ជីវិតកម្សាន្ដ

តារា ថៃ ៥ រូប ធ្លាប់រងការជេរប្រមាថ និងរិះគន់ខ្លាំងៗ ដោយសារតែរូបរាងកាយរបស់ខ្លួន

បានផុស

២ years មុន

នៅ

ថ្ងៃអង្គារ ៥ កក្កដា ២០២២

ដោយ

កាន់តែល្បីល្បាញ កាន់តែរងនូវព្យុះភ្លៀង និងការរិះគន់ខ្លាំងៗ ពីសំណាក់មហាជន ជាពិសេសសម្រាប់តារាថៃដែលស្ថិតក្នុងឧស្សាហកម្មកម្សាន្ត។

អ្វីដែលសំខាន់ មានតារាខ្លះធ្លាប់ទទួលរងនូវការរិះគន់ ការសម្លុតពីសំណាក់អ្នកនិយមលេងអ៊ីនធឺណិតមួយចំនួន ដែលធ្វើឲ្យប៉ះពាល់ដល់ផ្លូវចិត្ត និងសំពាធកាន់តែធំសម្រាប់ពួកគេ។ ថ្ងៃនេះ គេហទំព័រកម្ពុជាថ្មី បានចងក្រងតារា៥ដួង ដែលធ្លាប់មានព័ត៌មានត្រូវគេជេរប្រមាថ ក្នុងរឿងផ្សេងគ្នា រួមជាមួយនឹងរបៀបដោះស្រាយរបស់តារាម្នាក់ៗផងដែរ។

១ Peck Palitchoke

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងវ័យក្មេង Peck Palitchoke ធ្លាប់រងការរិះគន់ខ្លាំងមិនធម្មតាឡើយ ចំពោះការវះកាត់មុខរបស់លោក។ ថ្លែងក្នុងបទសម្ភាសអំពីរឿងនោះ លោកថា វាបានក្លាយជាទម្លាប់ទៅហើយ។ លោកមិនដឹងថាត្រូវឆ្លើយអ្វីទេ។ ព្រោះ១០ឆ្នាំហើយ ដែលចម្លើយគឺអាស្រ័យលើអ្នក ទើបអាចយល់បាន ។ ពីព្រោះប្រសិនបើអ្វីមួយមើលទៅមិនល្អ យើងចង់ធ្វើវាម្តងទៀត ដូចដែលអ្នករាល់គ្នាចង់មើលទៅល្អដែរ។ តើយើងត្រូវធ្វើអ្វី? លោកថា មិនបានបដិសេធទេការរិះគន់ ហើយក៏ទទួលយកដែរ។

២ Taew Nataphon

សូម្បីតែតារាស្រីជួរមុខក្នុងវិស័យនេះ នៅតែមិនអាចជៀសរួច ពីការរិះគន់បានឡើយ។ នាងត្រូវបានគេរិះគន់ខ្លាំងៗ ពីរូបរាងស្គមស្គាំង ដែលមើលទៅមិនសមាមាត្រទៅនឹងរាងកាយរបស់នាងទាល់តែសោះ។ តារាស្រីរូបនេះគិតថា ចំពោះមតិអាក្រក់ គឺតូចបំផុតសម្រាប់នាង។ ធ្វើដូច្នេះ ទើបធ្វើឲ្យចិត្តរបស់នាង មិនតបតទៅកាន់នរណាផ្ដេសផ្ដាស។

៣ Nook Suttida

ក្រៅពីត្រូវព្យាបាលជំងឺមហារីកក្រពេញទីរ៉ូអ៊ីត នាងនៅតែត្រូវទទួលរងការសម្លុតពីមនុស្សមួយចំនួន ដែលបានរិះគន់រូបរាងរបស់នាង ដែលស្ទើរតែមិនដឹងអ្វីទាំងអស់អំពីនាង។ នាងធ្លាប់បានបញ្ចេញគំនិតតាមរយៈ Instagram ផ្ទាល់ខ្លួនថា “មិនគួរឲ្យជឿទេ ដែលសម័យនេះមនុស្សនៅតែមើលងាយ ឬរិះគន់អ្នកដទៃចំពោះមុខមាត់របស់ខ្លួន កុំធ្វើអី វាមិនគួរឲ្យស្រលាញ់ ហើយមើលទៅចាស់ណាស់។ យើងកើតមកជាមនុស្ស អ្នកត្រូវអភិវឌ្ឍចិត្តរបស់អ្នក។ កុំឲ្យភាពកខ្វក់ចេញពីចិត្ត ឬមាត់។ ទោះជាយ៉ាងនេះក្តី យើងសូមថ្លែងអំណរគុណចំពោះមនុស្សដែលបានរិះគន់មុខ និងរូបរាងរបស់យើង។ ព្រោះវាអនុញ្ញាតឲ្យយើងអភិវឌ្ឍខ្លួនឯងបានច្រើន ទាំងផ្លូវកាយ និងផ្លូវចិត្ត។

៤ Focus Jirakul

Focus Jeerakun ត្រូវបានគេបញ្ចេញមតិលើការគំរាមកំហែងនៅក្នុងការផ្សាយបន្តផ្ទាល់ឯកជនមួយ។ ភ្លាមៗនាងបានឆ្លើយតទៅកាន់មនុស្សទាំងនោះថា “អ្វីដែលធាត់គឺអ្នកត្រូវញ៉ាំ បើមិនញ៉ាំ ក៏មិនធាត់ដែរ។ ខ្ញុំឆ្ងល់ថា ហេតុអ្វីបានជាខ្ញុំធាត់។ ឈប់សួរទៅ ខ្ញុំមិនអង្គុយដកដង្ហើមហើយធាត់ទេ”។

៥ James Rusameekae

តារាភេទទី៣រូបនេះ មើលទៅដូចជាមនុស្សកំប្លែង ញញឹមសប្បាយរីករាយសឹងគ្រប់ពេល ប៉ុន្តែគាត់បែរជារងការសម្លុតធ្វើបាបតាំងពីក្មេងមកម្ល៉េះ។ James បានបើកចំហពីវិធីដោះស្រាយបញ្ហានេះថា លោករងការវាយប្រហារយ៉ាងខ្លាំង ដល់ថ្ងៃនេះ ទាំងសម្លុត ទាំង Bully ពីរូបរាងស្បែកខ្មៅរបស់លោក។ វិធីដែលត្រូវបានដោះស្រាយ គឺសាមញ្ញណាស់សម្រាប់ James គឺស្ងប់ស្ងាត់ ហើយមិនឆ្លើយឆ្លង៕

ប្រែសម្រួល៖ សាង ស្រីល័ក្ខ

ចុចអាន៖Bella ឆ្លើយធម្មតា ក្រោយអ្នកសារព័ត៌មានចោទសួររឿង Weir ត្រៀមរៀបការឆាប់ៗ

ចុចអាន៖ច្បាស់ការហើយ Weir ចេញមុខបកស្រាយ គ្រោងរៀបការខែនេះ