ជីវិតកម្សាន្ដ

គឹម លីហ្សា ប្រកាសត្រៀមបកស្បែកមុខអ្នកសិល្បៈជំពាក់លុយរាប់ម៉ឺនដុល្លារ

បានផុស

៣ years មុន

នៅ

ថ្ងៃសៅរ៍ ១២ វិច្ឆិកា ២០២២

ដោយ

អស់ការអត់ធ្មត់ តារាសម្ដែងអ្នកនាង គឹម លីហ្សា បានប្រកាសយ៉ាងភ្ញាក់ផ្អើលនៅលើបណ្ដាញសង្គមហ្វេសប៊ុក តាមរយៈការត្រៀមបើកបង្ហាញមុខចំពោះបុគ្គលមួយចំនួនដែលជំពាក់លុយ ក្នុងនោះក៏មានអ្នកសិល្បៈផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសរបស់អ្នកនាង គឹម លីហ្សា នេះ ធ្វើឲ្យអ្នកគាំទ្រចាប់អារម្មណ៍គ្រប់គ្នា និងបានសួរនាំចង់ដឹងថា តើតារាដែលជំពាក់លុយនាងគឺមាននរណាខ្លះ?។ ខណៈកន្លងមក មិនមែនមានតែអ្នកនាង គឹម លីហ្សា ម្នាក់ទេដែលរងគ្រោះដោយសារបញ្ហានេះ ពោលគឺមានច្រើនរួចមកហើយ។

តាមរយៈខ្លឹមសារសំណេរដែលអ្នកនាង គឹម លីហ្សា ប្រកាសជាសាធារណៈបានលើកឡើងថា «ត្រៀមបើកបង្ហាញមុខអ្នកជំពាក់លុយទាំងតុងទីន និងលុយក្រៅទៀត ចាំមើលល្បីផ្ទុះប៉ុណ្ណា ខ្លះតារា ខ្លះអ្នកធម្មតាផង ត្រៀមបកស្បែកមុខ ចាំមើលរស់ក្នុងសង្គមម៉េចវិញ? ជំពាក់លុយរាប់ម៉ឺន ព័ត៌មានកក្រើកស្រុកខ្មែរ»។

ថ្វីត្បិតមានការប្រកាសដូចខាងលើនេះក៏ពិតមែន តែរហូតមកទល់ពេលនេះ តារាស្រីអ្នកនាង គឹម លីហ្សា នៅមិនទាន់បង្ហាញ ឬទម្លាយពីអត្តសញ្ញាណរបស់បុគ្គលទាំងនោះទេ។ ឆ្លើយតបតាមរយៈខមមិនអ្នកគាំទ្រ អ្នកនាង គឹម លីហ្សា បាននិយាយថា ខ្ញុំត្រៀមទាំងក្រុមការងារ ១០០០ គ្រុប shareទៀត ម្តងនេះ លេងឲ្យផ្អើលហ្មង ខឹងណាស់,ខ្មឺតមិនទាន់ប៉ះចំអ្នកមែន ខ្មឺតចំអ្នកមែន ខ្មាសគេផ្អើលភូមិហ្មង៕

អត្ថបទ ៖ ចាន់រ៉ា