Connect with us

ជីវិតកម្សាន្ដ

ពេជ្រ វត្តីសារ៉ាវឌ្ឍី ទទូចស្នើសុំការគាំទ្រ និងការផ្តល់កម្លាំងចិត្ត ពីមហាជនខ្មែរ

បានផុស

នៅ

កញ្ញា ពេជ្រ វត្តីសារ៉ាឌ្ឍី ដែលជាម្ចាស់មកុដកញ្ញាឯកដ៏អស្ចារ្យនៃកម្ពុជាឆ្នាំ២០២២ (Miss Grand Cambodia 2022) បានចេញមុខទទូចស្នើរសុំការគាំទ្រ និងផ្តល់កម្លាំងចិត្តពីមហាជនខ្មែរទូទាំងប្រទេស ខណ:ការប្រកួតនៅលើឆាកអន្តរជាតិកាន់តែកៀកថ្ងៃ។

កញ្ញា ពេជ្រ វត្តីសារ៉ាឌ្ឍី បានប្រកាសនៅលើទំព័រហ្វេសប៊ុករបស់ខ្លួនថា ពេលនេះនាងកំពុងតែត្រូវការការលើកទឹកចិត្ត និងគាំទ្រពីប្រជាជនកម្ពុជាទូទៅ។ ពេជ្រ វត្តីសារ៉ាឌ្ឍី បានថ្លែងពាក្យដូច្នេះថា ប្រជាជនកម្ពុជា ខ្ញុំត្រូវការអ្នក យេីងរួមគ្នា​ដេីម្បីកម្ពុជា តេីបានទេ? ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បវរកញ្ញារូបនេះបានលើកឡើងថា អ្នកដែលឈ្នះ១០រូប នឹងទទួលបានកិច្ចស្វាគមន៍ដោយមានឱកាសទទួលទានអាហារជាមួយនឹង Mr. Nawat President MGI ដើម្បីអោយនាងខ្ញុំទទួលបានឱកាសមួយនេះ សូមជួយចុចlike និង Shareអោយច្រើនៗ ក្នុងផេកផ្លូវការណ៍ Miss Grand International !។ សូមអរគុណពុកម៉ែបងប្អូនទាំងអស់គ្នាដែលធ្វើដើម្បីកម្ពុជា។

ដោយឡែកនៅលើផេកផ្លូវការណ៍របស់ MissGrand Cambodia ក៏បានបង្ហោះសារស្វែងរកការគាំទ្រពីមហាជនផងដែរ។ ក្នុងនោះដែរក៏បានលើកឡើងថា កាន់តែកៀកថ្ងៃប្រកួត កាន់តែខំប្រឹងមានតែពាក្យថា តស៊ូ អត់ធ្មត់ ដើរទៅមុខជានិច្ចទោះលទ្ធផលយ៉ាងណាត្រូវតែទទួលយក។

សូមជម្រាបថា កញ្ញា ពេជ្រ វត្តី សារ៉ាឌ្ឍី កន្លងមកត្រូវបានមហាជនលើកសរសើរគ្រប់គ្នាថា សក្ដិសមជាម្ចាស់មកុដគ្រប់កាយវិកា ពាក្យសម្ដី ចំណេះដឹង ទាំងកម្ពស់ និងសម្រស់ គឺនាងមានភាពលេចធ្លោ។ ក្រោយពីក្លាយជាម្ចាស់មកុដកញ្ញា ពេជ្រ វត្តីសារ៉ាវឌ្ឍី ក៏មានតួនាទីតំណាងអោយកម្ពុជាលើឆាកអន្តរជាតិនៃកម្មវិធីMiss GrandInternationalក្នុងប្រទេសឥណ្ឌូនេស៊ីផងដែរ៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម