ្ឋកិច្ចក្នុងតំបន់ និងពាណិជ្ជកម្មពិភពលោក។

ដដែលនោះ លោក គុណ ញឹម រដ្ឋមន្រ្តីប្រតិភូអមនាយករដ្ឋមន្រ្តី អគ្គនាយកនៃអគ្គនាយកដ្ឋានគយ និងរដ្ឋាករវកម្ពុជា បានគូសបញ្ជាក់ថា ការចុះ MOU នាឱកាសនេះ គឺជាវឌ្ឍនភាពថ្មីមួយទៀតក្នុងការពង្រីកកិច្ចសហប្រតិបត្តិការជាមួយវិស័យឯកជន ដើម្បីលើកកម្ពស់កិច្ចសម្រួលពាណិជ្ជកម្ម ពង្រឹងអនុលោមភាពច្បាប់ កែលម្អបរិយាកាសធុរកិច្ច និងវិនិយោគនៅកម្ពុជា ក្នុងការអភិវឌ្ឍសេដ្ឋកិច្ចជាតិ តាមរយៈការធ្វើឱ្យប្រសើរឡើងនូវវិស័យភស្តុភារកម្ម។

គួរបញ្ជាក់ផងដែរថា កន្លងមក អគ្គនាយកដ្ឋានគយ និងរដ្ឋាករកម្ពុជា ធ្លាប់បានចុះអនុស្សរណៈនៃការយោគយល់គ្នាជាមួយស្ថាប័ន ឬក្រុមហ៊ុនមួយចំនួន ដូចជា សមាគមអេឡិចត្រូនិចនិងបច្ចេកវិទ្យាកម្ពុជា (CETA), ក្រុមហ៊ុន Chipmong Insee Cement Corporation, ក្រុមហ៊ុន DHL EXPRESS (CAMBODIA) និងជាពិសេសគឺ MOU ជាមួយប្រៃសណីយ៍កម្ពុជាលើកិច្ចសហការផ្លាស់ប្តូរព័ត៌មានកញ្ចប់បញ្ញើប្រៃសណីយ៍ សំដៅផ្ដល់កិច្ចសម្រួលបន្ថែមទៀត ក៏ដូចជាលើកកម្ពស់អនុលោមភាពនៃការបំពេញបែបបទបញ្ចេញទំនិញពីគយ៕

ព័ត៌មានអន្ដរជាតិ១២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៣ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ១ សប្តាហ៍ ago

រដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា