ជីវិតកម្សាន្ដ

ថ្ងៃមង្គលការ ទឹម រដ្ឋា សិល្បករ-សិល្បការិនីចូលរួម អបអរនិងជូនពរគ្រប់គ្នា

បានផុស

៣ years មុន

នៅ

ថ្ងៃសៅរ៍ ២៦ មីនា ២០២២

ដោយ

ភ្នំពេញ ៖ ទីបំផុតតារាសម្តែងនិងម៉ូឌែល ទឹម រដ្ឋានៅ ថ្ងៃទី២៦ខែមីនាឆ្នាំ២០២២នេះបានសម្រេចក្តីសុបិនរបស់ខ្លួនតាមរយៈការចូលរោងជ័យជាផ្លូវការជាមួយអនាគតស្វាមីជនជាតិបរទេសបន្ទាប់ពីសាងសម្ព័ន្ធភាពស្នេហ៍យូរឆ្នាំមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កត់សម្គាល់នៅក្នុងថ្ងៃសិរីមង្គលរបស់កូនក្រមុំដែលជាតារាសម្តែងស្រី ទឹម រដ្ឋា និងកូនកំលោះរូបសង្ហាវ័យប្រហែលគ្នានេះបើចាប់អារម្មណ៍ទៅមើលទិដ្ឋភាពនាព្រឹកនេះគេឃើញមានការរៀបចំតុបតែងកម្មវិធីឡើងយ៉ាងស្រស់ស្អាត។ ខណៈកម្មវិធីនេះនឹងធ្វើទៅតាមការណែនាំរបស់ក្រសួងសុខាភិបាលសុខាភិបាលដើម្បីចូលរួមទប់ស្កាត់ជំងឺកូវីដ-១៩។

រឿងដែលគេកាន់តែចាប់អារម្មណ៍ថែមទៀតនោះក្នុងកម្មវិធីមង្គលការស្រីស្រស់ ទឹម រដ្ឋា នេះដែរគេក៏ បានឃើញវត្តមានរបស់បងប្អូនសាច់ញាតិទាំងស ងនិងអ្នកសិល្បៈល្បីៗមួយចំនួនធំចូលរួមអបអរផងដែរ។ កាន់តែពិសេសក៏មានការជួនពរពីសំណាក់អ្នកគាំទ្រជាច្រើនផងដែរ។

តាមរយៈនេះមានអ្នកគាំទ្រនិងមហាជនជាច្រើនបានផ្ញើសារចូលរួមអបអរនិងជួនពរថ្ងៃជោគថ្ងៃជ័យដែលជាពេលវេលាដ៏ល្អសម្រាប់ ទឹម រដ្ឋា និងស្វាមីបន្ទាប់ពីនាងបានភ្ជាប់ពាក្យនឹងគ្នាអស់រយៈពេលច្រើនឆ្នាំមកនេះ។ ជាក់ស្តែងពិធីការិនីអ្នកនាង ស៊ឹម សូ លីកា ក៏បានផ្ញើសារជួនពរដែរថាបងទាំងពីរសូមចូលរួមអបអរសាទរដល់ប្អូនស្រី Tim Rotha ក្នុងថ្ងៃពិសេសថ្ងៃមង្គលសិរីសួស្ដីអាពាហ៍ពិពាហ៍គូស្វាមីភរិយាថ្មី។

អ្នកនាង ស៊ឹម សូលីកា បានបន្ថែមថាបងសូមជូន ពរប្អូនស្រីព្រមទាំងស្វាមីសូមបានជួបតែសេចក្ដី សុខសុភមង្គលសំណាងល្អសុខភាពល្អមានលាភ មានទ្រព្យសម្បត្តិស្តុកស្តម្ភជោគជ័យគ្រប់ភារកិច្ចការងារ៕

ដោយ ៖ ចាន់រ៉ា