ជីវិតកម្សាន្ដ
តារា ថៃ ១០ គូ ធ្លាប់រៀបការយ៉ាងអធិកអធម តែបែរប្រកាសលែងលះគ្នាគ្មានអាល័យ
ពេលស្នេហាកើតឡើងគឺសប្បាយចិត្ត កាន់តែរីករាយក្នុងការចាប់ដៃគ្នាចូលរោងការ។ ជាពិសេសតារាថៃ ដែលបានឈានដល់ជីវិតអាពាហ៍ពិពាហ៍ជាមួយគ្នា។ ប៉ុន្តែក្រោយរៀបការរួច ក្នុងនោះមានគូស្នេហ៍១០គូ បានប្រកាសបញ្ចប់ទំនាក់ទំនងជាប្ដីប្រពន្ធ រហូតធ្វើឲ្យមហាជនខកចិត្តជាខ្លាំង។
១ Nontaporn និងវេជ្ជបណ្ឌិត Nopparat
គូស្នេហ៍ដែលមាននាមជាវេជ្ជបណ្ឌិតវះកាត់កែសម្ផស្សនេះ បានឆ្លងកាត់ជីវិតរួមរស់ជាមួយជាង៩ឆ្នាំ។ ប៉ុន្តែក្រោយរៀបការបានតែ៣ខែ តារាស្រីរូបនេះ បានសារភាពថា អាកប្បកិរិយា និងរបៀបរស់នៅមិនត្រូវគ្នាឡើយ ។
២ Tao Somchai និង Nat Myria
គូស្នេហ៍នេះបានឆ្លងកាត់ពេលវេលាលំបាកជាមួយគ្នាយ៉ាងច្រើន រហូតឈានចូលដល់ទ្វារចូលរោងការដ៏អធិកអធមបំផុត។ ប៉ុន្តែក្រោយរៀបការជិត៣ឆ្នាំ គូស្នេហ៍មួយគូនេះបានប្រកាសលែងលះគ្នា ក្រោមហេតុផលរស់មិនចុះសម្រុង។
៣ Supakit Tangtatsawat និងAnorma Sarunsikarin
បន្ទាប់ពីសម្រេចចិត្តចូលរោងការបានត្រឹមតែ២ឆ្នាំ ក៏ប្រកាសលែងលះគ្នាដូចតារាផ្សេង។ ទន្ទឹមនោះក៏មានព័ត៌មានថាមកពីជនទី៣ ប៉ុន្តែខាងស្រីចេញមកបកស្រាយពីមូលហេតុនោះ គឺដោយសារតែមានគំនិតខុសគ្នា។ លើសពីនេះ អារម្មណ៍របស់អ្នកទាំងពីរ បានប្រែក្លាយទៅជាបងប្អូននឹងគ្នាទៅហើយ។
៤ Janie Tienphosuwan និង Ae Chonsawat
មហាជនជាច្រើននៅតែចងចាំថ្ងៃដែលតារាស្រី Janie ធ្វើសន្និសីទសារព័ត៌មានភ្ញាក់ផ្អើល និងបង្ហាញសំបុត្រអាពាហ៍ពិពាហ៍ជាមួយអ្នកនយោបាយដ៏ល្បីគឺលោក Ae Chonsawat។ ប៉ុន្តែក្រោយរៀបការបានត្រឹមតែ ១១ខែ គូស្នេហ៍មួយគូនេះក៏ចុះសំបុត្រលែងលះតែម្ដង។ បច្ចុប្បន្ននេះ Janie ក៏បានសាងសុភមង្គលថ្មីជាមួយបុរសដែលក្មេងជាងនាងទៅហើយ។
៥ Ornjira Lamwila និងវរសេនីយ៍ទោ Songphan
ក្រោយរៀបការបាន២ឆ្នាំ តារាសម្ដែង Ornjira បានសារភាពថា នាងបានលែងលះជាមួយលោកវរសេនីយ៍ទោ Songphan ជាកូនប្រុសរបស់អតីតអនុរដ្ឋមន្ត្រីក្រសួងមហាផ្ទៃរួចហើយ។ នាងបញ្ជាក់ថា មូលហេតុគឺដោយសារអាកប្បកិរិយា និងរបៀបរស់នៅមិនត្រូវគ្នា ។
៦ Paradorn Srichaphan និង Natalie Glebova
វាបានបំបែកបេះដូងយុវជនជុំវិញពិភពលោក បន្ទាប់ពីកីឡាករវាយកូនបាល់ដ៏ល្បីល្បាញ Paradorn និងបវរកញ្ញាចក្រវាលកាណាដា Natalie បានរៀបការ។ ប៉ុន្តែក្រោយរៀបការបានតែ៣ឆ្នាំ លោកក៏សម្រេចចិត្តលែងលះទាំងទឹកភ្នែក ដោយ Natalie ចេញមុខសារភាពថា គ្មានពេលឲ្យគ្នា និងមានរបៀបរស់នៅផ្សេងៗគ្នា។
៧ Chaiamorn និង Irada Siriwut
គូស្នេហ៍វ័យក្មេងនេះ បានសម្រេចចិត្តរៀបការនឹងគ្នា ក្រោយ Irada មានផ្ទៃពោះ៥ខែ។ ប៉ុន្តែក្រោយរៀបការបាន២ឆ្នាំ តារាស្រី Irada បើកចំហថា Chaiamorn មិនស្មោះត្រង់នឹងខ្លួនឡើយ។
៨ Tangmo និង Tono Phakin
គូស្នេហ៍នេះបានស្បថសន្យាស្រលាញ់គ្នាដល់ចាស់ និងបន្ទាប់ពីចូលរោងការ ២ឆ្នាំ Tono បានប្រកាសផ្ដាច់ទំនាក់ទំនងជាមួយ Tangmo ទៅហើយ។ កាលណោះ Tangmo បានលេបថ្នាំងងុយដេកយ៉ាងច្រើន រហូតត្រូវបញ្ជូនទៅកាន់មន្ទីរពេទ្យជាបន្ទាន់។
៩ Peter Corp Dyrendal និង Ploy Ployphan
ក្រោយរៀបការមិនបានប៉ុន្មានផង ពួកគេទាំងពីរក៏បានលែងលះផ្លូវការ។ បន្ទាប់ពីសម្រាលកូនទីពីរ តារាប្រុសរូបនេះ សុខចិត្តចំណាយប្រាក់ចិញ្ចឹមកូនប្រុសទាំងពីរ ក្រោយបញ្ចប់ជីវិតស្នេហាជាង៣ឆ្នាំមកហើយ។
១០ Pluem Surat Leekpai និង Tubtim Mallika
មនុស្សជាច្រើននៅតែចងចាំនូវឃ្លីប សុំស្នេហ៍ របស់គូស្នេហ៍វ័យក្មេង Pluem កូនប្រុសរបស់ អតីតនាយករដ្ឋមន្ត្រី និង Tubtim Mallika ប៉ុន្តែក្រោយរៀបការបានតែ៣ឆ្នាំ គូស្នេហ៍មួយគូនេះ បានបញ្ចប់អាពាហ៍ពិពាហ៍ជាមួយនឹងពាក្យចចាមអារ៉ាមដែលផ្ទុះឡើងក្នុងព័ត៌មាន។ តែយ៉ាងណា ខាងបុរសក៏ចេញមុខបកស្រាយថា ក្រោយរៀបការរួច គេទើបយល់ថា ស្នេហានេះគឺស្រឡាញ់គ្នាដូចមិត្តភ័ក្ដិប៉ុណ្ណោះ៕
ប្រែសម្រួល៖ សាង ស្រីល័ក្ខ
ចុចអាន៖ដឹងអត្ថន័យឈុតដែល Pancake ស្លៀកថ្ងៃពិសេស ពិតជាមានប្រវត្តិមិនធម្មតាឡើយ
ចុចអាន៖ឈុតពណ៌ក្រហមរបស់ Chompoo ធ្វើឲ្យអ្នកគាំទ្រភ្ញាក់ផ្អើលខ្លាំង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត