ជីវិតកម្សាន្ដ
រាជនីប៉ុបអាមេរិក៨រូបលេចធ្លោខ្លាំងក្នុងព្រឹត្តិការណ៍កីឡា Super Bowl
ការប្រកួតកីឡារបស់សហរដ្ឋអាមេរិក Super Bowl បានចាប់ផ្តើមបើកទំព័រប្រវត្តិសាស្ត្រជាថ្មីនៅយប់ថ្ងៃសៅរ៍ ទី១៣ ខែកុម្ភៈជាព្រឹត្តិការណ៍កីឡាធំបំផុតប្រចាំឆ្នាំដែលទទួលបានការចាប់អារម្មណ៍ខ្លាំងអំពីការសម្តែងបើកឆាក។
សម្រាប់ការសម្តែងដ៏អស្ចារ្យបើកឆាកព្រឹត្តិការណ៍ឆ្នាំនេះក៏មិនខុសពីឆ្នាំរាល់ដែរគឺប្រជុំដោយកំពូលតារាចម្រៀងល្បីៗរបស់សហរដ្ឋអាមេរិកមានដូចជា Snoop Dogg, Eminem, Dr Dre, Kendrick Lemar, Mary J Blige, Sean Forbes និង Warren Snipe ជាដើម។
តារាស្រីដែលសម្តែងទទួលបានការចាប់អារម្មណ៍ខ្លាំងបំផុតពីអតីតកាលក្នុងនោះមានកំពូលតារាចម្រៀងជាច្រើនដែលបង្ហាញដូចខាងក្រោម៖
• តារាចម្រៀង Britney Spears
រាជនីប៉ុប Britney Spears បានសម្តែងលើឆាករ៉ុកដ៏អស្ចារ្យនេះកាលពីឆ្នាំ២០០១នៅពេលដែលនាងសម្តែងលើឆាកជាមួយឡូហ្គោ Aerosmith។ តារាស្រីនេះបានពាក់អាវខ្លីពាក់កណ្តាលពោះ និងមានឡូហ្គោ Aerosmith ព្រមជាមួយនឹងខោពណ៌សបង្ហាញរាងទាក់ភ្នែកខ្លាំងមែនទែន។
• តារាចម្រៀង Madonna និង Nicki Minaj
គ្មានអ្វីភ្ញាក់ផ្អើលទេនៅពេលកំពូលតារាចាស់វស្សា Madonna សម្តែងលើឆាកព្រឹត្តិការណ៍កីឡា Super Bowl កាលពីឆ្នាំ២០១២ ទទួលបានការចាប់អារម្មណ៍ខ្លាំងទស្សនិកជន។ កេរ្តិ៍ឈ្មោះល្បីទូទាំងពិភពលោករាប់ឆ្នាំមកហើយ Madonna បានស្លៀកឈុតពណ៌ខ្មៅដែលរំលេចដោយរចនាជាកម្រង និងខ្សែក្រវាត់ប្រៀបដូចជាគ្រឿងលំអព្រះនាងម្ចាស់ ឬអ្នកចម្បាំងជាមួយនឹងគ្រឿងពេជ្រចាំងផ្លែកៗពិតជាស្រស់ស្អាតគ្មានគូប្រៀប។
ជាមួយគ្នានេះ ដៃគូរបស់ Madonna គឺតារាស្រី Nicki Minaj ស្លៀកឈុតរ៉ូបខ្លីមានអក្សរ N នៅលើទ្រូង និងទម្លាក់រំផាយខ្លីត្រឹមភ្លៅមើលទៅកាច ស៊ិកស៊ី ម៉ូដសក់ពណ៌ស បូកពីលើដោយគ្រឿងអលង្កាបែបព្រះនាងម្ចាស់ពិតជាពិសេសប្លែក។
• តារាចម្រៀង Beyonce
កំពូលតារាចម្រៀង Beyonce បានសម្តែងក្នុងព្រឹត្តិការណ៍ Super Bowl ពីរដង។ ការសម្តែងលើកដំបូងនៅឆ្នាំ២០១៣ តារាស្រីរូបនេះលេងឈុតចំហទ្រូងពណ៌ខ្មៅអូសបន្លាយជាប់ក្រោមប្រៀបដូចជាឈុតក្នុងជាប់ដងខ្លួន។ មិនត្រឹមតែប៉ុណ្ណោះ ឈុតនេះមានរចនាក្បាច់ជុំវិញចង្កេះឃើញសាច់មើលទៅពិតស្រស់ស្អាត និងស៊ិចស៊ីខ្លាំង។
• តារាចម្រៀង Katy Perry
វត្តមានរបស់ Katy Perry នៅព្រឹត្តិការណ៍ Super Bowl កាលពីឆ្នាំ២០១៥គឺជាការចងចាំនូវហេតុផលមួយចំនួនរាប់ចាប់តាំងពីសំលៀកបំពាក់ និងក្បាច់រាំដែលទាក់ភ្នែកមហាជន។ ល្បីខាងប្រើឈុតលេងពណ៌លេចធ្លោ Katy ស្លៀកបំពត់ខ្លីរំលេចដោយឈ្នួតពណ៌ក្រហម ស លឿង និងខៀវជាដើម។ ស្របពេលជាមួយគ្នានេះ អាវកាក់លេចធ្លោបង្ហាញកូនភ្នំទាំងគូដែលរំលេចពណ៌ដូចសំពត់ដែរ។
• តារាចម្រៀង Lady Gaga
រាជនីលេងខ្លួន Lady Gaga បង្ហាញខ្លួនឆាកឆ្នាំ២០១៧ជាមួយនឹងសំឡេងហ៊ោ ទះដៃ និងអបអរសាទរពេញកីឡដ្ឋាន នៅពេលនាងបង្ហាញខ្លួន។ នរណាៗក៏ចាប់អារម្មណ៍ នៅពេលតារាស្រីរូបនេះឈ្លៀកខ្លីស្ទើរតែដូចលីអូរំលេចដោយអង្កាំហាប់ណែនជាប់សាច់ ខណៈក្រោមភ្លៅស្បៃក្រឡាបួនជ្រុង។ ជាមួយនឹងការបង្ហាញក្បាលពោះមើលឃើញសាច់ទ្រលុកទ្រលន់ នាងពាក់អាវកាក់ពណ៌សមានដៃចេញជាស្រទាប់ផ្ការំលេចដោយគ្រាប់ពេជ្រចាំងផ្លែកៗ។
• តារាចម្រៀង Shakira និង Jennifer Lopez
រាជនីប៉ុប Shakira និងកំពូលតារាចាស់វស្សា Jennifer Lopez មានវត្តមានរួមគ្នាក្នុងព្រឹត្តិការណ៍ Super Bowl នៅពេលអ្នកទាំងពីរសម្តែងកាលពីឆ្នាំ២០២០។ ត្រូវនឹងកាយវិការម្ញិកម្ញក់ ទឹកមុខញញឹមប្រិមប្រិយ តារាស្រីពូកែក្រឡេងចង្កេះ Shakira ស្លៀកសំពត់ខ្លីផាយ និងអាវកាក់ឃើញក្បាលពោះបង្ហាញសាច់សខ្ចីមើលទៅទាក់ភ្នែកខ្លាំងស្ទើរគ្មានអ្នកធ្វៀដូចឡើយសម្រាប់ការបកស្រាយបទ Waka, Waka ដ៏ល្បីរបស់នាង។
ងាកទៅតារាស្រីជើងចាស់ Lopez វិញក៏មិនចោលពីរបៀបនៃការតុបតែងខ្លួនកាចលាយឡំភាពស៊ិចស៊ី ជាមួយនឹងក្រណាត់អូសវែងអន្លាយពីក្រោយ និងសក់សំពោងគួបផ្សំនឹងកាន់បង្គោលបង្វិលខ្លួនគឺពិតជានិម្មិតរូបផ្ទាល់ខ្លួននាងតាំងពីយូរណាស់មកហើយ៕
ប្រែសម្រួល៖ វីរបុត្រ
ប្រភព៖ Dailystar
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ