វេបសាយវៀតណាមផ្សាយថា បវរកញ្ញាកម្ពុជា ចម្លងម៉ូដរ៉ូបរបស់ខ្លួន

ថ្មីៗនេះ អ្នកគាំទ្រវៀតណាម នាំគ្នាប្រតិកម្មលើម៉ូដសម្លៀកបំពាក់ប៉ុន្មានឈុតរបស់កម្ពុជា ព្រោះតែពួកគេចាត់ទុកថា វាជាការចម្លងម៉ូដ ខណៈខាងកម្ពុជាច្រានចោលការចោទប្រកាន់ និងថាម៉ូដទាំងនោះសុទ្ធសឹងជាការជំរុញទឹកចិត្ត ឬការបំផុសគំនិត។

បវរកញ្ញា ថាវ ញីឡឺ  (Thao Nhi Le)

ក្រោយបង្ហោះរូបនេះ ​អ្នកច្នៃម៉ូដកម្ពុជាម្នាក់បានធ្វើឲ្យអ្នកគាំទ្រវិស័យសម្រស់វៀតណាម សម្ដែងការហួសចិត្តភ្លាមៗ ព្រោះឈុតនេះស្រដៀងទៅនឹងស្រមោលសររបស់បវរកញ្ញា Thao Nhi Le ជយលាភីរងទី១ Miss Universe Vietnam 2022 សឹងតែ ៩០%។

បវរកញ្ញា ង៉ុក ចូវ (Ngoc Chau)

រ៉ូបស្រមោលសររបស់ម្ចាស់មកុដ Miss Universe Vietnam 2022 ក៏បានក្លាយជាការបំផុសគំនិតសម្រាប់អ្នករចនាម៉ូដកម្ពុជាផងដែរ។ ជាក់ស្ដែង ម្ចាស់មកុដក្នុងកម្មវិធីប្រកួត Miss Preteen Cambodia 2022 បានស្លៀករ៉ូបពណ៌ស្វាយ ស្រដៀងគ្នាខ្លាំងនឹងរ៉ូបរបស់បវរកញ្ញា Ngoc Chau ក្នុងរាត្រីចុងក្រោយ ស្របពេលអ្នកគាំទ្រវៀតណាមរិះគន់រ៉ូបនេះថាអន់ជាងរ៉ូបរបស់គេឆ្ងាយ។

បវរកញ្ញា គីម សៀន (Kim Duyen)

បវរកញ្ញា Kim Duyen បានធ្វើឱ្យសាធារណជនមានការចាប់អារម្មណ៍យ៉ាងខ្លាំងជាមួយនឹងឈុតខ្លីពណ៌ទឹកប្រាក់ កំលុងពេលប្រឡងបវរកញ្ញាចក្រវាលឆ្នាំ ២០២១ ខណៈថ្មីៗនេះអ្នកគាំទ្រអតីតបវរកញ្ញារូបនេះ បានប្រៀបប្រដូចឈុតដែលបវរកញ្ញា អ៊ិន លក្ខិណា តំណាងកម្ពុជាក្នុងកម្មវិធី Miss Supranational 2022 ថាជាឈុតដូចគ្នា ដែលនេះធ្វើឲ្យមានរឿងចម្រូងចម្រាសថា លក្ខិណា ស្លៀកឈុតដែលលួចចម្លងពីការរចនារបស់វៀតណាម។

យ៉ាងណាមិញ ក្រៅពីប្រទេសកម្ពុជា ហ្វេនវៀតណាម ក៏បានយករ៉ូបរបស់បេក្ខនារីក្នុងកម្មវិធី Miss Grand Thailand និងកម្មវិធី Miss Peace Thailand 2022 មកប្រដូចទៅនឹងម៉ូដរ៉ូបបវរកញ្ញារបស់ខ្លួន និងថាប្រទេសថៃបានចម្លងគំនិតច្នៃប្រឌិតពីប្រទេសរបស់គេផងដែរ៕

​ប្រែសម្រួល៖ សន្យា

ប្រភព៖ Bestie

ចុចអាន៖ បវរកញ្ញាចក្រវាលថៃ ២០២២ មានប្រវត្តិចេញពីគំនរសំរាម និងធំធាត់ឡើងដោយសារបាយវត្ត