ជីវិតកម្សាន្ដ

សម្រស់តួម្ដាយក្នុងរឿង “បុព្វេសន្និវាស” ស្អាតតាំងពីមិនទាន់ចូលប្រឡូកក្នុងវិថីសិល្បៈ (មានវីដេអូ)

បានផុស

៤ years មុន

នៅ

ថ្ងៃអង្គារ ៧ មិថុនា ២០២២

ដោយ

ទស្សនិកជនខ្មែរមួយចំនួន ប្រហែលជានៅចងចាំរឿង “បុព្វេសន្និវាស” ធ្លាប់ល្បីល្បាញខ្លាំងនៅប្រទេសថៃ និងកម្ពុជាផងដែរ។ ជាពិសេសតួឯកស្រី Bella និងតួប្រុស Thanavat បានញាំងសាច់រឿងឲ្យកាន់តែល្អមើល ពីមួយភាគទៅមួយភាគ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ គេក៏នៅចាំមិនភ្លេចពីតួម្ដាយរបស់ឃុនដេត ដែលឈ្មោះចំប៉ាមានចរិតកាចឆ្នាស់ និងជាមនុស្សមានវិន័យតឹងរ៉ឹងខ្លាំងនៅក្នុងគ្រួសារនាសម័យបុរាណនេះ។ តួម្ដាយក្នុងរឿង “បុព្វេសន្និវាស” មានឈ្មោះពិតថា Chamaiporn Jaturaput ជាតារាសម្ដែងជើងចាស់វ័យ ៥៨ ឆ្នាំ ដែលគ្រប់គ្នាសរសើរពីសម្រស់របស់គាត់ថា នៅតែស្រស់ស្អាត និងទាក់ទាញតាំងពីសម័យដែលលោកស្រីសម្ដែងរឿងដំបូងមកម្ល៉េះ។ ទន្ទឹមនោះ គ្រប់គ្នាក៏បានដឹងថា លោកស្រីក៏ធ្លាប់មានឈ្មោះប្រឡងបវកញ្ញាសម្រស់ នៅក្នុងប្រទេសថៃដូចគ្នា។

យ៉ាងណាមិញ តួម្ដាយឃុនដេតរូបនេះ បានចាប់ផ្ដើមអាជីពដោយចូលប្រឡូកក្នុងកម្មវិធីប្រកួតបវរកញ្ញាថៃក្នុងឆ្នាំ ១៩៨៤។ បន្ទាប់មកគាត់បានចូលប្រឡូកក្នុងវិស័យសម្ដែងម្ដង ដោយចាប់ផ្ដើមរឿងដំបូងក្រោមចំណងជើងថា “Thep Sam Sueng” នៅប៉ុស្តិ៍លេខ ៧ ហើយចាប់ពីពេលនោះមក គាត់ក៏ចូលប្រឡូកក្នុងវិស័យសិល្បៈយ៉ាងពេញទំហឹងដោយដើរតួបានគ្រប់ជំនាញទាំងតួឯក តួរង និងតួអាក្រក់ជាដើម។

ចំពោះជីវិតផ្ទាល់ខ្លួនរបស់ Chamaiporn បានងាកមកធ្វើការនៅពីក្រោយឆាកជានាយកប្រតិបត្តិក្រុមហ៊ុន Neverland Creation Company Limited និង Channel C Company Limited ដើម្បីផលិតកម្មវិធីឯកសារ ហើយក៏ទទួលការងារក្នុងរឿងភាគទូរទស្សន៍ម្ដងមួយៗប៉ុណ្ណោះ។

ដើម្បីកុំឲ្យរង់ចាំយូរ កម្ពុជាថ្មីនឹងនាំអារម្មណ៍មិត្តអ្នកអាន មកទស្សនារូបភាពតួម្ដាយឃុនដេត ថាតើគាត់មានសម្រស់ស្រស់ស្អាតយ៉ាងណាដែរ?