ជីវិតកម្សាន្ដ

តើតារាល្បីៗណាខ្លះ នឹងក្លាយជាអ្នកកំដរក្នុងពិធីមង្គលការ Taylor Swift?

បានផុស

៧ ខែ មុន

នៅ

ថ្ងៃចន្ទ ២២ ធ្នូ ២០២៥

ដោយ

ពិធីមង្គលការនាពេលខាងមុខរបស់ស្ដេចតន្ត្រី Taylor Swift និងគូដណ្តឹង Travis Kelce កំពុងបង្កើតការរំភើបយ៉ាងខ្លាំងក្នុងចំណោមអ្នកគាំទ្រ។ ការព្យាករណ៍ជុំវិញតារាល្បីៗណាខ្លះដែលអាចនឹងក្លាយជាអ្នកកំដរកូនក្រមុំរបស់ Taylor Swift បានលេចចេញយ៉ាងឆាប់រហ័ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការសម្ភាសន៍ និងការបង្ហាញខ្លួនជាសាធារណៈ Taylor Swift និង Travis Kelce បានចៀសវាងសំណួរអំពីពិធីមង្គលការនាពេលខាងមុខ។ ដោយឡែក យោងតាម US Weekly គូស្នេហ៍នេះមានគម្រោងរៀបការនៅ Rhode Island នៅរដូវក្តៅឆ្នាំ ២០២៦។

Taylor Swift មានមិត្តភាពជិតស្និទ្ធជាមួយក្រុមមិត្តភក្តិតារាល្បីៗ រួមមាន Selena Gomez, Blake Lively, Gigi Hadid, Sophie Turner, Sabrina Carpenter, Ice Spice និងច្រើនទៀត។ នៅដើមខែវិច្ឆិកា Taylor ត្រូវបានគេប្រទះឃើញកំពុងញ៉ាំអាហារពេលល្ងាចឯកជនជាមួយមិត្តភក្តិជិតស្និទ្ធបីនាក់នៅទីក្រុងញូវយ៉ក។ នៅថ្ងៃទី ១ខែវិច្ឆិកា តារាចម្រៀងរូបនេះបានចេញទៅក្រៅជាមួយជាងកាត់សក់ និងមិត្តភក្តិជិតស្និទ្ធ Ashley Avignone បន្ទាប់មកអាហារពេលល្ងាចជាមួយតារាម៉ូដែល Gigi Hadid នៅថ្ងៃទី ៣ ខែវិច្ឆិកា និងកិច្ចប្រជុំជាមួយអ្នកសហការរបស់នាងនៅលើអាល់ប៊ុម The Life of a Showgirl គឺ Sabrina Carpenter នៅថ្ងៃទី ៧ខែវិច្ឆិកា។

ការជួបជុំញឹកញាប់របស់តារាចម្រៀងរូបនេះ ជាមួយមិត្តភក្តិល្បីៗរបស់នាងមិនមែនជារឿងចម្លែកនោះទេ។ ទោះជាយ៉ាងណាក៏ដោយ ពេលវេលានៃការជួបជុំទាំងនេះបានក្លាយជាប្រធានបទពិភាក្សាដ៏ក្តៅគគុកយ៉ាងឆាប់រហ័ស។ អ្នកគាំទ្រជាច្រើនបានស្មានថា តារាចម្រៀងរូបនេះកំពុងចាប់ផ្តើមរៀបចំផែនការក្រុមអ្នកកំដររបស់នាង។

យោងតាមកាសែត US Sun ក្រុមកូអ្នកំដរក្នុងក្តីស្រមៃរបស់តារាចម្រៀងរូបនេះក៏ត្រូវបានបង្ហាញផងដែរ ដោយឈ្មោះពីរដំបូងគឺ Selena Gomez និង Gigi Hadid។ ថ្លែងទៅកាន់ The Sun ប្រភពអនាមិកមួយបាននិយាយថា Taylor បានអញ្ជើញ Gigi Hadid ឲ្យធ្វើជាអ្នកកំដរ ដែលជាការរីករាយយ៉ាងខ្លាំងរបស់តារាម៉ូដែលរូបនេះ ព្រោះនាងមិនបានត្រៀមខ្លួនទាល់តែសោះ។

ខាងក្រោមនេះគឺជាឈ្មោះមិត្តភក្តិជិតស្និទ្ធរបស់ម្ចាស់បទ «Cruel Summer» ដែល Lifestyle Asia ជឿថាទំនងជាអ្នករៀបចំអ្នកំដរនៅក្នុងពិធីមង្គលការរបស់ Taylor Swift និង Travis Kelce។

Selena Gomez, Gigi Hadid, Ashley Avignone, Sabrina Carpenter ត្រូវបានគេព្យាករណ៍ថានឹងស្ថិតក្នុងចំណោមអ្នកំដរកូនក្រមុំក្នុងពិធីមង្គលការរបស់ Taylor Swift និង Travis Kelce នៅរដូវក្តៅនេះ៕