ជីវិតកម្សាន្ដ

ទឹម រដ្ឋា សោកស្ដាយ ក្រោយរបូតឱកាសសម្ដែងភាពយន្តខ្នាតធំបែបប្រវត្តិសាស្ត្រ

បានផុស

២ years មុន

នៅ

ថ្ងៃចន្ទ ១០ មេសា ២០២៣

ដោយ

បើសង្កេតពីអាជីពសិល្បៈរបស់តារាសម្ដែង និងម៉ូដែលអ្នកនាង ទឹម រដ្ឋា បច្ចុប្បន្នហាក់មានការឃ្លាតឆ្ងាយទាំងស្រុង ចាប់តាំងពីនាងបានសម្រេចចិត្តរៀបអាពាហ៍ពិពាហ៍ជាមួយស្វាមីជនជាតិបរទេសដែលមានរយៈពេលប្រមាណជាង ១ ឆ្នាំ មកនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីចំណងអាពាហ៍ពិពាហ៍បានរយៈពេល ១ ឆ្នាំ មកនោះ តារាសម្ដែង ទឹម រដ្ឋា កាលពីថ្មីៗកន្លងទៅនេះ នាង និងស្វាមី ក៏ទើបទទួលបានចំណងដៃកូនដំបូងម្នាក់គួរជាទីស្រលាញ់ទៀតផង។ ព្រោះតែហេតុផលនេះ ទើបធ្វើឲ្យ រដ្ឋា បានបាត់វត្តមានពីអាជីពសិល្បៈមកដល់ពេលនេះ។ ប៉ុន្តែទោះបីជាយ៉ាងនេះក្ដី តារាស្រី ទឹម រដ្ឋា នៅតែនឹករលឹកដល់អាជីពមួយនេះ ព្រមនឹងមិត្តភ័ក្ដិរួមសិល្បៈ ហើយអ្នកគាំទ្រ។

រឿងដែលធ្វើឲ្យអ្នកនាង ទឹម រដ្ឋា កាន់តែសោកស្ដាយខ្លាំងទៀតនោះ គឺនាងមានឱកាសហើយ តែត្រូវបានរបូតទៅវិញដោយមិនបានចូលរួមសម្ដែងរឿង”អប្សរាមហាអង្គរ” ដែលជាស្នាដៃដឹកនាំដោយផលិតករ លោក ហ្វៃ សំអាង។ ចំណុចនេះបានធ្វើឲ្យ រដ្ឋា ពោលពាក្យទាំងស្ដាយថា អូយ….ពិតជាស្រលាញ់ និងគោរពណាស់ ម្ចាស់ថ្លៃអើយ សម្លៀកបំពាក់ប្រពៃណីខ្មែរយ៉ាងស្រស់ស្អាត។

អ្នកនាង ទឹម រដ្ឋា បានលើកឡើងទៀតថា ស្ដាយខ្លាំងណាស់ពេលដែលលោកពូ ហ្វៃ សំអាង ទាក់ទងមក ក្មួយកំពុងតែមានគម្រោងយកកូន កុំអីមានកិត្តិយសបានថតមួយរឿងចុងក្រោយមុនពេលមានកូននឹងគេបាត់ហើយ។

សូមជម្រាបដែរថា រហូតមកដល់ពេលនេះភាពយន្តខ្នាតធំបែបប្រវត្តិសាស្ត្ររឿង”អប្សរាមហាអង្គរ” បានរៀបចំពិធីក្រុងពាលីរួចរាល់ហើយកាលពីពេលថ្មីៗកន្លងទៅ និងបានកំពុងដំណើរការថតជាផ្លូវការហើយដែរ៕

អត្ថបទ ៖ ចាន់រ៉ា