ជីវិតកម្សាន្ដ

ដេននី ក្វាន់ ប្រកាសឲ្យអតីតគូស្នេហ៍ចេញមុខដោះ ស្រាយរឿងលុយជាង១០ម៉ឺនដុល្លារ

បានផុស

៣ years មុន

នៅ

ថ្ងៃពុធ ២៩ ធ្នូ ២០២១

ដោយ

ភ្នំពេញ ៖ តារាសម្តែងចូលចិត្តការតែងខ្លួនសិចស៊ីដេននី ក្វាន់ បានធ្វើការប្រកាសជាសាធារណៈដោយឲ្យអតីតគូស្នេហ៍គឺលោក ចាន់ មករា ត្រូវចេញមុខដោះស្រាយរឿងលុយជាង១០ម៉ឺនដុល្លារពាក់ព័ន្ធការទិញរថយន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះរបស់តារាស្រី ដេននី ក្វាន់បានរៀបរាប់ថា ស្គាល់មុខតែមិនស្គាល់ចិត្តការគេចខ្លួនមិនមែនជាដំណោះស្រាយល្អទេ ឆាប់ចេញមុខមកដោះស្រាយមកទាន់រឿងមិនទាន់ផ្ទុះខ្លាំង។ សូមលោកចាន់ មករា (Chann Makara)ចេញមុខមកដោះស្រាយរឿងបោកលុយជាងដប់ម៉ឺនដុល្លារដែលជាលុយសុទ្ធគេចខ្លួនធ្វើអី? ឆាប់ចេញមុខមកដោះស្រាយមកកុំឲ្យមានរឿងល្បីអីទុកកិត្តិយសលោកឯងរកស៊ីទៅថ្ងៃក្រោយផង ខ្ញុំទុកពេលឲ្យច្រើនថ្ងៃហើយ។

ដេននី ក្វាន់ បន្តទៀតថា ខ្ញុំនឹងឡាយនិយាយពីជនបោកប្រាស់ម្នាក់នេះចង់ដឹងថា ល្បិចកលសាហាវយ៉ាងណានោះបងប្អូននឹងបានដឹងហើយស្ទើរតែមិនជឿថា សាហាវដល់ថ្នាក់ហ្នឹងស្គាល់មុខតែមិនស្គាល់ចិត្ត។ សាហាវពេកហើយបោកលុយពុកម៉ែខ្ញុំបោកលុយបងស្រីខ្ញុំ២នាក់ បោកលុយប្អូនប្រុសខ្ញុំ បោកលុយខ្ញុំ និយាយឲ្យចំបោកមួយពូជ។

តារាស្រីរូបនេះបន្ថែមថា ទិញឡានតម្លៃជាង១០ម៉ឺនដុល្លារជិះសុខៗគេមកដកហូតឡាននឹងថា ជារបស់គេដល់មើលឯកសារក្លែងក្លាយទាំងអស់ទាំងដែលទិញលុយសុទ្ធមិនខ្វះមួយរៀលសាហាវណាស់Chann Makara ឃ្លាំងCMR។ ទាក់ទងនឹងរឿងរ៉ាវនេះដែរ គេមិនទាន់ឃើញមានប្រតិកម្មណាមួយពីលោក ចាន់ មករា ដែលជាអតីតគូស្នេហ៍ ដេននី ក្វាន់ទេ ខណៈកម្ពុជាថ្មីនៅរសៀលថ្ងៃទី២៩ខែធ្នូឆ្នាំ២០២១នេះមិនអាចស្វែងរកការបំភ្លឺពីលោក ចាន់ មករា បាននៅឡើយទេ៕

ដោយ ៖ ចាន់រ៉ា