ជីវិតកម្សាន្ដ
កុល ដាវី និង សុខ រក្សា សម្រេចបំណងដូចការជូនពររបស់សម្តេចតេជោកាលពី៣ឆ្នាំមុន
នឹកដល់រឿងកាលពី៣ឆ្នាំមុនបានធ្វើឲ្យតារាស្រីអ្នកនាង កុល ដាវី និងលោក សុខ រក្សា បង្ហាញអារម្មណ៍រំភើប និងចងចាំមិនភ្លេចទេនូវប្រសាសន៍ជូនពរដល់មានអត្ថន័យ និងថ្លៃថ្លាបំផុតរបស់សម្តេចតេជោ ហ៊ុន សែន នាយករដ្ឋមន្រ្តីនៃប្រទេសកម្ពុជា។
គេនៅចាំបានថា តារាចម្រៀងគឺលោក សុខ រក្សា និងតារាសម្តែងអ្នកនាង កុល ដាវី បានចូលរោងការកាលពីថ្ងៃទី០៨ ខែមីនា ឆ្នាំ២០១៩ កន្លងទៅ ក្រោមការអញ្ជើញចូលរួមពីសំណាក់ភ្ញៀវកិត្តិយស អ្នកមានមុខមាត់និងមិត្តរួមអាជីពជាមួយគ្នាយ៉ាងច្រើនកុះករបង្កបរិយាកាសសប្បាយរីករាយខ្លាំងដើម្បីអបអរថ្ងៃជោគថ្ងៃជ័យដល់ពួកគេទាំងពីរ។
យ៉ាងណាមិញក្រោយពេលរួមរស់សាងសុភមង្គលគ្រួសារជាប្តី-ប្រពន្ធពេលនេះ កុល ដាវី និងលោក សុខ រក្សា ក៏សម្រេចបានក្តីស្រម៉ៃដោយទទួលចំណងអាពាហ៍ពិពាហ៍កូនស្រីម្នាក់កាលពីថ្មីៗនេះ។ ទន្ទឹមគ្នាដែលទទួលបានចំណងដៃជីវិតកូនស្រីជាទីស្រលាញ់ កុល ដាវី បានត្រឡប់ទៅមើល៣ឆ្នាំមុនក្នុងអំឡុងឆ្នាំ២០១៩គ្រាដែលនាងនិងលោកស្វាមីចូលរួមកម្មវិធី«ចម្រៀងគ្រួសារខ្មែរ» ខណ:ដែលកាលនោះនាងនិងស្វាមីក៏ទទួលបានពរជ័យពីសម្ដេចតេជោ ហ៊ុន សែន ដោយជូនពរពួកគេឲ្យឆាប់មានបុត្រផងដែរ។
ដោយឡែកងាកមកមើល៣ឆ្នាំក្រោយ ពេលសម្រេចបំណងហើយនោះ អ្នកនាង កុល ដាវី បានរម្លឹកពាក្យជូនពររបស់សម្ដេចតេជោហើយបង្ហោះសារថា«ពាក្យជូនពររបស់សម្តេចពុកនិងសម្តេចម៉ែកាលពី៣ឆ្នាំមុនពេលនេះពួកកូនធ្វើបានសម្រេចហើយ កូនទាំងពីរព្រមទាំងចៅស្រី រក្សា វីនីតា សូមគោរពជូនពរនិងបួងសួងដល់ទេវតាឆ្នាំថ្មីព្រះនាម កិរិណីទេវី សូមជួយប្រសិទ្ធិពរជ័យ សិរីសួស្ដី ជ័យមង្គល វិបុលសុខ ជូនចំពោះសម្តេចពុក សម្តេចម៉ែ ជាទីគោរពស្រលាញ់ដ៏ខ្ពង់ខ្ពស់ ពីកូនៗ»។
សូមជម្រាបថា តារាសម្ដែងអ្នកនាង កុល ដាវី បានសម្រាលកូនប្រកបដោយសុវត្ថិភាពតាមបែបធម្មជាតិកាលពីថ្ងៃទី១១ ខែមេសា ឆ្នាំ២០២២ ម៉ោង១០និង១៥នាទីព្រឹក នៅសម្ភពអររៀនដាដោយកូនស្រីរបស់នាងត្រូវបានដាក់ឈ្មោះយ៉ាងពីរោះថា «រក្សា វីនីតា»៕
អត្ថបទ៖ ចាន់រ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង