ជីវិតកម្សាន្ដ

Brooke Shields អតីតតួថតឲ្យទស្សនាវដ្ដី Playboy នៅអាយុ ១២ ឆ្នាំ

បានផុស

១ year មុន

នៅ

ថ្ងៃចន្ទ ១០ តុលា ២០២២

ដោយ

Brooke Shields គឺជាតារាសម្ដែងនិងតារាបង្ហាញម៉ូដជនជាតិអាមេរិកាំងម្នាក់ បច្ចុប្បន្នអ្នកស្រីមានអាយុ៥៧ឆ្នាំហើយ។ ប៉ុន្តែសម្រស់វិញ នៅតែគួរឲ្យគយគន់ មិនប្រែប្រួលឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រីចាប់ផ្ដើមប្រឡូកក្នុងវិថីសិល្បៈតាំងពីអាយុ ១១ខែមកម្ល៉េះ ពិតណាស់នេះជាការរៀបចំរបស់ម្ដាយ Brooke Shields គឺអ្នកស្រី Teri Shields ។ ក្រោយមកអ្វីដែលគួរឲ្យភ្ញាក់ផ្អើលបំផុតនោះគឺការសម្ដែងក្នុងរឿង “Pretty Baby” រឿងនេះគេសម្ដែងអំពីការដេញថ្លៃព្រហ្មចារីកុមារ ឬការលក់ដូរកុមារ ដើម្បីបម្រើសេវាកម្មផ្លូវភេទ កាលណោះ អ្នកស្រី Brooke Sheilds ទើបតែមានអាយុ ១២ឆ្នាំតែប៉ុណ្ណោះ គាត់មិនត្រឹមតែថតរឿងអាសអាភាសទេ Teri Shields ថែមទាំងឲ្យគេថតកូនរបស់ខ្លួនដាក់ចូលទៅក្នុងទស្សនាវដ្ដី “Playboy” ហៅថា “Sugar n Spice” ទៀតផង។

អ្នកប្រាកដជាលាន់មាត់ ឬគិតហើយថា Teri Shields ជាម្ដាយប្រភេទបែបណា ទើបជំរុញកូនឲ្យថតនិងសម្ដែងរឿងមិនសមរម្យបែបនេះ? ចម្លើយគឺ “ភាពល្បីល្បាញ” អ្នកស្រី Teri ដែលជាម្ដាយនោះគាត់យល់ឃើញថាកូនស្រីតែមួយរបស់គាត់មានសម្រស់ស្រស់ស្អាតប្លែក ចង់ឲ្យ Brooke មានភាពសកម្មនៅក្នុងសិល្បៈជាខ្លាំង ទើបគាត់ខិតខំយ៉ាងណាឲ្យអាជីពរបស់នាងដើរទៅមុខនិងលេចធ្លោ។ ដូចបំណងមែន Brooke shield ក៏ក្លាយជាតារាហូលីវូដ និងមានទ្រព្យសម្បត្តិសរុបប្រហែល ៤០លានដុល្លារ យ៉ាងណាក្ដី កុមារភាពរបស់នាងនៅតែជារឿងអសោចមិនអាចលុបបាននឹងទឹកប្រាក់ប៉ុន្មានលាននោះទេ Brooke ត្រូវរស់នៅជាមួយការចងចាំមិនល្អជាច្រើនពេញមួយជីវិត។ ដំបូងៗអ្នកស្រីមិនទាន់អាចទទួលយកនូវអ្វីដែលកើតឡើងបានទេ អ្នកស្រីនៅតែមានវិប្បដិសារីមករាប់សិបឆ្នាំ ទន្ទឹមនឹងនោះ Brooke មានជំងឺបាក់ទឹកចិត្ត គិតចង់សម្លាប់ខ្លួនជារឿយៗ សំណាងល្អអ្នកស្រីមានក្រុមគ្រួសារដ៏កក់ក្ដៅមួយចាំផ្ដល់កម្លាំងចិត្តរាល់ពេលមានបញ្ហាទើបគាត់លែងគិតខ្លីមានតែកម្លាំងចិត្តនិងភាពសប្បាយរីករាយជានិច្ច។

៤០ឆ្នាំកន្លងផុតទៅ Brooke Shields បានផ្លាស់ប្ដូរទាំងស្រុងទៅលើគំនិតរបស់គាត់ ដោយមានអារម្មណ៍មោទនភាព និងមានភាពជឿជាក់ជំនួសវិញនូវអ្វីដែលគាត់បានបន្សល់ទុកកាលពីកុមារភាព។ ឥលូវជីវិតអ្នកស្រីពោរពេញដោយក្ដីសុខ និងសុភមង្គលទាំងផ្លូវកាយទាំងផ្លូវចិត្ត ជាមួយស្វាមីល្អម្នាក់ និងកូនស្រីជាទីស្រលាញ់២នាក់គឺ Rowan Francis Henchy និង Grier Hammond Henchy៕

ប្រែសម្រួលដោយ៖ វារី

ចុចអាន៖Angelina Jolie ចោទប្រកាន់អតីតស្វាមី Brad Pitt ប្រើអំពើហិង្សាកាលពី ៦ ឆ្នាំមុន

តារាសម្តែង Angelina Jolie បានចោទប្រកាន់អតីតស្វាមីលោក Brad Pitt ថាច្របាច់ ក អ្នកស្រី និងប្រើអំពើហិង្សាទៅលើកូនៗ ក្នុងអំឡុងពេលជិះយន្តហោះឯកជនកាលពីឆ្នាំ ២០១៦។

បើយោងតាមឯកសារតុលាការដែលទម្លាយពីក្រដាសបណ្តឹងប្រឆាំងលែងលះគ្នាថ្មីមួយទៀតរបស់អ្នកស្រី Angelina Jolie កាលពីថ្ងៃអង្គារក៏បានចោទប្រកាន់អតីតស្វាមីផងដែរថា បានចាប់ក្បាលអ្នកស្រីរុញផ្ទប់នឹងជញ្ជាំងថែមទៀតផង ។

ក្នុងបណ្តឹងនោះបានបន្ថែមទៀតថា Brad Pitt ក៏បានប្រើប្រាស់អំពើហិង្សាទៅលើកូនៗអ្នកស្រីនៅ ពេលដែលក្មេងៗចូលមកព្យាយាមការពារអ្នកស្រី Angelina ខណៈហេតុការណ៍នោះបានធ្វើឲ្យអ្នកស្រីរបួសខ្នង និងកែងដៃ ចំណែកឯកូនអ្នកស្រីម្នាក់ទៀតរបួសនៅលើផ្ទៃមុខ ។

គួរបញ្ជាក់ថា តារាហូលីវូដ Angelina Jolie ក៏ធ្លាប់ប្ដឹងអតីតស្វាមីរូបនេះផងដែរពីបទព្យាយាមក្លែងជាជនរងគ្រោះដើម្បីគ្រប់គ្រងភាគហ៊ុនរោងចក្រស្រាទំពាំងបាយជូរ Château Miraval តែម្នាក់ឯង ដែលវាជាទ្រព្យរបស់ពួកគេធ្លាប់សាងរួមគ្នាអស់ពេលជាច្រើនឆ្នាំ ៕

ប្រែសម្រួលដោយ ៖ នាងតូច

ចុចអាន៖Kim Kardashian រងការពិន័យប្រាក់ ១.២៦ លានដុល្លារ ក្រោយផ្សព្វផ្សាយលុយអេឡិចត្រូនិក

ចុចអាន៖ភរិយា Justin Bieber ចែករំលែកបទពិសោធន៍រឿងលើគ្រែជាមួយស្វាមី