សឿ សុធារ៉ា បកស្រាយរឿងលុយតុងទីន និងទម្លាយឈ្មោះតារាកំប្លែងល្បី២រូបដែលជំពាក់លុយខ្លួន

តារាសម្តែង អ្នកនាង សឿ សុធារ៉ា ថ្មីៗនេះបានផ្ទុះនូវរឿងរ៉ាវដ៏រសើប បន្ទាប់មានការទម្លាយថា នាងជំពាក់លុយតុងទីនគេមិនសង។ មិនត្រឹមតែប៉ុណ្ណោះថែមទាំងព្យាយាមគេចវេសមិនតប និងខលទូរស័ព្ទមិនលើកទៀតផង។

ជុំវិញដំណឹងដ៏ភ្ញាក់ផ្អើលនេះដែរ កន្លងមកសាមីខ្លួន អ្នកនាង សឿ សុធារ៉ា ពុំមានប្រតិកម្ម ឬឆ្លើយតបអ្វីឡើយ។ ប៉ុន្តែពេលនេះដើម្បីស្រាយមន្ទិលមហាជន និងអ្នកគាំទ្រ តារាស្រី សឿ សុធារ៉ា បានចេញមុខបកស្រាយ និងថែមទាំងទម្លាយឈ្មោះតារាកំប្លែង ២រូបដែលជាប់ពាក់ព័ន្ធក្នុងរឿងនេះផងដែរ។

អ្នកនាង សឿ សុធារ៉ា បានបញ្ជាក់ថា ដោយសារតែរឿងលុយតុងទីន ៨៤៤ ដុល្លារ ទើបធ្វើឲ្យនាងត្រូវរងភាពអាម៉ាសព្រោះតែភាគីម្ខាងទៀតគេមិនយល់ (កូនតុងទីន)។ នាងបន្តថា អំឡុងនេះខ្លួនក៏កំពុងរងគ្រោះដោយសារតែកូនៗតុងទីនដេញយកលុយទៅអស់ រួចមិនព្រមសងមកវិញ ដោយគ្មានទំនូលខុសត្រូវ រហូតមានការចុះផ្សាយព័ត៌មានជាហូហែរ។

សឿ សុធារ៉ា និយាយទៀតថា ព្រោះតែហេតុផលនេះហើយ ទើបធ្វើឲ្យនាងលំបាកខ្លាំង រហូតឈានដល់ការយកប្លង់ផ្ទះដែលជាជម្រកចុងក្រោយសម្រាប់កូនៗទៅដាក់បញ្ជាំដើម្បីដោះស្រាយឲ្យកូនតុងទីនផ្សេងទៀត។ បន្ថែមពីលើនេះដែរ នាងក៏បានបញ្ចេញឈ្មោះតារាកំប្លែង ២រូបដែលជំពាក់លុយមិនព្រមសងដែលរួមមាន ១.តារាកំប្លែងអ្នក នាង ស្រេង សុកាន់ដា ហៅ ខ្ញុង ជំពាក់ប្រាក់ចំនួន ១០៨៦០ ដុល្លារ និង ២. អតីតតារាកំប្លែង ជួន ចាន់រតនា ហៅ ស្រីអយ ជំពាក់លុយចំនួន ៩៥២០ ដុល្លារ។

ទន្ទឹមគ្នានេះអ្នកនាង សឿ សុធារ៉ា ក៏បានស្នើរឲ្យតារាកំប្លែងទាំង ២រូបចេញមុខដោះបំណុលខ្លួនផងដែរ៕

អត្ថបទ៖ ចាន់រ៉ា

ចុចអាន៖ បាន មុន្នីល័ក្ខ ចេញមកនិយាយចំៗរឿងអ្នកបើកឡានពេទ្យមួយចំនួន ក្រោយជួបហេតុការណ៍នេះ