កម្ពុជាអនុម័តគម្រោងវិនិយោគចំនួន ៤៤០ មានទឹកប្រាក់ ៦,៧ ពាន់លានដុល្លារ ក្នុងរយៈពេល ៧ ខែ

គិតចាប់ពីខែមករា ដល់ខែកក្កដា ឆ្នាំ ២០២៥ ក្រុមប្រឹក្សាអភិវឌ្ឍន៍កម្ពុជា បានអនុម័ត​គម្រោង​វិនិ​យោគ​ចំនួន ៤៤០ គម្រោង ដែលមានទំហំទុនវិនិយោគចំនួនប្រមាណ ៦,៧ ពាន់លាន​ដុល្លារ កើនឡើង ៨៤% ធៀបនឹងរយៈពេលដូចគ្នាក្នុងឆ្នាំ ២០២៤។ នេះបើយោងតាមសេចក្ដីប្រកាស​ព័ត៌មាន​របស់ក្រុមប្រឹក្សាអភិវឌ្ឍន៍កម្ពុជា (CDC)។

សេចក្ដីប្រកាសព័ត៌មានរបស់ CDC បញ្ជាក់ថា គ្រាន់តែក្នុងខែកក្កដា ឆ្នាំ ២០២៥ គម្រោងចំនួន ៦៧ ដែលមានទុនជិត ១ ពាន់លានដុល្លារ (៩៤៤) ត្រូវបានអនុម័ត និងអាចបង្កើតការងារបាន ៥៧ ពាន់កន្លែង។

ឧបនាយករដ្ឋមន្រ្តី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា មានប្រសាសន៍ថា គម្រោងទាំងជាង ៤០០ គម្រោង អាចបង្កើតកាងារជាង ៣០ ម៉ឺនកន្លែងដែលភាគច្រើនលើវិស័យឧស្សាហកម្មរោងចក្រប្រមាណ ៩០%។

លោកឧបនាយករដ្ឋមន្ត្រី ស៊ុន ចាន់ថុល រំពឹងថា កម្ពុជារំពឹងទទួលបានគម្រោងវិនិយោគជាង ៥០០ នៅក្នុងឆ្នាំ ២០២៥ ដែលនឹងអាចបង្កើនការងារជាង ៣០ ម៉ឺនកន្លែង៕